Пілігрымку з Горадні ў Навумавічы ў памяць блаславёнай Марыяны Бярнацкай у 125-ыя ўгодкі яе нараджэньня і 70-ыя ўгодкі мучаніцкай сьмерці зьдзейсьнілі вернікі гарадзенскай грэка-каталіцкай парафіі Маці Божай Фацімскай разам з удзельнікамі Хрысьціянскага валанцёрскага руху сьв. Мікалая ў Нядзелю Ўсіх сьвятых Беларускага народу. 
Дух Сьвяты зьяўляецца крыніцай хрысьціянскай радасьці, і для таго, каб абвяшчаць Евангельле, неабходна мець у сэрцы радасьць, якую дорыць Дух Божы, падкрэсьліў Папа Францішак падчас сьв. Імшы 31 траўня 2013 году ў капліцы Дому сьв. Марты. 
З нагоды міжнароднага Дня дзіцяці 1 чэрвеня 2013 году ў грэка-каталіцкай парафіі ў Івацэвічах Хрысьціянскім валанцёрскім рухам сьв. Мікалая была арганізавана сустрэча для людзей з абмежаванымі магчымасьцямі — паведамляе сайт Valancer.by. 
У ноч з 2 на 3 чэрвеня 2013 году капліца ў Беларускай каталіцкай місіі ў Лондане атрымала значныя пашкоджаньні, паведамляе сайт “Товарищ.online”. 
Апостальскі Візітатар для грэка-католікаў Беларусі Архімандрыт Сяргей (Гаек) наведаў Рым, дзе 29 траўня 2013 году ў базыліцы сьв. Пятра ў Ватыкане маліўся за Беларускую Грэка-Каталіцкую Царкву ля мошчаў сьвятога Вярхоўнага Апостала Пятра, сьвятога Язафата, архібіскупа Полацкага, а таксама блаславёнага Папы Яна Паўла ІІ — паведамляе сайт svjazep.org. 
У дзень сьвята Пяцідзясятніцы, калі Сьвяты Дух зыйшоў на апосталаў, што стала пачаткам Царквы, Апостальскі Візітатар БГКЦ Архімандрыт Сяргей (Гаек) суправаджаў Апостальскага Нунцыя ў Беларусі архібіскупа Клаўдыё Гуджэроцьці падчас яго візіту ў Гомель. 
Беларускія грэка-каталіцкія сьвятары прынялі ўдзел ва ўрачыстасьцях з нагоды 75-годдзя кананізацыі сьвятога Андрэя Баболі, якія адбыліся 15-16 траўня 2013 году ў Пінску і Янаве. У падобных урачыстасьцях яны бяруць удзел з 2000 году. 
Ня быць хрысьціянамі з добрымі манерамі і дрэннымі звычкамі заклікаў Сьвяты Айцец Францішак падчас сьв. Літургіі ў капліцы Дома сьв. Марты 18 траўня 2013 году, паведамляе каталіцкае інфармацыйнае агенцтва KAI. Сваю прамову Папа прысьвяціў распаўсюджанай нават сярод хрысьціянаў спакусе «улазіць у жыцьцё іншых» і пляткарыць. 
«Сустрэча Папы Францішка з Папам Тавадрасам ІІ выклікала радасьць асабліва сярод самых звычайных людзей. Сёньня ёсьць надзея на канкрэтныя крокі на шляху да еднасьці», — адзначыў каталіцкі Патрыярх Александрыі Ібрагім Ісаак Сідрак, каментуючы візіт зьверхніка Копцкай Праваслаўнай Царквы Папы і Патрыярха Александрыйскага ды ўсёй Афрыкі Тавадраса ІІ у Ватыкан. 
Малітва, дыялог і гатовасьць будаваць адносіны «ўзаемнай любові» дапамогуць зрабіць «крокі да поўнай еднасьці». Упэўненасьць у гэтым выказаў Папа Францішак, прымаючы на прыватнай аўдыенцыі 10 траўня 2013 году Патрыярха Копцкай Праваслаўнай Царквы Тавадраса II (Тодара II). Гэтая падзея ўжо названа гістарычнай — адзначае Расейская служба Радыё Ватыкану. 
Галоўная 
Навіны за 2013 год
Уночы абвалілася значная частка столі ў памяшканьні грэка-каталіцкай капліцы. Хутчэй за ўсё, гэта стала вынікам будаўнічых работ, што адбываюцца цяпер па суседзтву: новы ўладальнік суседняга дому вырашыў яго зьнесьці. Раней у гэтым будынку месьцілася беларуская школа сьв. Кірылы Тураўскага, аднак у 2007 годзе Беларуская каталіцкая місія вырашыла яго прадаць, каб на атрыманыя сродкі пабудаваць новую царкву.
Навіны за 2013 год
04.06.2013
У Лондане пашкоджана беларуская царква
У ноч з 2 на 3 чэрвеня 2013 году капліца ў Беларускай каталіцкай місіі ў Лондане атрымала значныя пашкоджаньні, паведамляе сайт “Товарищ.online”.
Уночы абвалілася значная частка столі ў памяшканьні грэка-каталіцкай капліцы. Хутчэй за ўсё, гэта стала вынікам будаўнічых работ, што адбываюцца цяпер па суседзтву: новы ўладальнік суседняга дому вырашыў яго зьнесьці. Раней у гэтым будынку месьцілася беларуская школа сьв. Кірылы Тураўскага, аднак у 2007 годзе Беларуская каталіцкая місія вырашыла яго прадаць, каб на атрыманыя сродкі пабудаваць новую царкву.
Перакрыцьці будынку, дзе месьціцца капліца, былі пабудаваны на пачатку мінулага стагоддзя і відавочна не перанесьлі “зрухаў”, якія адбываліся ў будынку літаральна праз сьцяну.
На шчасьце, абвал адбыўся ўночы, і ніхто не пацярпеў – хаця толькі ўранку ў нядзелю у царкве прайшла багаслужба для мясцовых беларускіх вернікаў.
Цяпер беларускія набажэнствы ў Лондане працягнуцца ў невялічкай каплічцы ў Marian House – яшчэ адным будынку беларускай грэка-каталіцкай місіі, які месьціцца праз дарогу ад пашкоджанага дому. А неўзабаве тут мусіць быць узьведзены новы цэнтар сьв. Кірылы Тураўскага і новая беларуская грэка-каталіцкая царква, праект якой ужо гатовы і чакае свайго ўвасабленьня.
Фота Андрэя Аляксандрава.
Гл. таксама:
Як разьвіваўся беларускі біблійны пераклад?
Як сын пракурора загаварыў па-беларуску і пачаў маліцца за каралеву
Папа паслаў на місіі 28 сьвятароў “Неакатэхуменальнага шляху”
У Лондане пачнецца будаўніцтва новай беларускай царквы
Сьвятар, які сьведчыць любоў да Бога і Бацькаўшчыны
Гэты артыкул чыталі 156 разоў (-ы)
