У вучэбным дапаможніку д-ра гістарычных навук праф. Сьвятланы Марозавай па сьпецкурсе «Гістарыяграфія Берасьцейскай царкоўнай уніі 1596 г.» для студэнтаў-гісторыкаў у агульным кантэксьце разьвіцьця ўсходнеславянскай гістарыяграфіі асьвятляецца працэс дасьледаваньня айчыннай навукай XIX-XX ст. заключанай у 1596 г. у Берасьці царкоўнай уніі на ўсім працягу яе гісторыі (да яе скасаваньня ў 1839 г.).

У працы ахарактарызаваныя этапы вывучэньня праблемы, прааналізаваныя канцэпцыі найбольш вядомых сьпецыялістаў па уніі і этапныя творы, адлюстраваны сучасны стан і акрэсьленыя персьпектывы далейшай распрацоўкі гэтай праблемы. У дадатку зьмешчаны сьпіс найноўшых публікацыяў беларускіх аўтараў па гісторыі Берасьцейскай уніі.

Выданьне прызначана студэнтам, асьпірантам, дасьледчыкам і аматарам беларускай гісторыі XVI-XIX ст.