29 лістапада 2018 году на Сусьветным архітэктурным фэстывалі ў Амстэрдаме было абвешчана, што драўляная грэка-каталіцкая царква сьв. Кірылы Тураўскага і Ўсіх сьвятых заступнікаў беларускага народу, збудаваная і асьвячаная ў сьнежні 2016 году ў раёне Паўночны Фінчлі ў Лондане для Беларускай каталіцквай місіі, перамагла ў катэгорыі «Найлепшы рэлігійны будынак». Пра гэта паведаміла Радыё Свабода. 
Сваімі думкамі з нагоды трынаццаці гадоў сьвятарства дзеліцца душпастыр грэка-каталіцкай парафіі Маці Божай Фацімскай у Горадні а. Андрэй Крот. 2 ліпеня 2005 году, у Івана-Франкоўску ва Ўкраіне, праз ускладаньне рук ён атрымаў сьв. Тайну сьвятарства ад старэнькага біскупа-базыльяніна Сафрона Мудрага. 
Старшыня Сінадальнага інфармацыйнага аддзелу Беларускай Праваслаўнай Царквы, доктар тэалогіі, протаярэй Сяргей Лепін у інтэрв’ю Радыё Свабода расказаў аб пазіцыі БПЦ у пытаньні аўтакефаліі. 
17 красавіка 2018 году ў рэзідэнцыі Зьверхніка УГКЦ, што паблізу Патрыяршага сабору Ўваскрасеньня Хрыстовага ў Кіеве, адбылася сустрэча Яго Блаславенства Сьвятаслава (Шаўчука), Першаярарха УГКЦ, з Надзвычайным і Паўнамоцным паслом ЗША ва Ўкраіне Мары Ёванавіч на яе просьбу. У сустрэчы прыняла ўдзел Рэбэка Фармэр, дыпламат палітычнага аддзелу Амбасады ЗША ва Ўкраіне. 
Вярхоўная Рада Ўкраіны 19 красавіка канстытуцыйнай большасьцю прыняла пастанову падтрымаць зварот прэзідэнта Ўкраіны Пятра Парашэнкі да Ўсяленскага Патрыярха Барталамея аб прадстаўленьні аўтакефаліі праваслаўнай Царкве Ўкраіны. 
У Горадні ў абласной навуковай бібліятэцы імя Я. Карскага адбыўся круглы стол «Моладзь і рэлігія». Яго арганізавала 28 сакавіка 2018 году катэдра гісторыі Беларусі, археалогіі і сьпецыяльных гістарычных дысцыплінаў Гарадзенскага дзяржаўнага ўніверсітэту імя Янкі Купалы, якая зьяўляецца вядомым і прызнаным у Беларусі і за мяжой асяродкам дасьледаваньняў беларускай гісторыка-канфесійнай праблематыкі. 
Паводле задумы стваральнікаў, у наш час інтэрнэту і смартфонаў, гэтая праграма павінна стаць сёньня свайго роду новай «Малой падарожнай кніжкай» для вернікаў Беларускай Грэка-Каталіцкай Царквы і ўсіх, хто хацеў бы жыць і маліцца па-беларуску паводле традыцыі Царквы візантыйскага абраду. 
Ахоўваць спадчыну веры і праўды, атрыманую ад Айцоў, і працягваць апостальскую дзейнасьць з радасьцю і міласэрнасьцю, ідучы новымі шляхамі, заклікаў Францішак 11 кастрычніка 2017 году падчас урачыстай сустрэчы, якая прайшла ў Ватыкане з нагоды 25-годдзя падпісаньня Янам Паўлам ІІ Апостальскай канстытуцыі «Fidei depositum», якая суправаджала выданьне Катэхізму Каталіцкай Царквы. 
Заключнае пасланьне Рады Канферэнцыяў Біскупаў Еўропы, прынятае ў Менску па выніку працы штогадовага пленарнага пасяджэньня, што праходзіла ў Менску з 28 верасьня па 1 кастрычніка 2017 году. 
Пра свой, напэўна, адзін з самых яскравых момантаў перажываньня веры ў падлеткавым узросьце, піша душпастыр грэка-каталіцкай парафіі Маці Божай Фацімскай у Горадні а. Андрэй Крот. 
Галоўная 
Царква і грамадзтва
Каментуючы зьяўленьне гэтага ўспаміну з дзяцінства, сьвятар напісаў: «Мне апошнім часам у Фэйсбуку не хапае чагосьці такога... сапраўднага. Надакучылі абмеркаваньні навінаў, пра якія забываюцца праз два тыдні, ці бясконцыя «халівары», у якіх усё даўно сказана. Хацелася напісаць нешта такое, ад душы...»
Гл. таксама:
Францішак заклікаў не паддавацца спакусе нараканьня
Бласлаўляйце, а не кляніце
Моладзь і рэлігія
Беларускі грэка-каталіцкі сьвятар: насілу да веры ніхто не прыводзіць
Пачаткі хрысьціянства ў Беларусі
Царква і грамадзтва
14.07.2017
Найпрыгажэйшая...
Пра свой, напэўна, адзін з самых яскравых момантаў перажываньня веры ў падлеткавым узросьце, піша душпастыр грэка-каталіцкай парафіі Маці Божай Фацімскай у Горадні а. Андрэй Крот.
Каментуючы зьяўленьне гэтага ўспаміну з дзяцінства, сьвятар напісаў: «Мне апошнім часам у Фэйсбуку не хапае чагосьці такога... сапраўднага. Надакучылі абмеркаваньні навінаў, пра якія забываюцца праз два тыдні, ці бясконцыя «халівары», у якіх усё даўно сказана. Хацелася напісаць нешта такое, ад душы...»* * *
Калісьці на пачатку 90-х я выпісваў часопіс «Бярозка». У ім для мяне найцікавейшымі былі плакаты розных рок-гуртоў. Так атрымліваеш нумар, разгортваеш на сярэдзіне, а там — «Мясцовы час». Не паверыце: я ведаў, хто гэта такія, бо слухаў Першую праграму Беларускага радыё, і яны мне нават падабаліся. :)
Вось аднойчы прыходзіць часопіс, я разгортваю яго — а там, замест чарговага гурта — ЯНА! МАЦІ БОЖАЯ ВАСТРАБРАМСКАЯ... Для мяне гэта быў шок, бо, як мне здалося, я ня бачыў нічога, прабачце, НІКОГА прыгажэйшага за Яе. Каго лічыць прыгожым звычайны падлетак 14-15 гадоў? Альбо сваю аднакласьніцу, альбо якую зорку эстрады. Мне таксама падабаліся і аднакласьніцы, і зоркі эстрады, але Яна стаяла неяк па-над усімі. Памятаю яшчэ, як хадзіў і паказваў часопіс сябрам і казаў — глядзіце, якая прыгажосьць! Яны неяк спачувальна на мяне паглядалі і не пярэчылі...
Плакат я акуратна выняў з часопіса, павесіў у хаце на сьценку. Перад ім я маліўся потым свой першы ў жыцьці Ружанец. Потым, зьехаўшы з бацькоўскага дому на вучобу, забраў Маці Божую з сабою. Яна вісела ў мяне ў інтэрнаце, на розных кватэрах, а потым недзе зьнікла, я думаў, што згубіў Яе...
І вось, колькі месяцаў таму ў Івацэвічах пераглядаў свае паперы — і знайшоў Яе! Плакацік, вядома, пажоўк з часам. Прывёз яго ў Горадню, знайшоў адпаведную рамку і ўставіў сёньня! І цяпер мая Маці Божая зноў са мною! У мяне былі розныя іконы — але вось так, каб назваць нейкую сваёй — ну не было такога адчуваньня. А цяпер ёсьць!
А наконт прыгажосьці — я зразумеў, калі амаль праз дваццаць гадоў служыў у Вострай Браме літургію.
Прыгожым чалавека робіць не касьметыка, пластычная хірургія ці нават прырода — прыгожым робіць Бог. І таму глядзіш так, бывае, на чалавека, няма ў ім ідэальных прапорцыяў цела ці твару, а бачыш — ён прыгожы! Бабулька якая-небудзь — і прыгожая! Бо твар выпраменьвае супакой, любоў і радасьць. І таму Маці Божая Вастрабрамская стала для мяне Найпрыгажэйшай.
Маці Божая Вастрабрамская, Маці Міласэрнасьці, маліся за нас!
Гл. таксама:
Францішак заклікаў не паддавацца спакусе нараканьня
Бласлаўляйце, а не кляніце
Моладзь і рэлігія
Беларускі грэка-каталіцкі сьвятар: насілу да веры ніхто не прыводзіць
Пачаткі хрысьціянства ў Беларусі
Гэты артыкул чыталі 313 разоў (-ы)
