Царква
Ліхадзеі ліхадзейнічаюць, і ліхадзейнічаюць ліхадзеі ліхадзейна
(Кніга Прарока Ісаі 24:16)
Галоўная Катэдральны пляц

Добры дзень! Мне цікава, а ці можна ўніяцкім сьвятарам уступаць у шлюб?

Вадзім Каранец, г. Горадня
18.02.2013

Ці можна ўніяцкім сьвятарам уступаць у шлюб?

У Беларускай Грэка-Каталіцкай Царкве, як і ў шэрагу іншых Усходніх Каталіцкіх Цэркваў, жанатае духавенства ёсьць нармальнай зьявай, у адрозьненьне ад Рыма-Каталіцкай Царквы, дзе звычай рукапакладаць у сьвятары жанатых мужчынаў ёсьць рэдкім выключэньнем (у асобных выпадках і з папскага дазволу).

Аднак канон 804 Кодэксу Канонаў Усходніх Цэркваў гаворыць: “Неправамоцна ўступае ў шлюб той, хто быў пастаўлены ў сьвятарскі сан”. І гэта звычайная практыка Ўсходніх Цэркваў, як каталіцкіх, так і незьяднаных з Апостальскім Пасадам. Такім чынам, нежанаты мужчына, альбо ўдавец, які ўжо прыняў сьвятарскія (а нават дыяканскія) сьвячаньні, ня можа ўжо ўступіць у шлюб.

Кандыдат на сьвятарства яшчэ перад дыяканскімі сьвячаньнямі павінен вызначыцца: ці хоча ён прыняць сьвячаньні ў сужэнскім стане, ці ў бязжэнстве – цэлібаце альбо манастве, і, калі ён хоча быць жанатым сьвятаром, уступіць у шлюб.

Варта дадаць, што на сёньняшні дзень большасьць сьвятароў Беларускай Грэка-Каталіцкай Царквы зьяўляюцца жанатымі.

а. Андрэй Крот, г. Горадня

Тэгі: сьвятары, шлюб, Усходнія Цэрквы, Беларуская Грэка-Каталіцкая Царква

Гл. таксама:
Што ўяўляе сабой грэка-каталіцкая Царква?
Унія. Адроджаная беларуская Царква
БГКЦ: Асэнсаваць духовую спадчыну і новыя заданьні
Пытаньне: як ставіцца Ўніяцкая Царква да аднаполых шлюбаў?
Архібіскуп Кірыла (Васіль): на беларускай зямлі сустракаецца Ўсход і Захад
Сістэма Orphus

Гэты адказ чыталі 962 разоў (-ы)