Катэхетычны каледж імя Зыгмунта Лазінскага ў г. Баранавічы (Пінская дыяцэзія) працягвае прыём абітурыентаў да 1 кастрычніка 2016 году на 2016/2017 навучальны год. 
У Санкт-Пецярбургу католікі візантыйскага абраду з сакаваіка 2013 году будуць мець беларускамоўную Боскую Літургію — паведамляе сайт "Беларусы Пецярбурга". 
Навіны з Ватыкану цяпер можна пачуць у эфіры Беларускага радыё — паведамляе прэс-служба Канферэнцыі каталіцкіх біскупаў у Беларусі. Кожную нядзелю ў 8.55 на хвалях Першага нацыянальнага канала цяпер гучыць выпуск навін, падрыхтаваны Беларускай рэдакцыяй Ватыканскага радыё. У ім гаворыцца пра падзеі, што адбываліся на працягу тыдня ў Сьвятым Пасадзе і Царкве ў Беларусі. 
Каталіцкі стыпендыяльны фонд KAAD двойчы на год прапануе стыпендыі для вучобы і навукова-дасьледчай дзейнасьці ў Германіі маладым студэнтам-хрысьціянам (пасьля 6-га сяместру), выпускнікам ВНУ і маладым навукоўцам. 
У сталіцы Аўстрыі на просьбу мясцовых беларусаў архібіскуп Вены, кардынал Крыстаф Шэнбарн заснаваў беларускае грэка-каталіцкае душпастырства ў гонар Хрыста Чалавекалюбцы, паведамляе Радыё Свабода. 
Перад Каляднымі сьвятамі і Новым 2012 годам выйшаў другі дыск з песьнямі харызматычнай супольнасьці “Maran atha”, якая існуе ў берасьцейскай грэка-каталіцкай парафіі сьвятых братоў-апосталаў Пятра і Андрэя. Новы музычны праект “Маран аты” атрымаў назву “У наступным годзе ў Ерусаліме”. 
У нядзелю, 25 верасьня, у Празе ў царкве сьвятых Кузьмы і Дзям’яна аднаўляюцца беларускія набажэнствы. Кожную апошнюю нядзелю месяца іх будзе служыць беларускі грэка-каталіцкі сьвятар айцец Андрэй Абламейка. 
З нядаўнага часу ў беларусаў Калінінграда зьявілася магчымасьць наведваць беларускія грэка-каталіцкія багаслужбы. У 2010 годзе там была заснавана парафія, якую назвалі ў гонар сьв. Еўфрасіньні Полацкай, Апякункі Беларусі. Пра гэта паведаміў сябра Калінінградзкага рэгіянальнага грамадзкага аб’яднаньня “Беларускае таварыства культуры” Расьціслаў Шаховіч. 
Яшчэ ня вельмі багатая на здабыткі беларуская хрысьціянская дыскаграфія нядаўна папоўнілася новым дыскам — “Песьні Духа вялікіх містыкаў Кармелю”, які запісалі берасьцейскія грэка-католікі з супольнасьці “Маран ата”.
Галоўная 
Абвесткі
У Санкт-Пецярбургу католікі візантыйскага абраду з сакаваіка 2013 году будуць мець беларускамоўную Боскую Літургію — паведамляе сайт "Беларусы Пецярбурга".
Ініцятары беларускіх набажэнстваў — пецярбуржцы беларускага паходжаньня — сьцьвярджаюць, што ідэя беларускай Літургіі ня новая, і некалькі гадоў таму ў тым самым храме сьвятую Імшу ў лацінскім абрадзе па-беларуску служыў ксёндз Сяргей Сурыновіч, але пасьля яго ад’езду ў Беларусь справа спынілася.
Абвесткі
У горадзе над Нявой грэка-католікі будуць маліцца па-беларуску
У Санкт-Пецярбургу католікі візантыйскага абраду з сакаваіка 2013 году будуць мець беларускамоўную Боскую Літургію — паведамляе сайт "Беларусы Пецярбурга". Мяркуецца, што грэка-каталіцкія набажэнствы па-беларуску будуць адбывацца штомесяц у рыма-каталіцкім касьцёле Ўсьпеньня Найсьвяцейшай Дзевы Марыі.
Служыць Боскую Літургію па-беларуску будзе а. Кірыла Міронаў, душпастыр грэка-каталіцкай парафіі сьв. Кірылы і Мятода ў Санкт-Пецярбургу. Першая беларускамоўная літургія для грэка-католікаў гораду на Няве будзе правіцца ў касьцёле Ўсьпеньня Найсьвяцейшай Дзевы Марыі (Санкт-Пецярбург, вул. 1-я Чырвонаармейская, 11, станцыя метро Тэхналагічны ўніверсітэт) 10 сакавіка а 10-й гадз. Напярэдадні, 9 сакавіка, а 18-й гадз. будзе адслужана грэка-каталіцкая Вячэрня.
Ініцятары беларускіх набажэнстваў — пецярбуржцы беларускага паходжаньня — сьцьвярджаюць, што ідэя беларускай Літургіі ня новая, і некалькі гадоў таму ў тым самым храме сьвятую Імшу ў лацінскім абрадзе па-беларуску служыў ксёндз Сяргей Сурыновіч, але пасьля яго ад’езду ў Беларусь справа спынілася.На думку піцерскіх беларусаў, у такім горадзе як Санкт-Пецярбург, дзе шмат чаго зьвязана з беларускай гісторыяй, абавязкова павінна гучаць малітва на роднай мове а. Антона Неманцэвіча, які нарадзіўся ў паўночнай сталіцы Расеі і спрычыніўся да разьвіцьця Уніі, Яна Баршчэўскага, які напісаў там свайго славутага “Шляхціча Завальню” і інш.
Вернікі грэка-каталіцкай парафіі сьв. Кірылы і Мятода спадзяюцца, што “роднае слова ў Царкве спрычыніцца да абуджэньня веры і нацыянальнай самасьвядомасьці той часткі беларусаў, якія былі адарваныя ад жыватворчых карэньняў на Бацькаўшчыне, а таксама паслужыць дадатковай падставай для згуртаваньня і разьвіцьця сяброўскіх адносінаў паміж суродзічамі”.
Паводле інфармацыі сайту “Беларусы Пецярбурга” пытаньне правядзення набажэнстваў па-беларуску цяпер разглядае таксама і беларуская дыяспара ў Маскве.
На фота: грэка-каталіцкае набажэнства ў касьцёле Ўсьпеньня Найсьвяцейшай Дзевы Марыі ў Санкт-Пецярбургу і выгляд самой сьвятыні.
Гл. таксама:
Папа блаславіў ініцыятыву беларускіх грэка-католікаў
Архімандрыт Сяргей Гаек пра духоўныя акцэнты душпастырства ў 2019 годзе
Япіскап Бенядыкт Алексійчук: Беларусь і Ўсходняя Ўкраіна мелі аднолькавыя стартавыя ўмовы, а вынікі — несувымерныя
Апостальскі нунцый сустрэнецца з грэка-каталікамі ў Баранавічах
У Празе аднаўляюцца беларускія набажэнствы
Гэты артыкул чыталі 341 разоў (-ы)
