Царква
Даручы Госпаду дзеі твае, і намеры твае зьдзейсьняцца
(Кніга Выслоўяў Саламонавых 16:3)
Галоўная Катэдральны пляц

Здравствуйте. Вопрос для меня важный. Жизнь сложилась так, что с мужем я развелась. Мы венчались в Католической Церкви. После развода прошло 6 лет. Бывший муж женился во второй раз. Вопрос: возможен ли развод в Католической Церкви?

Светлана
27.11.2007
Шаноўная спн. Сьвятлана!

Разводаў у Каталіцкай Царкве не існуе. Шлюб зьяўляецца адной з сямі сьв. Тайнаў, г. зн. знакам зыходжаньня ласкі Божай на чалавека. Ніхто, нават царкоўныя ярархі ня могуць “зьняць” з чалавека гэтую ласку, і таму шлюб зьяўляецца неразрыўным і непаўторным.

Аднак у асобных выпадках у Каталіцкай Царкве можа мець месца працэдура прызнаньня несапраўднасьці шлюбу (якую часта памылкова называюць разводам), калі кампетэнтныя царкоўныя ўлады пасьля грунтоўнага вывучэньня справы сьцьвярджаюць, што пры самым заключэньні шлюбу існавалі ўмовы, якія пазбавілі сужонкаў магчымасьці сьвядома і дабравольна прыняць рашэньне аб сумесным жыцьці, нараджэньні дзяцей і г. д.

Напрыклад, калі адна з асобаў была прымушаная, фізічна ці маральна, для заключэньня шлюбу. Такіх прычынаў існуе цэлы шэраг. Як паказвае практыка, найчасьцей у нашых беларускіх умовах паўтараецца прычына няведаньня сутнасьці навукі Каталіцкай Царквы пра шлюб. Паколькі Вы задаеце пытаньне пра неразрыўнасьць шлюбу, то, думаю, такая прычына, магчыма, існуе і ў Вашым выпадку.

Для атрыманьня больш дакладнай інфармацыі адносна Вашай сітуацыі Вы мусіце зьвярнуцца да сьвятара ў сваю або найбліжэйшую каталіцкую парафію. Думаю, сьвятар Вам падкажа, што рабіць і куды зьвярнуцца, каб мог быць распачаты працэс аб прызнаньні несапраўднасьці Вашага сужэнства.

а. Андрэй Крот
Сістэма Orphus

Гэты адказ чыталі 531 разоў (-ы)