Царква
Голы я выйшаў з чэрава маці маёй, голы і вярнуся. Гасподзь даў, Гасподзь і ўзяў, хай будзе імя Гасподняе дабраславёна!
(Кніга Ёва 1:21)
Галоўная Навіны за 2011 год
Памер шрыфту

13.04.2011

ПАСЕ: нейтральны падыход у выкладаньні гісторыі рэлігіі ў школах Еўропы

Дзяржавы павінны сачыць за тым, каб выкладаньне ў школе гісторыі рэлігіі не абражала перакананьняў бацькоў вучняў, гаворыцца ў праекце рэкамендацыяў Парламенцкай асамблеі Рады Еўропы. “Прынцып нейтралітэту дзяржавы павінен выкарыстоўвацца і ў дачыненьні да рэлігійнай адукацыі ў школе, і, паводле прэцэдэнтнай практыкі Еўрапейскага суда па правах чалавека, у задачу органаў дзяржаўнай улады ўваходзіць строгі кантроль за тым, каб пры гэтым не абражаліся рэлігійныя ці нерэлігійныя перакананьні бацькоў”, – гаворыцца ў праекце.

Гэты дакумент быў прыняты напярэдадні пасьля абмеркаваньня дакладу Камісіі па культуры, навуцы і адукацыі на тэму “Рэлігійнае вымярэньне міжкультурнага дыялогу”. “Паводле меркаваньня асамблеі, выклікам сёньняшняга дня зьяўляецца дасягненьне згоды і неабходнага балансу для таго, каб выкладаньне ведаў аб рэлігіях давала магчымасьць для ўзаемных стасункаў і пазнаньня", – сказана ў рэзалюцыі.

 
ПАСЕ бачыць неабходнасьць у тым, каб “розныя Царквы і рэлігійныя супольнасьці – у прыватнасьці, хрысьціяне, юдэі і мусульмане – прызнавалі адзін аднаго”.
 
Паводле Radiovaticana.org/BIE
Сістэма Orphus
Гэты артыкул чыталі 193 разоў (-ы)