Пра свой, напэўна, адзін з самых яскравых момантаў перажываньня веры ў падлеткавым узросьце, піша душпастыр грэка-каталіцкай парафіі Маці Божай Фацімскай у Горадні а. Андрэй Крот. 
У Празе і па ўсёй Чэхіі 9 чэрвеня 2017 году адбылася так званая «Noc Kostelů» — «Ноч храмаў». Сёлета ў гэтай рэлігійна-культурнай акцыі была і беларуская праграма — у царкве сьв. Кузьмы і Дзям’яна, дзе моляцца вернікі-беларусы, што жывуць у Празе. 
Праз паўгоду пасьля афіцыйнага адкрыцьця грэка-каталіцкая царква беларускай супольнасьці ў Лондане працягвае атрымліваць узнагароды на брытанскіх і замежных конкурсах. 
Мітрапаліт Тадэвуш Кандрусевіч, выказаў зьдзіўленьне і занепакоенасьць Каталіцкай Царквы ў Беларусі патрабаваньнямі некаторых аддзелаў ідэалогіі прадастаўляць праграму навучаньня Катэхізму і сьпісы вучняў нядзельных школаў. 
Мітрапаліт Тадэвуш Кандрусевіч, выступаючы 2 траўня 2017 году ў Акадэміі кіраваньня пры Прэзідэнце Рэспублікі Беларусь з дакладам «Узаемадзеяньне Касьцёлу і дзяржавы ў наш час», асобна згадаў служэньне ў каталіцкіх парафіях замежных сьвятароў і выказаўся за зьмены ў законе «Аб свабодзе сумленьня і рэлігійных арганізацыяў». 
Старшыня Канферэнцыі Каталіцкіх Біскупаў у Беларусі архібіскуп Тадэвуш Кандрусевіч 2 траўня 2017 году выступіў у Менску ў Акадэміі кіраваньня пры Прэзідэнце Рэспублікі Беларусь з дакладам на тэму «Узаемадзеяньне Касьцёлу і дзяржавы ў наш час» — паведамляе Catholic.by. 
У дзень 1 траўня, калі ў Каталіцкай Царкве лацінскага абраду адзначаецца ўспамін сьв. Юзафа, рамесьніка, Папа Францішак скіраваў свае думкі да моладзі — паведамляе Беларуская рэдакцыя Ватыканскага радыё. 
«Апошнімі днямі шмат думаю пра Курапаты... Неяк узгадаў, што там не пахаваны ніводзін з грэка-каталіцкіх сьвятароў. І, як ня дзіўна, для нас, грэка-каталікоў, гэтае месца надзвычай важнае», — пра месца масавых расстрэлаў ахвяраў бальшавізму ў Курапатах і лёс беларускіх грэка-каталіцкіх сьвятароў дзеліцца сваімі разважаньнямі душпастыр парафіі Маці Божай Фацімскай з Горадні а. Андрэй Крот. 
У сувязі з канфліктнай сітуацыяй, якая склалася ў апошні час ва ўрочышчы Курапаты, курыя Менска-Магілёўскай архідыяцэзіі выступіла з адмысловым зваротам. 
Дзесяць гадоў таму, перад сьвятарскімі сьвячаньнямі, калі старэйшы сьвятар настаўляў мяне і маіх калегаў, ён сказаў такія словы: «Вам давядзецца змагацца з камунізмам». Я моцна зьдзівіўся, бо які ж камунізм у 2006 годзе, у XXI стагоддзі?! З кожным чарговым годам свайго сьвятарства, я пераконваюся нанова, што той сьвятар меў рацыю: камунізм — гэта рэчаіснасьць, у якой мы жывем. 
Галоўная 
Царква і грамадзтва
Упершыню Ноч храмаў была арганізаваная ў Нямеччыне ў 2003 годзе. З кожным годам акцыя ўсё больш набывае папулярнасьць і ахоплівае новыя гарады і краіны. Падобныя мерапрыемствы ладзяцца цяпер таксама ў Чэхіі, Аўстрыі, Славакіі, Эстоніі, Латвіі, Галандыі.
— Так, гэтае душпастырства, якое ўзначальвае айцец протапрасьвітар Андрэй Абламейка, бярэ ўдзел у Ночы храмаў у Празе ўжо шмат гадоў у розных формах. Звычайна гэта сканцэнтравана вакол царквы сьвятых Кузьмы і Дзям’яна — гэта славуты пражскі храм усходняга абраду, пабудаваны ў Х стагоддзі, а менавіта ў 928 годзе. Я сам бяру ўдзел у Ночы храмаў другі раз на запрашэньне кіраўніка Апостальскага Экзархату Чэхіі біскупа Ўладзіслава Гучкі.
Царква і грамадзтва
13.06.2017
Ноч храмаў — традыцыя, якую варта запазычыць Беларусі
У Празе і па ўсёй Чэхіі 9 чэрвеня 2017 году адбылася так званая «Noc Kostelů» — «Ноч храмаў». Сёлета ў гэтай рэлігійна-культурнай акцыі была і беларуская праграма — у царкве сьв. Кузьмы і Дзям’яна, дзе моляцца вернікі-беларусы, што жывуць у Празе.
Упершыню Ноч храмаў была арганізаваная ў Нямеччыне ў 2003 годзе. З кожным годам акцыя ўсё больш набывае папулярнасьць і ахоплівае новыя гарады і краіны. Падобныя мерапрыемствы ладзяцца цяпер таксама ў Чэхіі, Аўстрыі, Славакіі, Эстоніі, Латвіі, Галандыі.Для ўдзелу ў Ночы храмаў-2017 у сталіцу Чэхіі прыехалі Апостальскі Візітатар для беларускіх грэка-католікаў Архімандрыт Сяргей (Гаек) і кіраўнік грэка-каталіцкага душпастырства ў Празе протапрасьвітар Андрэй Абламейка.
Пра тое, што ўяўляе сабой Ноч храмаў у Празе, журналіст Радыё Свабода Сяргей Абламейка пагутарыў з Апостальскім Візітатарам БГКЦ Архімандрытам Сяргеем (Гаекам). Ніжэй прапануем гэтую размову, якая адбылася перад яе пачаткам.
— Сёньня ў Празе Ноч храмаў. Што гэта такое, як даўно праводзіцца гэтае мерапрыемства?
— Ноч храмаў — гэта шматгадовая практыка пражскай япархіі Рымска-Каталіцкай Царквы. Але цяпер яна праводзіцца ў супрацоўніцтве з прадстаўнікамі іншых канфесіяў. У такую ноч храмы адкрытыя для свабоднага наведваньня. У іх, паводле праграмы, адбываюцца набажэнствы, культурныя мерапрыемствы, канцэрты. Гэтая практыка налічвае ўжо шмат гадоў, у пэўны момант да яе далучыліся і пражскія беларусы.
— Калі Вы кажаце «пражскія беларусы», вы маеце на ўвазе грэка-каталіцкае душпастырства Дабравешчаньня Найсьвяцейшай Багародзіцы?
— Так, гэтае душпастырства, якое ўзначальвае айцец протапрасьвітар Андрэй Абламейка, бярэ ўдзел у Ночы храмаў у Празе ўжо шмат гадоў у розных формах. Звычайна гэта сканцэнтравана вакол царквы сьвятых Кузьмы і Дзям’яна — гэта славуты пражскі храм усходняга абраду, пабудаваны ў Х стагоддзі, а менавіта ў 928 годзе. Я сам бяру ўдзел у Ночы храмаў другі раз на запрашэньне кіраўніка Апостальскага Экзархату Чэхіі біскупа Ўладзіслава Гучкі.— Такім чынам, Ноч храмаў — гэта калі храмы розных канфесіяў адкрытыя ўсю ноч. Туды можа прыйсьці любы ахвочы...
— Так. Галоўнае, што там адбываюцца вячэрнія або начныя набажэнствы. Але ня толькі. Усю ноч у храме знаходзяцца некалькі адказных асобаў. Кожны можа прыйсьці, яму раскажуць пра гісторыю храму, пакажуць помнікі мастацтва, раскажуць пра традыцыю ўдзелу парафіі ў рэлігійным жыцьці рэгіёну або гораду.
— А удзел беларусаў мае нейкую асаблівасьць?
— Так, вядома. Сёлета для нас ёсьць добрая нагода ўзгадаць важны юбілей — 500-годдзе Псалтыра Скарыны, які быў надрукаваны тут, у Празе.
— З чаго складаецца ўдзел беларусаў у Ночы храмаў у Празе, з якіх мерапрыемстваў?
— А 17-й гадзіне ў царкве сьвятых Кузьмы і Дзям’яна адбудзецца чэская літургія, але з прысутнасьцю беларусаў, якую на запрашэньне Экзарха Чэхіі біскупа Ўладзіслава Гучкі ўзначальваю я. Падчас набажэнства я скажу для прысутных некалькі словаў пра тое, што для нас, беларусаў, вельмі важная памяць пра Скарыну, гэта — каштоўная форма беларускай прысутнасьці ў жыцьці хрысьціянаў Чэхіі і наогул у культурным жыцьці Чэшскай Рэспублікі.
— А яшчэ нейкія мерапрыемствы будуць?
— Так. Яшчэ а 21-й гадзіне адбудзецца беларускамоўны малебен у той жа царкве сьвятых Кузьмы і Дзям’яна, які адслужыць айцец Андрэй Абламейка.
— А ці ёсьць нешта падобнае да Ночы храмаў у Беларусі і ці хацелі б вы распачаць такую традыцыю ў нашай краіне?
— Вядома, мы вельмі хацелі б. Першыя крокі ў гэтым кірунку ўжо робяцца. Напрыклад, перад Пасхай былі адкрытыя касьцёлы ў Менску. Але такое мерапрыемства было б вельмі дарэчы. Беларусь ў такі спосаб далучылася б да рэлігійных традыцыяў Цэнтральнай Еўропы.
* * *
Пасьля таго, як ноч храмаў-2017 у Празе адбылася, журналіст Радыё Свабоды Сяргей Абламейка падзяліўся сваімі ўражаньнямі і назіраньнямі:
«На першы погляд, гэтая акцыя выглядае чыста рэлігійнай. Але гэта не зусім так. Сапраўды — храм ёсьць храм, і ўдзел у акцыі бралі храмы розных канфесіяў. У храмах адбываліся набажэнствы, быў адкрыты доступ да мошчаў сьвятых, дзяжурылі сьвятары. Але ня толькі.
У будынках, дзе звычайна адбываюцца набажэнствы, яшчэ былі разгорнутыя выставы, дзяжурылі экскурсаводы і актывісты парафіяў, гатовыя расказаць пра храм, пра царкву, якую ён прадстаўляе. Таксама, паводле раскладу, адбываліся канцэрты хораў і музычных калектываў — па два, тры і болей за адзін вечар. /.../
Я быў зьдзіўлены, калі ўбачыў тысячы людзей, якія ў той вечар перамяшчаліся па гістарычным цэнтры Прагі, заходзячы ў той ці іншы храм. Людзі цікавіліся гісторыяй, заставаліся на набажэнствы або канцэрты, бралі ўлёткі і брашуры, сьпецыяльна надрукаваныя да Ночы храмаў.
Было відаць, што за 5-6 гадоў свайго існаваньня гэтая акцыя ператварылася ў каштоўную і важную культурную падзею, у якой штогод бяруць удзел тысячы людзей».
Фота: Opatství Emauzy.
Фота: Opatství Emauzy.
Гл. таксама:
Апостальскі Візітатар БГКЦ пра найбліжэйшыя царкоўныя планы і задачы
У Берасьці падчас сьвята парафіі ў 420-ыя ўгодкі Уніі асьвяцілі крыж на каплічцы
Тэлепраграма «Існасьць». Пра Грэка-Каталіцкую Царкву ў Беларусі
Архімандрыт Сяргей Гаек: Папа пажадаў грэка-католікам Беларусі асэнсаваць сваю спадчыну
У Бэтлееме грэка-католікі маліліся за хрысьціянаў Беларусі
Гэты артыкул чыталі 86 разоў (-ы)
