Царква
Ліхадзеі ліхадзейнічаюць, і ліхадзейнічаюць ліхадзеі ліхадзейна
(Кніга Прарока Ісаі 24:16)
Галоўная Відэа
У Берасьці падчас сьвята парафіі ў 420-ыя ўгодкі Уніі асьвяцілі крыж на каплічцы
З нагоды ўспаміну сьв. Апостала Андрэя Першапакліканага, апекуна хрысьціянскага Ўсходу, у суботу і нядзелю 3-4 сьнежня 2016 году ў Берасьці сваё зімовае патранальнае сьвята адзначылі вернікі грэка-каталіцкай парафіі сьв. братоў-апосталаў Пятра і Андрэя. Гэтыя ўрачыстасьці сталі таксама завяршэньнем агульнацаркоўнага ўспаміну 420-х угодкаў Берасьцейскай царкоўнай уніі ў БГКЦ.

З нагоды 420-х угодкаў Берасьцейскай царкоўнай уніі да берасьцейцаў на сьвята парафіі і ўрачыстае асьвячэньне крыжа на каплічцы прыехалі госьці з Астраўца, Менску, Івацэвічаў, Віцебску, Полацку, Глыбокага, Магілёву, Пінску, Горадні, Ліды, Гомеля. На сьвяткаваньні ў Берасьці сабраліся каля 90 вернікаў з розных парафіяў Беларусі.

Урачыстую Літургію ў Берасьці ў суботу, 3 сьнежня, узначаліў Апостальскі Візітатар БГКЦ Архімандрыт Сяргей (Гаек). З ім саслужылі сьвятары Заходняга дэканату БГКЦ: душпастыр берасьцейскіх грэка-католікаў а. Ігар Кандрацьеў, дэкан БГКЦ з Ліды а. Андрэй Буйніч, а. Андрэй Крот з Горадні, а. Аляксей Філіпенка з Менску і а. Віталь Быстроў з Івацэвічаў. Дыякан Вячаслаў Гарчакоў з Івацэвічаў выконваў падчас сьвята дыяканскае служэньне.

З нагоды зімовага парафіяльнага фэсту ў Берасьці і 420-х угодкаў Берасьцейскай царкоўнай уніі перад пачаткам Боскай Літургіі адбылося асьвячэньне па-мастацку зробленага каванага крыжа на каплічцы перад душпастырскім цэнтрам грэка-католікаў Берасьця. Асьвячэньне крыжа зьдзейсьнілі ўсе прысутныя на сьвяце грэка-каталіцкія сьвятары на чале з Апостальскім Візітатарам грэка-католікаў Беларусі Архімандрытам Сяргеем (Гаекам).

Каваны крыж — мастацкая праца каваля з Берасьця Аляксандра Чумакова. Раней, летам гэтага году, ягонымі кавальскімі творамі быў упрыгожаны новы фасад грэка-каталіцкай царквы ў Берасьці.

На працягу году ў парафіях Беларускай Грэка-Каталіцкай Царквы дэвізам сьвяткаваньняў 420-х угодкаў Берасьцейскай царкоўнай уніі былі словы Сымбаля веры «Веру ў адзіную, сьвятую, паўсюдную і апостальскую Царкву». Гэтыя ж словы былі лейтматывам казаньня Апостальскага Візітатара Архімандрыта Сяргея (Гаека) падачс сьв. Літургіі і дэкана БГКЦ а. Андрэя Буйніча падчас сьвяткаваньняў у Берасьці 3 сьнежня 2016 году.

У сваім казаньні Архімандрыт Сяргей яшчэ раз зьвярнуў увагу вернікаў, прысутных на сьвяткаваньні ў парафіі сьвятых братоў-апосталаў Пятра і Андрэя — апекуноў хрысьціянскага Захаду і Ўсходу, на словы з Пасланьня Апостальскага нунцыя ў Беларусі Архібіскупа Габара Пінтэра з нагоды 420-годдзя падпісаньня Берасьцейскай уніі: «Берасьцейская унія прывяла да ўмацаваньня духоўнага і культурнага абмену паміж хрысьціянамі з Усходу і іх братамі на Захадзе, што ў сваю чаргу спрычынілася да росквіту культуры, выхаваньня і архітэктуры. /.../ Гэта каштоўная духоўная спадчына ў гісторыі Царквы ў Беларусі.Сёньня, 420 гадоў пасьля падпісаньня Берасьцейскай уніі, мы маем магчымасьць нанова адкрыць для сябе гэтае духоўнае і культурнае багацьце нашай прыналежнасьці да адзінай, сьвятой, каталіцкай і апостальскай Царквы, усьведамляючы сабе адказнасьць быць сьведкамі Евангельля любові для кожнага чалавека. У гэтыя ўрачыстыя дні, дзякуючы Богу за Яго бязьмежную любоў, заклікаю да малітвы аб будаваньні еднасьці паміж хрысьціянамі так, як гэтага прагне наш Госпад».

Пасьля сьвяточнага набажэнства гасьцей урачыстасьцяў чакаў канцэрт цікавага сьпевака, паэта і перакладчыка Арцёма Сітнікава і гурта «Bar Akaryna». Арцём Сітнікаў — лаўрэат конкурсу «Экслібрыс», захапляецца перакладамі рок-паэзіі Барыса Грабеншчыкова і Боба Дылана, сьпявае песьні на хрысьціянскія вершы Рыгора Барадуліна, Кірылы Тураўскага.

Пасьля канцэрту па традыцыі ўсіх удзельнікаў чакаў сьвяточны абед, падчас якога вернікі і сьвятары з розных гарадоў і парафіяў у нязмушанай абстаноўцы маглі яшчэ доўга размаўляць, знаёміцца, задаваць пытаньні сьвятарам і дзяліцца навінамі з жыцьця сваіх супольнасьцяў.

А 4 сьнежня, адразу пасьля нядзельнай сьв. Літургіі, гасьцей парафіяльных сьвяткаваньняў у Берасьці чакала яшчэ адна цікавая сустрэча — з пісьменьнікам, журналістам і бардам Зьмітром Бартосікам. Ён прэзентаваў у Берасьці сваю новую кнігу падарожжаў па розных кутках Беларусі «Быў у пана верабейка гаварушчы», у якой распавядаецца пра цікавыя і трагічныя падзеі ды здарэньні ў лёсах звычайных людзей у няпростым XX стагоддзі.
Тэгі: унія, Берасьце, апосталы Пятро і Андрэй, царква, крыж, архімандрыт Сяргей Гаек, грэка-католікі, БГКЦ

Гл. таксама:
У Маскве разьвіталіся з сьвятаром Віктарам Данілавым
Царква — гэта найперш супольнасьць вернікаў
На Вялікдзень з грэка-католікамі Берасьця маліліся прадстаўнікі Генконсульства Ўкраіны
Сьвяткаваньні ў гонар сьвятога Язафата Кунцэвіча
Новыя душпастыры ў сталічнай парафіі
Сістэма Orphus
Гэтае відэа глядзелі 115 разоў (-ы)
Архіў відэа

Зварот Першаярарха УГКЦ: быць разам, каб адстаяць дзяржаву!

Першаярарх УГКЦ: адкладзіце зброю!

Нараджэньне Бога. “Размова Мацкевіча” з айцом Яўгенам Усошыным

Візіт кардынала Курта Коха ў Санкт-Пецярбург

Апостальскі нунцый пра місію грэка-католікаў, іх веру і тоеснасьць беларусаў

Сінакса БГКЦ у Баранавічах. Нунцый пра Царкву і веру

Сьвятар Пахом Кавалёў: анкалагічная хвароба ёсьць знакам Божым

Спрэчныя праблемы Берасьцейскай уніі. Лекцыя Леаніда Цімашэнкі

Уніяцтва вачыма музыкі Лявона Вольскага

Асьвячэньне патрыяршага сабору УГКЦ

Прэзентацыя БГКЦ

Малітва Папы Францішка з ярархамі Ўсходніх Каталіцкіх Цэркваў
   Старонкі:  1 23 4    
Апошнія навіны
19.04.2017 Навіны
Апостальскі нунцый: Беларусь павінна адкрыцца на велікодную надзею
12.04.2017 Навіны
Апостальскі Візітатар БГКЦ пра найбліжэйшыя царкоўныя планы і задачы
26.03.2017 Навіны
Старшыня Канферэнцыі Каталіцкіх Біскупаў у Беларусі занепакоены разьвіцьцём сітуацыі ў краіне
24.03.2017 Навіны
У Хатыні католікі і праваслаўныя разам асьвяцілі памятны крыж
18.03.2017 Гісторыя Царквы
«Біблія першых хрысьціянаў — Септуагінта»: 5 фактаў пра Біблію і яе пераклады, якія зьдзіўляюць
14.03.2017 Відэа
Вёска Баруны, Ашмянскі раён. Цудадзейны абраз
09.03.2017 Сьвятло Ўсходу
Вярхоўны архібіскуп УГКЦ Сьвятаслаў Шаўчук: я ня ведаю, чаму Ватыкан не дае біскупа грэка-католікам у Беларусі, я дзіўлюся гэтаму
08.03.2017 Навіны
Асьвячаны помнік на магіле а. Аляксандра Надсана
07.03.2017 Навіны
Былы Апостальскі нунцый у Беларусі ўзнагароджаны ордэнам Францыска Скарыны
06.03.2017 Гісторыя Царквы
Веру, што Скарына быў у Венецыі і шмат чаму тут навучыўся — італьянскі прафесар
Літургічны каляндар
серада
КРАСАВІКА
Сёньняшняе чытаньне:
ЛІТУРГІЧНЫ КАЛЯНДАР
Пошук у літургічным календары
Перакідны царкоўны каляндар БГКЦ на 2017 год можна набыць ва ўсіх парафіях БГКЦ, а таксама праз Рэдакцыю газеты «Царква»
Памятка для вернiкаў
Біблія па-беларуску
Катэдральны пляц
27.10.2016
Дзе можна адвучыцца на сьвятара БГКЦ і набыць Біблію па-беларуску?
Міхаіл Батура, Бягомаль
15.09.2015
Хто мой сын па вераспавяданьні?
Андрэй, г. Магілёў
08.07.2015
Пра царкоўныя запіскі і інтэнцыі падчас Літургіі
Алег, г. Менск
Найбольш чытанае
02.02.2017
Навяртаньне
27.01.2017
«Цуд яднаньня распачаўся» — фільм Супольнасьці «Chemin Neuf»
28.02.2017
Пра Курапаты
12.04.2017
Апостальскі Візітатар БГКЦ пра найбліжэйшыя царкоўныя планы і задачы
08.03.2017
Асьвячаны помнік на магіле а. Аляксандра Надсана
Апытаньне
Царкоўная Унія 1596 году ў Берасьці: памылка, шанец, непазьбежнасьць?..
Шкодная інтрыга палякаў і езуітаў супраць рускага праваслаўнага насельніцтва
Памылка, якая прывяла да паланізацыі
Шанец, каб аднавіць Царкву часоў першых хрысьціянаў
Выкананьне Хрыстовага запавету
Непазьбежнасьць гісторыі: мы жывём паміж Захадам і Ўсходам
Нешта для мяне зусім незразумелае
Ня ведаю
Прагляд адказаў
Статыстыка сайту
Хто Вы па веравызнаньні?
Праваслаўны
Рыма-католік
Грэка-католік
Евангельскі хрысьціянін
Проста хрысьціянін
Атэіст
Язычнік
Яшчэ ня ведаю
Іншае
Прагляд адказаў