Царква
Не сьпяшайся да гневу духам тваім, бо гняздуецца гнеў у сэрцы бязглуздых
(Кніга Эклезіяста 7:9)
Галоўная Відэа
Паніхіда ў памяць уніятаў у Вяда
25 жніўня 2016 году грэка-католікі з Івацэвічаў, Берасьця, Баранавічаў, Менску і Ліды ўшанавалі памяць зьнішчаных падчас карнай аперацыі ў верасьні 1942 г. жыхароў в. Вяда і сумежнай з ёй в. Тупічыцы з Бабровіцкай уніяцкай парафіі. Паніхіду ля памятнага крыжа па бязьвінных ахвярах вайны адслужыў а. Андрэй Абламейка.

Вёскі Вяда і Тупічыцы, якія знаходзіліся на ўсходнім беразе Бабровіцкага возера (Івацэвіцкі раён), былі аднымі з самых старажытных паселішчаў у рэгіёне, мелі цікавую і насычаную гісторыю. Вёска Вяда вядомая паводле гістарычных дакументаў з 1433 г. А ў 1971 г. тут нават выявілі паселішча каменнага веку, якое археолагі грунтоўна дасьледавалі ў 1989 г.

У міжваенны час Вяда і Тупічыцы належылі да ўніяцкай парафіі ў Бабровічах, душпастырам якой зьяўляўся выдатны беларускі культурна-асьветны і рэлігійны дзяяч а. Баляслаў Пачопка.

13 верасьня 1942 г. гэтыя вёскі разам з усімі жыхарамі былі зьнішчаныя карнікамі падчас аперацыі "Балотная ліхаманка". У вёсцы Вяда было спалена 86 двароў і 217 жыхароў, у Тупічыцах — 43 двары і 143 жыхары. Пасьля вайны гэтыя старажытныя вёскі ўжо не адрадзіліся.

Гэтае месца сёньня знаходзіцца ў поўнай ізаляцыі ад людзей. Дабрацца ў гэтыя мясьціны можна або праз Бабровіцкае возера, або праз балоцістыя мясьціны, даступныя толькі ў вялікую сушу.

Вось ужо больш за сем дзесяцігоддзяў на месцы зьнішчаных вёсак пануе забыцьцё. І нават сьціплы абеліск, пастаўлены яшчэ ў 1965 г. на месцы спаленай вёскі, быў ужо зусім у заняпадзе. Яшчэ і сёньня на пясчаным узгорку мала што расьце. Аб тым, што тут жылі людзі, месцамі нагадваюць адно зьдзічэлыя грушы. А яшчэ ля помніка моцна разрасьліся кусты шыпшыны, чырвоныя плады якой нагадваюць кроплі крыві, што тут некалі пралілася...

У апошнія гады напрыканцы лета грэка-католікі імкнуцца абавязкова наведаць гэтыя мясьціны, каб памаліцца за душы бязьвінна загінулых у вайну продкаў. Крыж, які паставілі грэка-католікі ў памяць былых уніятаў з вёсак Вяда і Тупічыцы ў канцы 1990-х, прымусіў і ўлады абнавіць стары мемарыяльны знак. Яго замянілі ў 2015 г.
Тэгі: Вяда, Бабровічы, унія, грэка-католікі, вайна

Гл. таксама:
У Берасьці падчас сьвята парафіі ў 420-ыя ўгодкі Уніі асьвяцілі крыж на каплічцы
«Каб ня думалі, што мы – секта». У Горадні ствараюць музей Беларускай Уніяцкай Царквы
Мітрапаліт Кандрусевіч: жыць у поўнай царкоўнай еднасьці — каштоўны дар Божы
Пра айца Аляксандра Надсана: як працаваць з надзеяй у безнадзейны час
Гісторыя адраджэньня Грэка-Каталіцкай Царквы ў Беларусі
Сістэма Orphus
Гэтае відэа глядзелі 297 разоў (-ы)
Архіў відэа

Біскуп Б. Гудзяк. Царква ХХІ ст.: выклікі служэньня ў глабалізаваным сьвеце

50 гадоў таму адбыўся II Ватыканскі Сабор

Музычны майстар-клас гурта “Кана” ў Жодзіна

Урачыстая беатыфікацыя Папы Яна Паўла II

Пра новага Першаярарха УГКЦ

Відэа-запрашэньне на Сусьветны Дзень моладзі 2011 г. у Мадрыдзе

Promo-clip Сусьветнага Дня моладзі 2011 г. для брэтонскіх католікаў

26 гадоў Сусьветным Дням моладзі

Pater Noster. Ян Павел II

Abba Pater. Пра пантыфікат Яна Паўла II

Першаярарх УГКЦ Любамір (Гузар) пра сваю адстаўку

Прыміцыйная Архірэйская літургія Ўладыкі Цырыла Васіля, SJ у Рыме
   Старонкі:  1 2 34
Апошнія навіны
19.05.2017 Гісторыя Царквы
Скарына з вялікай доляй верагоднасьці быў католікам
13.05.2017 Гісторыя Царквы
Адраджэньне грэка-каталіцкай парафіі ў Горадні
07.05.2017 Царква і Грамадзтва
Каталіцкі ярарх занепакоены спробамі ўлады ўмешвацца ў працэс катэхізацыі ў нядзельных школах
06.05.2017 Царква і Грамадзтва
Мітрапаліт Кандрусевіч: няма ніводнай краіны, акрамя Беларусі, дзе замежны сьвятар павінен прасіць ва ўладаў дазвол, каб адслужыць імшу
05.05.2017 Царква і Грамадзтва
Мітрапаліт Кандрусевіч: у Беларусі насьпела рэформа дзяржаўна-рэлігійных адносінаў
04.05.2017 Царква і Грамадзтва
Папа: праца дае моладзі магчымасьць марыць
04.05.2017 Навіны
Папа ягіпецкім католікам: «ня бойцеся адкрыць свае сэрцы», будзьце будаўнікамі мастоў, дыялогу і згоды
03.05.2017 Навіны
Папа Францішак і копцкі праваслаўны патрыярх падпісалі сумесную дэкларацыю
02.05.2017 Сьвятло Ўсходу
Папа — копцкаму Патрыярху: нас аб’ядноўвае кроў бязьвінных мучанікаў
29.04.2017 Навіны
Грэка-каталіцкі сьвятар адслужыў паніхіду па невядомых ахвярах, расстраляных пад Віцебскам
Літургічны каляндар
аўторак
ТРАЎНЯ
Сёньняшняе чытаньне:
ЛІТУРГІЧНЫ КАЛЯНДАР
Пошук у літургічным календары
Перакідны царкоўны каляндар БГКЦ на 2017 год можна набыць ва ўсіх парафіях БГКЦ, а таксама праз Рэдакцыю газеты «Царква»
Памятка для вернiкаў
Біблія па-беларуску
Катэдральны пляц
27.10.2016
Дзе можна адвучыцца на сьвятара БГКЦ і набыць Біблію па-беларуску?
Міхаіл Батура, Бягомаль
15.09.2015
Хто мой сын па вераспавяданьні?
Андрэй, г. Магілёў
08.07.2015
Пра царкоўныя запіскі і інтэнцыі падчас Літургіі
Алег, г. Менск
Найбольш чытанае
12.04.2017
Апостальскі Візітатар БГКЦ пра найбліжэйшыя царкоўныя планы і задачы
28.02.2017
Пра Курапаты
09.03.2017
Вярхоўны архібіскуп УГКЦ Сьвятаслаў Шаўчук: я ня ведаю, чаму Ватыкан не дае біскупа грэка-католікам у Беларусі, я дзіўлюся гэтаму
08.03.2017
Асьвячаны помнік на магіле а. Аляксандра Надсана
14.03.2017
Вёска Баруны, Ашмянскі раён. Цудадзейны абраз
Апытаньне
Царкоўная Унія 1596 году ў Берасьці: памылка, шанец, непазьбежнасьць?..
Шкодная інтрыга палякаў і езуітаў супраць рускага праваслаўнага насельніцтва
Памылка, якая прывяла да паланізацыі
Шанец, каб аднавіць Царкву часоў першых хрысьціянаў
Выкананьне Хрыстовага запавету
Непазьбежнасьць гісторыі: мы жывём паміж Захадам і Ўсходам
Нешта для мяне зусім незразумелае
Ня ведаю
Прагляд адказаў
Статыстыка сайту
Хто Вы па веравызнаньні?
Праваслаўны
Рыма-католік
Грэка-католік
Евангельскі хрысьціянін
Проста хрысьціянін
Атэіст
Язычнік
Яшчэ ня ведаю
Іншае
Прагляд адказаў