Палюбі Госпада Бога твайго ўсім сэрцам тваім, і ўсёю душою тваёю, і ўсім разуменьнем тваім...
палюбі блізкага твайго, як самога сябе
на гэтых дзьвюх запаведзях грунтуецца ўвесь закон і прарокі (Паводле Мацьвея Сьвятое Дабравесьце 22:37-40)
Навіны з Ватыкану ў эфіры Беларускага радыё Навіны з Ватыкану цяпер можна пачуць у эфіры Беларускага радыё — паведамляе прэс-служба Канферэнцыі каталіцкіх біскупаў у Беларусі. Кожную нядзелю ў 8.55 на хвалях Першага нацыянальнага канала цяпер гучыць выпуск навін, падрыхтаваны Беларускай рэдакцыяй Ватыканскага радыё. У ім гаворыцца пра падзеі, што адбываліся на працягу тыдня ў Сьвятым Пасадзе і Царкве ў Беларусі.
У Вене пачаліся беларускія набажэнствы У сталіцы Аўстрыі на просьбу мясцовых беларусаў архібіскуп Вены, кардынал Крыстаф Шэнбарн заснаваў беларускае грэка-каталіцкае душпастырства ў гонар Хрыста Чалавекалюбцы, паведамляе Радыё Свабода.
28.12.2011
“У наступным годзе ў Ерусаліме” Перад Каляднымі сьвятамі і Новым 2012 годам выйшаў другі дыск з песьнямі харызматычнай супольнасьці “Maran atha”, якая існуе ў берасьцейскай грэка-каталіцкай парафіі сьвятых братоў-апосталаў Пятра і Андрэя. Новы музычны праект “Маран аты” атрымаў назву “У наступным годзе ў Ерусаліме”.
24.09.2011
У Празе аднаўляюцца беларускія набажэнствы У нядзелю, 25 верасьня, у Празе ў царкве сьвятых Кузьмы і Дзям’яна аднаўляюцца беларускія набажэнствы. Кожную апошнюю нядзелю месяца іх будзе служыць беларускі грэка-каталіцкі сьвятар айцец Андрэй Абламейка.
14.03.2011
У Калінінградзе беларусы стварылі грэка-каталіцкую суполку З нядаўнага часу ў беларусаў Калінінграда зьявілася магчымасьць наведваць беларускія грэка-каталіцкія багаслужбы. У 2010 годзе там была заснавана парафія, якую назвалі ў гонар сьв. Еўфрасіньні Полацкай, Апякункі Беларусі. Пра гэта паведаміў сябра Калінінградзкага рэгіянальнага грамадзкага аб’яднаньня “Беларускае таварыства культуры” Расьціслаў Шаховіч.
24.09.2009
Дыск «Песьні Духа» Яшчэ ня вельмі багатая на здабыткі беларуская хрысьціянская дыскаграфія нядаўна папоўнілася новым дыскам — “Песьні Духа вялікіх містыкаў Кармелю”, які запісалі берасьцейскія грэка-католікі з супольнасьці “Маран ата”.
У Калінінградзе беларусы стварылі грэка-каталіцкую суполку
З нядаўнага часу ў беларусаў Калінінграда зьявілася магчымасьць наведваць беларускія грэка-каталіцкія багаслужбы. У 2010 годзе там была заснавана парафія, якую назвалі ў гонар сьв. Еўфрасіньні Полацкай, Апякункі Беларусі. Пра гэта паведаміў сябра Калінінградзкага рэгіянальнага грамадзкага аб’яднаньня “Беларускае таварыства культуры” Расьціслаў Шаховіч.
Удзельнікі Каляднай багаслужбы ў Калінінградзе. (Фота з сайту ЗБС)Дакладнай даты стварэньня грэка-каталіцкай суполкі ў Калініградзе няма. Пачалося ўсё з таго, што грэка-каталіцкі сьвятар з Санкт-Пецярбурга стаў перыядычна прыязджаць ў гэты балтыйскі горад, каб праводзіць набажэнствы. “Мы даведаліся пра гэта ад аднаго з сябраў Беларускага таварыства культуры. І мы пачалі зьбірацца, уніяты ды вернікі-беларусы, каб разам маліцца. Пасьля зьявілася думка стварыць прыход, бо шмат беларусаў, якія хацелі б хадзіць ва ўніяцкі прыход, а яго няма, і яны хадзілі ў каталіцкі касьцёл. Так на пачатку студзеня зьявіўся прыход”, – распавёў Расьціслаў Шаховіч. Пакуль грэка-католікі ня маюць свайго будынка і багаслужбы праводзяцца ў кожную апошнюю нядзелю месяца ў будынку рыма-каталіцкай парафіі Сьвятой Сям’і (г. Калінінград, вул. Лесапільная, 72). Падчас апошніх багаслужбаў калініградзкія беларусы маліліся за палітвязьняў і ўсіх пацярпелых у выніку падзеяў 19 сьнежня ў Менску. Службы праводзіць айцец Кірыл Міронаў, ён расеец з паходжаньня, але ведае ўкраінскую і беларускую мовы. З 18 кастрычніка 2009 году ён прызначаны царкоўнымі ўладамі адміністратарам грэка-католікаў Калінінграда і Калінінградзкай вобласьці. “Калі прыходзяць толькі беларусы, то айцец Кірыл праводзіць службу толькі па-беларуску, калі прыходзяць і ўкраінцы, то ён праводзіць службу па-беларуску і па-украінску, калі ёсьць расейцы, то ён спрабуе зрабіць службу на трох мовах, – гаворыць Расьціслаў Шаховіч. – Асноўныя малітвы праводзяцца на тых мовах, на якіх гавораць вернікі, якія прыйшлі. Беларусаў прыходзіць досыць шмат. Да прыкладу на першых імшах было 13-14 чалавек, але з іх было 10 беларусаў. Цяпер прыходзіць больш людзей. Мы плануем даць інфармацыю пра прыход у СМІ, разьвесіць абвесткі ў касьцёлах у Калінінградзе”. Наконт персьпектываў набыць свой будынак для грэка-каталіцкай парафіі ў Калінінградзе, як паведаміў Расьціслаў Шаховіч, айцец Кірыл абяцаў дапамогу. Ён сказаў, што калі будуць прыходзіць людзі, то Пецярбургская грэка-каталіцкая парафія, да якой належыць сёньня суполка ў Калінінградзе, дапаможа знайсьці сродкі, каб можна было збудаваць свой душпастырскі цэнтр, сваю царкву. “Гэта значыць – усё залежыць ад нас, ад людзей, якія будуць туды прыходзіць і будуць разьвіваць гэта ў Калінінградзе”, – падкрэсьліў Расьціслаў Шаховіч. Найбліжэйшая беларуская грэка-каталіцкая багаслужба ў Калінінградзе запланавана на нядзелю, 27 сакавіка. Гэтая малітоўная сустрэча беларускіх вернікаў будзе прымеркавана адзначэньню 25 сакавіка – Дня Волі і Дня малітваў за Бацькаўшчыну. Пачатак набажэнства а 19-й гадз. Дакладны час, калі будуць праводзіцца набажэнствы, можна даведацца ў Беларускім таварыстве культуры: Ігар Шаховіч, старшыня Беларускага таварыства культуры:тэл.: 906217591, siakera@mail.ru Паводле http://www.zbsb.org
Катэхетычны каледж імя Зыгмунта Лазінскага ў г. Баранавічы (Пінская дыяцэзія) працягвае прыём абітурыентаў да 1 кастрычніка 2016 году на 2016/2017 навучальны год. 
У Санкт-Пецярбургу католікі візантыйскага абраду з сакаваіка 2013 году будуць мець беларускамоўную Боскую Літургію — паведамляе сайт "Беларусы Пецярбурга". 
Навіны з Ватыкану цяпер можна пачуць у эфіры Беларускага радыё — паведамляе прэс-служба Канферэнцыі каталіцкіх біскупаў у Беларусі. Кожную нядзелю ў 8.55 на хвалях Першага нацыянальнага канала цяпер гучыць выпуск навін, падрыхтаваны Беларускай рэдакцыяй Ватыканскага радыё. У ім гаворыцца пра падзеі, што адбываліся на працягу тыдня ў Сьвятым Пасадзе і Царкве ў Беларусі. 
Каталіцкі стыпендыяльны фонд KAAD двойчы на год прапануе стыпендыі для вучобы і навукова-дасьледчай дзейнасьці ў Германіі маладым студэнтам-хрысьціянам (пасьля 6-га сяместру), выпускнікам ВНУ і маладым навукоўцам. 
У сталіцы Аўстрыі на просьбу мясцовых беларусаў архібіскуп Вены, кардынал Крыстаф Шэнбарн заснаваў беларускае грэка-каталіцкае душпастырства ў гонар Хрыста Чалавекалюбцы, паведамляе Радыё Свабода. 
Перад Каляднымі сьвятамі і Новым 2012 годам выйшаў другі дыск з песьнямі харызматычнай супольнасьці “Maran atha”, якая існуе ў берасьцейскай грэка-каталіцкай парафіі сьвятых братоў-апосталаў Пятра і Андрэя. Новы музычны праект “Маран аты” атрымаў назву “У наступным годзе ў Ерусаліме”. 
У нядзелю, 25 верасьня, у Празе ў царкве сьвятых Кузьмы і Дзям’яна аднаўляюцца беларускія набажэнствы. Кожную апошнюю нядзелю месяца іх будзе служыць беларускі грэка-каталіцкі сьвятар айцец Андрэй Абламейка. 
З нядаўнага часу ў беларусаў Калінінграда зьявілася магчымасьць наведваць беларускія грэка-каталіцкія багаслужбы. У 2010 годзе там была заснавана парафія, якую назвалі ў гонар сьв. Еўфрасіньні Полацкай, Апякункі Беларусі. Пра гэта паведаміў сябра Калінінградзкага рэгіянальнага грамадзкага аб’яднаньня “Беларускае таварыства культуры” Расьціслаў Шаховіч. 
Яшчэ ня вельмі багатая на здабыткі беларуская хрысьціянская дыскаграфія нядаўна папоўнілася новым дыскам — “Песьні Духа вялікіх містыкаў Кармелю”, які запісалі берасьцейскія грэка-католікі з супольнасьці “Маран ата”. 
Абвесткі
