Катэхетычны каледж імя Зыгмунта Лазінскага ў г. Баранавічы (Пінская дыяцэзія) працягвае прыём абітурыентаў да 1 кастрычніка 2016 году на 2016/2017 навучальны год. 
У Санкт-Пецярбургу католікі візантыйскага абраду з сакаваіка 2013 году будуць мець беларускамоўную Боскую Літургію — паведамляе сайт "Беларусы Пецярбурга". 
Навіны з Ватыкану цяпер можна пачуць у эфіры Беларускага радыё — паведамляе прэс-служба Канферэнцыі каталіцкіх біскупаў у Беларусі. Кожную нядзелю ў 8.55 на хвалях Першага нацыянальнага канала цяпер гучыць выпуск навін, падрыхтаваны Беларускай рэдакцыяй Ватыканскага радыё. У ім гаворыцца пра падзеі, што адбываліся на працягу тыдня ў Сьвятым Пасадзе і Царкве ў Беларусі. 
Каталіцкі стыпендыяльны фонд KAAD двойчы на год прапануе стыпендыі для вучобы і навукова-дасьледчай дзейнасьці ў Германіі маладым студэнтам-хрысьціянам (пасьля 6-га сяместру), выпускнікам ВНУ і маладым навукоўцам. 
У сталіцы Аўстрыі на просьбу мясцовых беларусаў архібіскуп Вены, кардынал Крыстаф Шэнбарн заснаваў беларускае грэка-каталіцкае душпастырства ў гонар Хрыста Чалавекалюбцы, паведамляе Радыё Свабода. 
Перад Каляднымі сьвятамі і Новым 2012 годам выйшаў другі дыск з песьнямі харызматычнай супольнасьці “Maran atha”, якая існуе ў берасьцейскай грэка-каталіцкай парафіі сьвятых братоў-апосталаў Пятра і Андрэя. Новы музычны праект “Маран аты” атрымаў назву “У наступным годзе ў Ерусаліме”. 
У нядзелю, 25 верасьня, у Празе ў царкве сьвятых Кузьмы і Дзям’яна аднаўляюцца беларускія набажэнствы. Кожную апошнюю нядзелю месяца іх будзе служыць беларускі грэка-каталіцкі сьвятар айцец Андрэй Абламейка. 
З нядаўнага часу ў беларусаў Калінінграда зьявілася магчымасьць наведваць беларускія грэка-каталіцкія багаслужбы. У 2010 годзе там была заснавана парафія, якую назвалі ў гонар сьв. Еўфрасіньні Полацкай, Апякункі Беларусі. Пра гэта паведаміў сябра Калінінградзкага рэгіянальнага грамадзкага аб’яднаньня “Беларускае таварыства культуры” Расьціслаў Шаховіч. 
Яшчэ ня вельмі багатая на здабыткі беларуская хрысьціянская дыскаграфія нядаўна папоўнілася новым дыскам — “Песьні Духа вялікіх містыкаў Кармелю”, які запісалі берасьцейскія грэка-католікі з супольнасьці “Маран ата”. 
Абвесткі
Яшчэ ня вельмі багатая на здабыткі беларуская хрысьціянская дыскаграфія нядаўна папоўнілася новым дыскам — “Песьні Духа вялікіх містыкаў Кармелю”, які запісалі берасьцейскія грэка-католікі з супольнасьці “Маран ата”.
Гэты дыск (наклад яго — 1000 ас.) уяўляе сабой цэльную музычную кампазіцыю з 14 песьняў у спалучэньні з урыўкамі з Сьвятога Пісаньня, агульны час гучаньня яго больш за гадзіну. Дыск стаў ня толькі першым для музыкантаў гэтай харызматычнай супольнасьці ў Берасьці, але і першым музычным праектам, зьдзейсьненым у Беларускай Грэка-Каталіцкай Царкве.
Каардынатарам гэтага музычнага праекту зьяўляецца рэгент хору берасьцейскай грэка-каталіцкай парафіі сьвятых братоў-апосталаў Пятра і Андрэя спн. Вольга Граськова. Яна (расіянка!) зрабіла пераклад на беларускую мову вершаў вялікіх містыкаў Кармелю – сьв. Яна ад Крыжа, сьв. Тэрэзы Авільскай і сьв. Тэрэзы з Лізье, а таксама зьяўляецца аўтарам музыкі і аранжыроўкі да шэрагу песьняў, што гучаць на дыску. Як адзначаюць сябры гэтай грэка-каталіцкай супольнасьці, духоўнасьць манахаў-кармялітаў і іх вялікіх сьвятых па сваёй прыродзе блізкая да ўсходняй і моцна паўплывала на духоўнасьць самой “Маран аты”. Песьні ў выкананьні грэка-католікаў з Берасьця выклікалі захапленьне ў беларускіх кармялітаў і яны таксама аказалі сваю падтрымку ў выданьні гэтага дыску.
У гэтым музычным праекце акрамя Вольгі Граськовай (клавішы, сінтэзатар — разам з Віталём Усьцямчуком), бралі ўдзел таксама Сяргей Карнялюк (гітара, вакал), Вольга Дрык (скрыпка), Натальля Амельянюк, Марына Гаўрута і Вераніка Тарасюк.
Варта таксама адзначыць, што тэксты песьняў на словы кармяліцкіх сьвятых ня так простыя для разуменьня. Яны вельмі глыбокія па сваім зьмесьце, бо насычаныя рознымі біблійнымі вобразамі, метафарамі і параўнаньнямі. Дзеля гэтага тэксты песьняў з дыску сабраныя і выдадзеныя асобнай 16-старонкавай кніжачкай, якая ўкладзена ў кампакт-дыск, што дае магчымасьць слухачу дыска самастойна паразважаць над духоўнай паэзіяй кармяліцкіх сьвятых.
Адносна набыцьця кампакт-дыску “Песьні Духа вялікіх містыкаў Кармелю” гурту “Maran atha” можна зьвяртацца да а. Ігара Кандрацьева ня яго e-mail: a.ihar@tut.byі па тэлефонах: (+375 162) 24-74-82, (+375 29) 724-74-82.
Дыск можна набыць таксама і ў парафіях, дзе працуюць айцы-кармяліты.
Праслухаць песьні з дыску можна у суполцы берасьцейскіх грэка-католікаў УКантакце: УНІЯ|UNIA. Грэка-католікі Берасьця і сябры.
Гл. таксама:
Царква — гэта найперш супольнасьць вернікаў
Крыж у Курапатах «Памяці берасьцейцаў»
Сьвята Еднасьці пад апекай Маці Божай Берасьцейскай
Парафіяльны фэст у Лучаі
«Мой Улюбёны — нібы гор вышыні»
