22 лістапада 2019 году ў Вільні з удзелам вялікай колькасьці беларусаў адбылося ўрачыстае пахаваньне нядаўна знойдзеных парэшткаў Канстанціна Каліноўскага і іншых паўстанцаў 1863-64 гг. у капліцы на могілках Росы, арганізаванае на дзяржаўным узроўні ўладамі Літоўскай Рэспублікі. 
Айцец Андрэй Крот, душпастыр гарадзенскай грэка-каталіцкай парафіі Маці Божай Фацімскай, наведаў перапахаваньне паўстанцаў у Вільні і служыў набажэнства за іх супакой. Ён расказаў, што адчуваў, калі ішоў у працэсіі побач з Каліноўскім, піша Hrodna.life. 
У сталіцы Літвы Вільні 22 лістапада 2019 году ў катэдральнай базыліцы сьв. Станіслава і сьв. Уладзіслава адбыліся пахавальныя ўрачыстасьці з сьвятой Імшой пры трунах з нядаўна адшуканымі парэшткамі Кастуся Каліноўскага і іншых 19 удзельнікаў вызвольнага паўстаньня 1863–1864 гг. Пасьля набажэнства з словам да ўдзельнікаў цырымоніі пахаваньня парэшткаў паўстанцаў зьвярнуўся Мітрапаліт Менска-Магілёўскі РКЦ архібіскуп Тадэвуш Кандрусевіч. 
Новы парадак аплаты за масавыя акцыі негатыўна паўплываў на дзейнасьць ня толькі апазіцыйных партый, але і рэлігійных арганізацый. 
Беларускае Радыё Рацыя зьвярнулася па каментар пра адмену юбілейнай 25-й пілігрымкі БГКЦ з Віцебску у Полацак да аднаго з яе арганізатараў — дэкана Ўсходняга дэкантау БГКЦ і параха парафіі Ўваскрасеньня Хрыстовага ў Віцебску а. Зьмітра Грышана. 
16-17 траўня 2019 году ў Менскай духоўнай акадэміі імя сьв. Кірылы Тураўскага адбылася міжнародная міжканфесійная канферэнцыя, прысьвечаная тэме «Цэрквы і мясцовыя супольнасьці перад абліччам сацыяльных выклікаў». 
«Узрушаньне і боль, які перажываюць мільёны людзей па ўсім сьвеце, у сувязі з пажарам у саборы Парыжскай Багамаці, ня ёсьць выключна хрысьціянскім пачуцьцём і ня толькі хрысьціяне перажываюць смутак з гэтае нагоды», — піша беларускі грэка-каталіцкі сьвятар з Бельгіі а. Іван Майсейчык. 
Нягледзячы на намаганьні па абароне правоў на свабоду рэлігіі, сёньня ў многіх частках сьвету мы назіраем пагаршэньне і нават напад на гэтае неад’емнае права, — так лічыць Дзяржсакратар Яго Сьвятасьці Папы Францішка. 
Як паведаміла прэс-служба Апостальскага Візітатара для грэка-католікаў Беларусі, беларускія грэка-католікі салідарныя з Заявай Старшыні ККББ архібіскупа Тадэвуша Кандрусевіча адносна сітуацыі ў Курапатах і далучаюцца да малітвы перапрашэньня за блюзьнерчыя дзеяньні ў гэтым сьвятым месцы. 
Мітрапаліт Тадэвуш Кандрусевіч выказаўся пра Курапаты, знаходзячыся ў Беластоку на рэабілітацыі пасьля аперацыі. Ён заклікаў спыніць знос крыжоў і распачаць дыялог з грамадзтвам. «Крыж не павінен падзяляць, бо ён яднае неба з зямлёю, а людзей — паміж сабою ў адзіную сям’ю братоў і сясьцёр», — сьцьвярджае каталіцкі ярарх у заяве, якая разьмешчана на Catholic.by. 
Галоўная 
Царква і грамадзтва
У сталіцы Літвы Вільні 22 лістапада 2019 году ў катэдральнай базыліцы сьв. Станіслава і сьв. Уладзіслава адбыліся пахавальныя ўрачыстасьці з сьвятой Імшой пры трунах з нядаўна адшуканымі парэшткамі Кастуся Каліноўскага і іншых 19 удзельнікаў вызвольнага паўстаньня 1863–1864 гг. Пасьля набажэнства з словам да ўдзельнікаў цырымоніі пахаваньня парэшткаў паўстанцаў зьвярнуўся Мітрапаліт Менска-Магілёўскі РКЦ архібіскуп Тадэвуш Кандрусевіч.
Ніжэй падаем тэкст яго выступу.
Царква і грамадзтва
23.11.2019
Мітрапаліт Тадэвуш Кандрусевіч на цырымоніі пахаваньня парэшткаў паўстанцаў у Вільні: «у Бога няма выпадковасьцяў»
У сталіцы Літвы Вільні 22 лістапада 2019 году ў катэдральнай базыліцы сьв. Станіслава і сьв. Уладзіслава адбыліся пахавальныя ўрачыстасьці з сьвятой Імшой пры трунах з нядаўна адшуканымі парэшткамі Кастуся Каліноўскага і іншых 19 удзельнікаў вызвольнага паўстаньня 1863–1864 гг. Пасьля набажэнства з словам да ўдзельнікаў цырымоніі пахаваньня парэшткаў паўстанцаў зьвярнуўся Мітрапаліт Менска-Магілёўскі РКЦ архібіскуп Тадэвуш Кандрусевіч. Ніжэй падаем тэкст яго выступу.
Слова архібіскупа Тадэвуша Кандрусевіча
падчас цырымоніі перапахаваньня
Кастуся Каліноўскага і яго паплечнікаў у Вільні
Кастуся Каліноўскага і яго паплечнікаў у Вільні
Глыбокапаважаныя спадары
Прэзідэнт Літвы Гітанас Наўседа і Прэзідэнт Польшчы Анджэй Дуда,
Прэзідэнт Літвы Гітанас Наўседа і Прэзідэнт Польшчы Анджэй Дуда,
Ваша Эксцэленцыя арцыбіскуп Гінтарас Грушас, Мітрапаліт Віленскі,
шаноўныя Эксцэленцыі,
паважаныя кіраўнікі афіцыйных дэлегацый Беларусі, Латвіі і Ўкраіны,
прадстаўнікі дзяржаўных уладаў,
духоўныя асобы, вернікі, умілаваныя браты і сёстры, у тым ліку пілігрымы з Беларусі!
Божы Провід дазваляе нам браць удзел у перапахаваньні парэшткаў удзельнікаў паўстаньня 1863–1864 гадоў. Гара Гедыміна — сымбаль Вільні — два гады таму адкрыла нам сваю таямніцу. Нарэшце скрытыя на працягу паўтараста гадоў парэшткі герояў паўстаньня былі адшуканыя і сёньня з пашанай пераносяцца на месца вечнага спачынку на могілкі Роса ў Вільні.
У Бога няма выпадковасьцяў. Магчыма, так трэба было, каб мы зноў узгадалі пра тых, хто аддаў сваё жыцьцё ў трагічных абставінах, імкнучыся здабыць волю.
Паўстанцы былі прадстаўнікамі розных народаў і веравызнаньняў. Але ўсе яны змагаліся з царызмам за свабоду сваіх народаў і за іх агульную свабоду — змагаліся «за нашу і вашу свабоду».
Сярод іх Кастусь Каліноўскі, сын беларускага народу, лідар нацыянальнага вызваленчага руху, публіцыст і паэт, высакародны чалавек, які вызначаўся надзвычайнаю сілаю духа і зьяўляўся адным з кіраўнікоў паўстаньня. Таму сёньняшняя падзея мае вялікае значэньне таксама і для Беларусі.
Кастусь Каліноўскі належыць нашай гісторыі як той, хто заклаў аснову самасьвядомасьці беларусаў як асобнай еўрапейскай нацыі, якая мае права на самавызначэньне.У ім і яго паплечніках мы бачым узор альтруізму, самаахвярнасьці, усьведамленьня ўласнае годнасьці.
Хоць у жыцьці і барацьбе паўстанцаў былі разнастайныя асьпекты, якія цяжка ахапіць у некалькіх сказах, і хоць само паўстаньне не прынесла жаданага плёну, тым ня менш яно пакінула свой сьлед у гісторыі.
Узгадваючы тыя далёкія гістарычныя падзеі, мы не імкнемся разьдзіраць загоеныя раны і пасыпаць іх сольлю. Наадварот, мы хочам яшчэ раз асэнсаваць, да чаго можа прывесьці адсутнасьць любові да бліжняга і павагі да яго правоў, якія ён атрымаў ад Бога, каб падобнае больш ніколі не паўтарылася.
Мы таксама жадаем маліцца за паўстанцаў-мучанікаў, магілы якіх яшчэ зусім нядаўна не былі вядомыя, і аднавіць братэрскія адносіны з суседнімі народамі і вернікамі розных веравызнаньняў. Нішто так не аб’ядноўвае, як пралітая за агульныя ідэалы кроў.
Сымбалічна, што перапахаваньне парэшткаў паўстанцаў адбываецца ў Вільні — горадзе Божай Міласэрнасьці. Cваімі малітвамі мы спадарожнічаем загінулым паўстанцам і даручаем іх душы міласэрнаму Богу.
Вечны адпачынак дай ім, Пане, а сьвятло вечнае няхай ім сьвеціць. Няхай адпачываюць у супакоі. Амэн.
Паводле Catholic.by.
Гл. таксама:
У Вільні адбылося грэка-каталіцкае набажэнства за супакой паўстанцаў
Апостальскі Візітатар БГКЦ на ўрачыстасьцях у Вільні
Грамадзянін Вялікага Княства Любові
Душпастырская праграма візіту ў Беларусь Сакратара Кангрэгацыі Ўсходніх Цэркваў
Мітрапаліт Тадэвуш Кандрусевіч заклікаў беларускае грамадзтва да супольнага пошуку сапраўднага міру і згоды
Гэты артыкул чыталі 17 разоў (-ы)
