Царква
I калі я раздам усю маёмасьць маю і аддам цела маё на спаленьне, а любові ня маю, - няма мне ў тым ніякай карысьці
(Пасланьне сьв. ап. Паўла да Карынфянаў 13:3)
Галоўная Відэа
Паніхіда ў памяць уніятаў у Вяда
25 жніўня 2016 году грэка-католікі з Івацэвічаў, Берасьця, Баранавічаў, Менску і Ліды ўшанавалі памяць зьнішчаных падчас карнай аперацыі ў верасьні 1942 г. жыхароў в. Вяда і сумежнай з ёй в. Тупічыцы з Бабровіцкай уніяцкай парафіі. Паніхіду ля памятнага крыжа па бязьвінных ахвярах вайны адслужыў а. Андрэй Абламейка.

Вёскі Вяда і Тупічыцы, якія знаходзіліся на ўсходнім беразе Бабровіцкага возера (Івацэвіцкі раён), былі аднымі з самых старажытных паселішчаў у рэгіёне, мелі цікавую і насычаную гісторыю. Вёска Вяда вядомая паводле гістарычных дакументаў з 1433 г. А ў 1971 г. тут нават выявілі паселішча каменнага веку, якое археолагі грунтоўна дасьледавалі ў 1989 г.

У міжваенны час Вяда і Тупічыцы належылі да ўніяцкай парафіі ў Бабровічах, душпастырам якой зьяўляўся выдатны беларускі культурна-асьветны і рэлігійны дзяяч а. Баляслаў Пачопка.

13 верасьня 1942 г. гэтыя вёскі разам з усімі жыхарамі былі зьнішчаныя карнікамі падчас аперацыі "Балотная ліхаманка". У вёсцы Вяда было спалена 86 двароў і 217 жыхароў, у Тупічыцах — 43 двары і 143 жыхары. Пасьля вайны гэтыя старажытныя вёскі ўжо не адрадзіліся.

Гэтае месца сёньня знаходзіцца ў поўнай ізаляцыі ад людзей. Дабрацца ў гэтыя мясьціны можна або праз Бабровіцкае возера, або праз балоцістыя мясьціны, даступныя толькі ў вялікую сушу.

Вось ужо больш за сем дзесяцігоддзяў на месцы зьнішчаных вёсак пануе забыцьцё. І нават сьціплы абеліск, пастаўлены яшчэ ў 1965 г. на месцы спаленай вёскі, быў ужо зусім у заняпадзе. Яшчэ і сёньня на пясчаным узгорку мала што расьце. Аб тым, што тут жылі людзі, месцамі нагадваюць адно зьдзічэлыя грушы. А яшчэ ля помніка моцна разрасьліся кусты шыпшыны, чырвоныя плады якой нагадваюць кроплі крыві, што тут некалі пралілася...

У апошнія гады напрыканцы лета грэка-католікі імкнуцца абавязкова наведаць гэтыя мясьціны, каб памаліцца за душы бязьвінна загінулых у вайну продкаў. Крыж, які паставілі грэка-католікі ў памяць былых уніятаў з вёсак Вяда і Тупічыцы ў канцы 1990-х, прымусіў і ўлады абнавіць стары мемарыяльны знак. Яго замянілі ў 2015 г.
Тэгі: Вяда, Бабровічы, унія, грэка-католікі, вайна

Гл. таксама:
Першаярарх УГКЦ: «Я з асаблівым хваляваньнем малюся тут з вамі і за вас»
У Берасьці падчас сьвята парафіі ў 420-ыя ўгодкі Уніі асьвяцілі крыж на каплічцы
«Быць сьведкамі Евангельля любові для кожнага чалавека»
Царква — гэта найперш супольнасьць вернікаў
Гісторыя адраджэньня Грэка-Каталіцкай Царквы ў Беларусі
Сістэма Orphus
Гэтае відэа глядзелі 344 разоў (-ы)
Архіў відэа

Ісідар Кіеўскі і Флярэнцкая унія

Каб несьці сьвятло Хрыстова людзям у сьвеце

Упершыню з часоў скасаваньня Уніі грэка-каталіцкі мітрапаліт Кіеўскі адслужыў сьв. Літургію ў Беларусі

500 гадоў Скарынаўскай Бібліі

Францішак Скарына. Чалавек сьвету

Дзеля ўмацаваньня Еднасьці. Мітрапаліт Язэп Руцкі

Вёска Баруны, Ашмянскі раён. Цудадзейны абраз

«Цуд яднаньня распачаўся» — фільм Супольнасьці «Chemin Neuf»

Напярэдадні Раства грэка-каталіцкі сьвятар а. Яўген Усошын распавёў пра сваё пакліканьне і БГКЦ сёньня

У Берасьці падчас сьвята парафіі ў 420-ыя ўгодкі Уніі асьвяцілі крыж на каплічцы

Перадумовы і значэньне Берасьцейскай Уніі

Паніхіда ў памяць уніятаў у Вяда
Старонкі: 1 2 3 4 5    
Апошнія навіны
13.07.2018 Навіны
Першаярарх УГКЦ: нашая еднасьць з Сьвятым Айцом не базуецца на нейкай палітычнай выгадзе
07.07.2018 Навіны
Папа Францішак падзякаваў УГКЦ за «экуменічную адкрытасьць» і назваў беспадстаўнымі абвінавачаньні яе ва ўніятызьме
03.07.2018 Царква і грамадзтва
Трынаццаць
03.07.2018 Навіны
Грэка-католікі Беларусі рыхтуюцца да сваёй штогадовай пілігрымкі
19.06.2018 Навіны
Быць Усходняй Каталіцкай Царквой сёньня
16.06.2018 Навіны
У Грэцыі прадстаўнікі Каталіцкай і Праваслаўнай Цэркваў дыскутавалі пра прымат і сінадальнасьць
14.06.2018 Навіны
Папа надаў статус япархіі грэка-каталіцкаму экзархату ў Македоніі
10.06.2018 Сьвятло Ўсходу
Ці насамрэч папа Рымскі асудзіў уніяцтва? Гутарка з уніяцкім багасловам
25.05.2018 Навіны
Апостальскі нунцый: праз некалькі месяцаў мы зможам убачыць канкрэтныя крокі па ўпарадкаваньні жыцьця грэка-каталіцкай супольнасьці
15.05.2018 Навіны
У Косаве ў дзень парафіяльнага фэсту адкрылі помнік Касьцюшку
Літургічны каляндар
пятніца
ЛІПЕНЯ
Сёньняшняе чытаньне:
ЛІТУРГІЧНЫ КАЛЯНДАР
Пошук у літургічным календары
Перакідны царкоўны каляндар БГКЦ на 2018 год можна набыць ва ўсіх парафіях БГКЦ, а таксама праз Рэдакцыю газеты «Царква»;
Памятка для вернiкаў
Біблія па-беларуску
Катэдральны пляц
27.10.2016
Дзе можна адвучыцца на сьвятара БГКЦ і набыць Біблію па-беларуску?
Міхаіл Батура, Бягомаль
15.09.2015
Хто мой сын па вераспавяданьні?
Андрэй, г. Магілёў
08.07.2015
Пра царкоўныя запіскі і інтэнцыі падчас Літургіі
Алег, г. Менск
Найбольш чытанае
25.05.2018
Апостальскі нунцый: праз некалькі месяцаў мы зможам убачыць канкрэтныя крокі па ўпарадкаваньні жыцьця грэка-каталіцкай супольнасьці
24.04.2018
У Беларускай Праваслаўнай Царкве ня бачаць падставаў для актывізацыі пытаньня аб наданьні аўтакефаліі
15.05.2018
У Косаве ў дзень парафіяльнага фэсту адкрылі помнік Касьцюшку
10.06.2018
Ці насамрэч папа Рымскі асудзіў уніяцтва? Гутарка з уніяцкім багасловам
24.04.2018
Першаярарх УГКЦ: «Мы пазітыўна ацэньваем намаганьні дзеля прызнаньня адзінай Праваслаўнай Царквы Ўкраіны»
Апытаньне
Царкоўная Унія 1596 году ў Берасьці: памылка, шанец, непазьбежнасьць?..
Шкодная інтрыга палякаў і езуітаў супраць рускага праваслаўнага насельніцтва
Памылка, якая прывяла да паланізацыі
Шанец, каб аднавіць Царкву часоў першых хрысьціянаў
Выкананьне Хрыстовага запавету
Непазьбежнасьць гісторыі: мы жывём паміж Захадам і Ўсходам
Нешта для мяне зусім незразумелае
Ня ведаю
Прагляд адказаў
Статыстыка сайту
Хто Вы па веравызнаньні?
Праваслаўны
Рыма-католік
Грэка-католік
Евангельскі хрысьціянін
Проста хрысьціянін
Атэіст
Язычнік
Яшчэ ня ведаю
Іншае
Прагляд адказаў