У Вільні ўшанавалі 500-ыя ўгодкі перамогі войскаў ВКЛ над Маскоўскім княствам У грэка-каталіцкай царкве Сьвятой Тройцы ў Вільні 7 верасьня 2014 году ўкраінскія і беларускія вернікі ўшанавалі памяць продкаў, якія 500 гадоў таму здабылі славутую перамогу пад Воршай — паведамляе сайт Таварыства беларускай культуры ў Літве.
19.07.2014
Ірак: апошнія хрысціянскія сем’і пакідаюць Масул Апошнія хрысьціянскія сем’і, якія яшчэ заставаліся ў іракскім горадзе Масул, пакідаюць свае дамы і накіроўваюцца ў Эрбіль, Дахук і ў іншыя, больш бясьпечныя мясьціны іракскага Курдыстану. Пра гэта паведамілі каталіцкаму інфармацыйнаму агенцтву «Fides» прадстаўнікі мясцовай халдэйскай супольнасьці.
16.07.2014
Усход Украіны: сьвятары ў палоне ўзброеных сепаратыстаў Выкрадзенага 3 ліпеня 2014 году ў Данецку грэка-каталіцкага сьвятара а. Ціхана Кульбаку, сакратара Рады Цэркваў і рэлігійных арганізацыяў Данецкай вобл., вызвалілі з палону тэрарыстаў. У палоне ён правёў 12 дзён.
13.07.2014
Венесуэла: біскупы патрабуюць вызваліць палітвязьняў Канферэнцыя біскупаў Венесуэлы заклікала да “акту міласэрнасьці” у дачыненьні асобаў, якія ўсімі прызнаныя палітычнымі вязьнямі, а таксама яна заклікае вызваліць студэнтаў, арыштаваных падчас антыўрадавых пратэстаў, якія працягваюцца ў гэтай краіне з лютага — паведамляе польская рэдакцыя Ватыканскага радыё.
12.07.2014
Кампанія Ватыкану за мір і твіт Папы з нагоды завяршэньня Чэмпіянату сьвету па футболе “Мундыяль спрычыніўся да сустрэчы людзей, якія належаць да розных народаў і рэлігіяў. Няхай жа спорт заўсёды спрыяе культуры сустрэчы”, — такое пажаданьне напісаў 12 ліпеня 2014 году ў Твітары Папа Францішак, напярэдадні фінальнага паядынку Чэмпіянату сьвету па футболе ў Бразіліі.
11.07.2014
Цэрквы Ўкраіны заклікаюць сепаратыстаў скласьці зброю і вызваліць усіх закладнікаў Усеўкраінская Рада Цэркваў і рэлігійных арганізацыяў засудзіла рэлігійныя перасьледаваньні і дыскрымінацыю вернікаў у Данецкай і Луганскай абласьцях і зьвярнулася да ўсіх, хто незаконна трымае зброю, з заклікам скласьці зброю і спыніць кровапраліцьце.
08.07.2014
У Данецку выкрадзены грэка-каталіцкі сьвятар Ужо некалькі дзён на сувязь не выходзіць сакратар міжканфесійнай Рады Цэркваў і рэлігійных арганізацыяў Данецкай вобласьці, сьвятар УГКЦ Ціхан Кульбака.
Монтэ Касіна. Памяць пра мужных жаўнераў з Беларусі 70 гадоў таму, 11-19 траўня 1944 году, адбылася бітва пад Монтэ Касіна ў Італіі, у якой на баку антыгітлераўскай кааліцыі бралі ўдзел тысячы ўраджэнцаў Беларусі. 18 тарўня ІІ Польскі корпус пад камандаваньнем генерала Ўладзіслава Андэрса здабыў узвышша Монтэ Касіна. Мала хто ведае, што сярод жаўнераў гэтага польскага корпусу амаль траціну складалі ўраджэнцы з Беларусі — католікі абодвух абрадаў, а таксама праваслаўныя.
17.05.2014
Як сын пракурора загаварыў па-беларуску і пачаў маліцца за каралеву Школьнік з Івацэвічаў купіў за 2 рублі ў шапіку «Саюздруку» часопіс, які моцна паўплываў на лёс маладзёна ў пачатку 90-ых гадоў. З таго часу шмат што зьмянілася – хлопец стаў сьвятаром, выехаў у Лондан і будуе там царкву, што мае стаць помнікам па Чарнобыльскай бядзе.
Кардынал Маркс: хрысьціяне павінны браць удзел у стварэньні больш справядлівага грамадзтва
Шырокая дыскусія на тэму “Хрысьціянства — зарука гуманізму ў глабалізацыі?” з удзелам вядомых каталіцкіх багасловаў адбылася 10 чэрвеня 2014 году ў Каледжы бернардынаў у Парыжы — паведамляе французская каталіцкая газета “La Croix”.
У гэтай дыскусіі бралі ўдзел тры ўплывовыя постаці Каталіцкай Царквы ў сучаснай Еўропе — каардынатар ватыканскай Рады па эканамічных пытаньнях і старшыня нямецкага епіскапату кардынал Райнхард Маркс Reinhard Marx), французскі кардынал Андрэ Вэн-Труа (André Vingt-Trois), архібіскуп Парыжу, і заснавальнік Супольнасьці сьв. Эгідзія з Італіі Андрэа Рыкардзі (Andrea Riccardi).
Багасловы на працягу двух гадзінаў разважалі пра месца і ролю хрысьціянаў у сьвеце, які часам здаецца ім чужым. Выступоўцы падзяліліся багатым асабістым досьведам, праз які былі паказаныя тры вялікія еўрапейскія культуры і тры шляхі Царквы ў падобных супольнасьцях, але розных паводле формы.
Кардынал Вэн-Труа распавёў пра секулярызацыю ў Францыі. Ён адзначыў, што гэтая зьява ня ёсьць у Францыі нечым новым. Ярарх згадаў вельмі жорсткае супрацьстаяньне ў XIX стагоддзі і ў 1-й палове XX стагоддзя, якое мела месца паміж Каталіцкай Царквой і сьветам грамадзкіх і палітычных эліт.
Секулярызацыя ёсьць паўсюль, дадаў Андрэа Рыкардзі, які быў міністрам міжнароднага супрацоўніцтва і інтэграцыі ва ўрадзе Монці (2011-2013) у Італіі. Глабалізацыя зьяўляецца рэлігіяй росквіту, сапраўднага культу чалавека-эгаіста, які жыве для сябе. У выніку чалавек хоча мець як можна менш трывалыя стасункі і мы маем крызіс сям’і. Пры гэтым, хрысьціяне схільныя зьбегчы, схавацца за сьцяной уласных прынцыпаў, адзначыў заснавальнік Супольнасьці сьв. Эгідзія. Аднак іншыя, а гэта нашыя дзеці, нашыя бацькі, нашыя браты і сёстры, яны застаюцца сам на сам.
Кардынал Райнхард Маркс.Кардынал Маркс адзначыў і нават асудзіў настальгію па “хрысьціянскай Еўропе”. “Гэта ўласна ў XX стагоддзі адбыўся страшны маральны крызіс, — падкрэсьліў нямецкі ярарах. — Сёньня сітуацыя здаецца лепшай. Нават калі, як сказаў кардынал Люсьціжэ, хрысьціянства ў Еўропе ўсё яшчэ знаходзіцца ў дзіцячым садочку”.
Цалкам хрысьціянскае грамадзтва не магчымае — заўважыў Андрэа Рыкардзі. Можна сказаць, што каталіцкая дзяржава магчыма толькі ў Валадарстве Нябесным і ў Ватыкане — дадаў ён з усьмешкай.
Французскі кардынал Вэн-Труа сказаў, што хрысьціяне павінны быць насеньнем новага сьвету. “Сьвет і Царква знаходзяцца ў адной лодцы, але іх узаемная аўтаномія была акрэсьлена Другім Ватыканскім Саборам”, — дадаў ярарах. Бог мог выказаць Сваё адасабленьне праз аддзяленьне ад сьвету. Але Ён прыйшоў у яго. Сын прыходзіць і кажа, што не прыйшоў валадарыць на зямлі, а проста пачынае новы сьвет. Хрысьціяне ёсьць насеньне ў гэтым новым сьвеце, жывая мадэль у гісторыі чалавецтва, лічыць ярарх.
Кардынал Райнхард Маркс адзначыў неабходнасьць “еўрапейскага гуманізму ў ХХІ стагоддзі”. Да гэтага падштурхоўваюць глабальныя выклікі, такія як міграцыя, зьнішчэньне навакольнага асяроддзя, беднасьць і несправядлівае разьмеркаванне рэсурсаў. “Задача хрысьціянаў заключаецца ў стварэньні больш справядлівага грамадзтва і быць знакам іншага сьвету”, — сказаў нямецкі ярарх.
Царква ня мае рашэньняў для ўсіх праблемаў. Але ў яе ёсьць прынцыпы, і гэтыя прынцыпы могуць быць прымальныя для ўсіх тых, хто шукае першапрычынаў. Хрысьціяне павінны адрадзіць гуманізм, адкрыты для супрацоўніцтва з іншымі хрысьціянамі і нехрысьціянамі, вернікамі і няверуючымі. Мы павінны жыць разам і імкнуцца арганізаваць грамадзтва ў адпаведнасьці з прынцыпамі розуму і этыкі.
“Хрысьціяне не павінны паддавацца спакусе выйсьці з грамадзкіх справаў”, — сказаў нямецкі ярарх. Наадварот, удзел у будаваньні дабра глабальнага грамадзтва павінен быць неад’емнай часткай хрысьціянскага жыцьця. Каталіцкая Царква прапаноўвае праз сваю паўсюднасьць вялікія магчымасьці, дапамагаючы пераадольваць моўныя і культурныя межы, патлумачыў кардынал Маркс. Такім чынам, гэта павінна спрыяць абмену ідэямі на еўрапейскім і міжнародным узроўнях. Для пераадоленьня межаў трэба мацней выкарыстоўваць экуменічны і міжрэлігійны дыялог. Як прыклад, кардынал Маркс прывёў мірную ініцыятыву Папы Францішка для Сьвятой Зямлі.
У грэка-каталіцкай царкве Сьвятой Тройцы ў Вільні 7 верасьня 2014 году ўкраінскія і беларускія вернікі ўшанавалі памяць продкаў, якія 500 гадоў таму здабылі славутую перамогу пад Воршай — паведамляе сайт Таварыства беларускай культуры ў Літве. 
Апошнія хрысьціянскія сем’і, якія яшчэ заставаліся ў іракскім горадзе Масул, пакідаюць свае дамы і накіроўваюцца ў Эрбіль, Дахук і ў іншыя, больш бясьпечныя мясьціны іракскага Курдыстану. Пра гэта паведамілі каталіцкаму інфармацыйнаму агенцтву «Fides» прадстаўнікі мясцовай халдэйскай супольнасьці. 
Выкрадзенага 3 ліпеня 2014 году ў Данецку грэка-каталіцкага сьвятара а. Ціхана Кульбаку, сакратара Рады Цэркваў і рэлігійных арганізацыяў Данецкай вобл., вызвалілі з палону тэрарыстаў. У палоне ён правёў 12 дзён. 
Канферэнцыя біскупаў Венесуэлы заклікала да “акту міласэрнасьці” у дачыненьні асобаў, якія ўсімі прызнаныя палітычнымі вязьнямі, а таксама яна заклікае вызваліць студэнтаў, арыштаваных падчас антыўрадавых пратэстаў, якія працягваюцца ў гэтай краіне з лютага — паведамляе польская рэдакцыя Ватыканскага радыё. 
“Мундыяль спрычыніўся да сустрэчы людзей, якія належаць да розных народаў і рэлігіяў. Няхай жа спорт заўсёды спрыяе культуры сустрэчы”, — такое пажаданьне напісаў 12 ліпеня 2014 году ў Твітары Папа Францішак, напярэдадні фінальнага паядынку Чэмпіянату сьвету па футболе ў Бразіліі. 
Усеўкраінская Рада Цэркваў і рэлігійных арганізацыяў засудзіла рэлігійныя перасьледаваньні і дыскрымінацыю вернікаў у Данецкай і Луганскай абласьцях і зьвярнулася да ўсіх, хто незаконна трымае зброю, з заклікам скласьці зброю і спыніць кровапраліцьце. 
Ужо некалькі дзён на сувязь не выходзіць сакратар міжканфесійнай Рады Цэркваў і рэлігійных арганізацыяў Данецкай вобласьці, сьвятар УГКЦ Ціхан Кульбака. 
Шырокая дыскусія на тэму “Хрысьціянства — зарука гуманізму ў глабалізацыі?” з удзелам вядомых каталіцкіх багасловаў адбылася 10 чэрвеня 2014 году ў Каледжы бернардынаў у Парыжы — паведамляе французская каталіцкая газета “La Croix”. 
70 гадоў таму, 11-19 траўня 1944 году, адбылася бітва пад Монтэ Касіна ў Італіі, у якой на баку антыгітлераўскай кааліцыі бралі ўдзел тысячы ўраджэнцаў Беларусі. 18 тарўня ІІ Польскі корпус пад камандаваньнем генерала Ўладзіслава Андэрса здабыў узвышша Монтэ Касіна. Мала хто ведае, што сярод жаўнераў гэтага польскага корпусу амаль траціну складалі ўраджэнцы з Беларусі — католікі абодвух абрадаў, а таксама праваслаўныя. 
Школьнік з Івацэвічаў купіў за 2 рублі ў шапіку «Саюздруку» часопіс, які моцна паўплываў на лёс маладзёна ў пачатку 90-ых гадоў. З таго часу шмат што зьмянілася – хлопец стаў сьвятаром, выехаў у Лондан і будуе там царкву, што мае стаць помнікам па Чарнобыльскай бядзе. 
Царква і грамадзтва
