Галоўная Царква і грамадзтва Памер шрыфту 13px15px17px19px21px23px25px27px29px31px33px 21.02.2014 У Беларусі 23 лютага — Дзень малітвы за Ўкраіну У сувязі з трагічнымі падзеямі ва Ўкраіне каталіцкія ярархі Беларусі зьвярнуліся да вернікаў з просьбай у бліжэйшую нядзелю, 23 лютага 2014 году, маліцца і пасьціцца ў інтэнцыі мірнага вырашэньня канфлікту ў гэтай суседняй краіне. 21 лютага 2014 году ў Менску адбылося 56-е пленарнае пасяджэньне Канферэнцыі Каталіцкіх Біскупаў Беларусі, паведамляе Catholic.by, на якім, сярод іншых пытаньняў, быў прыняты зварот да беларускіх вернікаў у сувязі з падзеямі ва Ўкраіне. Ніжэй прапануем тэкст гэтага звароту. “Умілаваныя ў Хрысьце Пану браты і сёстры! З вялікім непакоем мы сочым за тым, што адбываецца ў апошні час ва Ўкраіне. Дадзеная сітуацыя зьяўляецца для нас заклікам да малітоўнай салідарнасьці ў інтэнцыі мірнага вырашэньня гэтага драматычнага канфлікту. Папа Францішак заахвоціў да мірнага заканчэньня канфлікту ва Ўкраіне, запэўніўшы ў сваёй блізкасьці да ўкраінскага народу і малітве за ахвяры насільля, членаў іх сем’яў і параненых. Па прыкладзе Сьвятога Айца зьвяртаемся з вялікай просьбай да ўсіх вернікаў Каталіцкай Касцёлу ў Беларусі, каб нядзеля 23 лютага гг. стала Днём малітвы і посту ў інтэнцыі Ўкраіны. Заахвочваем, каб у гэты дзень ва ўсіх касьцёлах і капліцах нашай краіны падчас сьвятых Імшаў і эўхарыстычных набажэнстваў узносілася малітва за Ўкраіну, каб усе бакі спынілі любыя акты насільля і шукалі згоды і міру. Міласэрнаму Богу давяраем усіх ахвяраў гэтага канфлікту, а сем’і загінуўшых запэўніваем у малітоўнай памяці, выказваючы ім словы сардэчнага спачуваньня”. Канферэнцыя Каталіцкіх Біскупаў Беларусі наказвае азнаёміць вернікаў з гэтым паведамленьнем у бліжэйшую нядзелю, 23 лютага, падчас парафіяльных аб’яваў. Тэгі: Украіна, Дзень малітвы, ахвяры, канфлікт, Канферэнцыя Каталіцкіх Біскупаў БеларусіГл. таксама:Кардынал Кох пра вайну ва Ўкраіне: хрысьціяне заўсёды павінны служыць міру, а не падтрымліваць вайну Ватыкан: тэолагі асуджаюць расейскую агрэсію супраць Украіны Папа Рымскі: ва Ўкраіне цякуць рэкі крыві і сьлёзаў У грэка-католікаў Горадні пабывалі міністранты з Шчучына Япіскап Бенядыкт Алексійчук: Беларусь і Ўсходняя Ўкраіна мелі аднолькавыя стартавыя ўмовы, а вынікі — несувымерныя Гэты артыкул чыталі 78 разоў (-ы)
