Катэхетычны каледж імя Зыгмунта Лазінскага ў г. Баранавічы (Пінская дыяцэзія) працягвае прыём абітурыентаў да 1 кастрычніка 2016 году на 2016/2017 навучальны год. 
У Санкт-Пецярбургу католікі візантыйскага абраду з сакаваіка 2013 году будуць мець беларускамоўную Боскую Літургію — паведамляе сайт "Беларусы Пецярбурга". 
Навіны з Ватыкану цяпер можна пачуць у эфіры Беларускага радыё — паведамляе прэс-служба Канферэнцыі каталіцкіх біскупаў у Беларусі. Кожную нядзелю ў 8.55 на хвалях Першага нацыянальнага канала цяпер гучыць выпуск навін, падрыхтаваны Беларускай рэдакцыяй Ватыканскага радыё. У ім гаворыцца пра падзеі, што адбываліся на працягу тыдня ў Сьвятым Пасадзе і Царкве ў Беларусі. 
Каталіцкі стыпендыяльны фонд KAAD двойчы на год прапануе стыпендыі для вучобы і навукова-дасьледчай дзейнасьці ў Германіі маладым студэнтам-хрысьціянам (пасьля 6-га сяместру), выпускнікам ВНУ і маладым навукоўцам. 
У сталіцы Аўстрыі на просьбу мясцовых беларусаў архібіскуп Вены, кардынал Крыстаф Шэнбарн заснаваў беларускае грэка-каталіцкае душпастырства ў гонар Хрыста Чалавекалюбцы, паведамляе Радыё Свабода. 
Перад Каляднымі сьвятамі і Новым 2012 годам выйшаў другі дыск з песьнямі харызматычнай супольнасьці “Maran atha”, якая існуе ў берасьцейскай грэка-каталіцкай парафіі сьвятых братоў-апосталаў Пятра і Андрэя. Новы музычны праект “Маран аты” атрымаў назву “У наступным годзе ў Ерусаліме”. 
У нядзелю, 25 верасьня, у Празе ў царкве сьвятых Кузьмы і Дзям’яна аднаўляюцца беларускія набажэнствы. Кожную апошнюю нядзелю месяца іх будзе служыць беларускі грэка-каталіцкі сьвятар айцец Андрэй Абламейка. 
З нядаўнага часу ў беларусаў Калінінграда зьявілася магчымасьць наведваць беларускія грэка-каталіцкія багаслужбы. У 2010 годзе там была заснавана парафія, якую назвалі ў гонар сьв. Еўфрасіньні Полацкай, Апякункі Беларусі. Пра гэта паведаміў сябра Калінінградзкага рэгіянальнага грамадзкага аб’яднаньня “Беларускае таварыства культуры” Расьціслаў Шаховіч. 
Яшчэ ня вельмі багатая на здабыткі беларуская хрысьціянская дыскаграфія нядаўна папоўнілася новым дыскам — “Песьні Духа вялікіх містыкаў Кармелю”, які запісалі берасьцейскія грэка-католікі з супольнасьці “Маран ата”. 
Абвесткі
Навіны з Ватыкану ў эфіры Беларускага радыё
Навіны з Ватыкану цяпер можна пачуць у эфіры Беларускага радыё — паведамляе прэс-служба Канферэнцыі каталіцкіх біскупаў у Беларусі. Кожную нядзелю ў 8.55 на хвалях Першага нацыянальнага канала цяпер гучыць выпуск навін, падрыхтаваны Беларускай рэдакцыяй Ватыканскага радыё. У ім гаворыцца пра падзеі, што адбываліся на працягу тыдня ў Сьвятым Пасадзе і Царкве ў Беларусі.
Выхад праграмы ў эфір стаў вынікам мінулагодняй сустрэчы ў Менску намесьніка генеральнага дырэктара Ватыканскага радыё кс. Анджэя Капроўскага і кіраўніка Беларускай рэдакцыі Ватыканскага радыё кс. Аляксандра Амяльчэні з кіраўніцтвам Беларускага радыё. На працягу года вялася падрыхтоўка да рэалізацыі праекту, і 10 чэрвеня 2012 году першая 5-хвілінная праграма выйшла ў эфір.
Ксёндз Аляксандар Амяльчэня лічыць, што факт зьяўленьня ватыканскай праграмы ў эфіры Беларускага радыё зьяўляецца своеасаблівым «прарывам», які вызначае далейшыя шляхі супрацоўніцтва на карысьць беларускіх католікаў. «Гэта сапраўды знакавая падзея — чуць голас Папы, які імкнецца весьці дыялог са сьветам на хвалях беларускай радыёстанцыі», — падкрэсьліў сьвятар. На яго думку, Ватыканскае радыё — гэта адзіная беларускамоўная крыніца дакладнай, поўнай і аб’ектыўнай інфармацыі пра Сьвятога Айца і Ватыкан. «Гэта прыемна і важна, што доступ да такой інфармацыі атрымалі і беларускія радыёслухачы з дапамогай нацыянальнага радыё», — заявіў кс. Аляксандар Амяльчэня.
Гл. таксама:
Япіскап Бенядыкт Алексійчук: Беларусь і Ўсходняя Ўкраіна мелі аднолькавыя стартавыя ўмовы, а вынікі — несувымерныя
Як разьвіваўся беларускі біблійны пераклад?
У Беларусь прыедзе Дзяржаўны Сакратар Ватыкану
Душпастырская праграма візіту ў Беларусь Сакратара Кангрэгацыі Ўсходніх Цэркваў
Ватыкан лічыць, што дыялог з пяцідзясятнікамі магчымы
