Каталіцкія біскупы Беларусі 25 лістапада 2020 году зьвярнуліся да католікаў і ўсіх людзей добрай волі ў сувязі з паглыбленьнем грамадзка-палітычнага крызісу ў краіне, паведамляе Catholic.by. Падаем тэкст гэтага звароту. 
16 жніўня 2020 году падчас сваёй традыцыйнай нядзельнай сустрэчы з вернікамі на малітве «Анёл Гасподні» Папа Францішак скіраваў адмысловы зварот, зьвязаны з сітуацыяй у Беларусі. 
Першаярарх Украінскай Грэка-Каталіцкай Царквы, Вярхоўны архібіскуп Кіеўска-Галіцкі Сьвятаслаў (Шаўчук) выказаў словы брацкай салідарнасьці і малітоўнай блізкасьці біскупам, духавенству і манахам Рыма-Каталіцкай і Грэка-Каталіцкай Цэркваў у Беларусі, а таксама ўсім братам і сёстрам у Хрысьце ды ўсяму беларускаму народу, які змагаецца за свае грамадзянскія правы і свабоды, абараняючы сваё волевыяўленьне, сацыяльную справядлівасьць і ўласную годнасьць. 
Каталіцкія ярархі Беларусі 13 жніўня 2020 году выступілі са зваротам, у якім асудзілі насільле ў краіне пасьля выбараў і заклікалі «спыніць непатрэбную агрэсію і распачаць дыялог». Гэты зварот неабходна прачытаць вернікам ва ўсіх храмах, пачынаючы з гэтага дня, а таксама абавязкова на ўсіх Імшах у нядзелю 16 жніўня — паведамляекаталіцкі партал Catholic.by. 
11 жніўня 2020 году Старшыня Канферэнцыі Каталіцкіх Біскупаў у Беларусі Мітрапаліт Менска-Магілёўскі архібіскуп Тадэвуш Кандрусевіч выступіў з сьпецыяльным зваротам у сувязі з складанай грамадзка-палітычнай сітуацыяй у Беларусі пасьля прэзідэнцкіх выбараў 9 жніўня. 
Беларускі грэка-каталіцкі сьвятар Сяргей Стасевіч, які служыць у Лондане і зьяўляецца душпастырам беларусаў у Вялікай Брытаніі, адказаў на пытаньні журналісткі «Нашай Нівы» Вольгі Сяховіч. Прапануем гэтую размову і нашым чытачам. 
Заступніцкая малітва ўласьцівая сьвятым, якія, на падабенства Ісуса, становяцца сапраўднымі «мастамі» паміж Богам і Яго народам. Майсей у гэтым сэнсе стаў самым вялікім прарокам Ісуса, — перакананы Сьвяты Айцец. 
Ці «геройства» з пагардай да небясьпекі каранавіруса зьяўляецца праявай моцнай веры хрысьціяніна? Пра пошук Бога ў час бяды разважае езуіт з Віцебска айцец Віктар Жук. 
Вярхоўны суд Аўстраліі аднагалосна апраўдаў 78-гадовага кардынала Джорджа Пэла, асуджанага нібыта за сэксуальныя дамаганьні да непаўналетніх — паведамляе беларуская рэдакцыя парталу Vatican News. 
22 лістапада 2019 году ў Вільні з удзелам вялікай колькасьці беларусаў адбылося ўрачыстае пахаваньне нядаўна знойдзеных парэшткаў Канстанціна Каліноўскага і іншых паўстанцаў 1863-64 гг. у капліцы на могілках Росы, арганізаванае на дзяржаўным узроўні ўладамі Літоўскай Рэспублікі. 
Галоўная 
Царква і грамадзтва
Ніжэй падаем зьмест звароту архібіскупа Тадэвуша Кандрусевіча, які быў зьмешчаны на партале Каталіцкай Царквы ў Беларусі Catholic.by.
Гл. таксама:
Першаярарх УГКЦ выказаў словы падтрымкі беларускаму народу
Япіскап Бенядыкт Алексійчук: Беларусь і Ўсходняя Ўкраіна мелі аднолькавыя стартавыя ўмовы, а вынікі — несувымерныя
Пачаткі хрысьціянства ў Беларусі
Каб стварыць беларускую царкву ў Лондане, кітаец вывучыў нашу гісторыю
Душпастырская праграма візіту ў Беларусь Сакратара Кангрэгацыі Ўсходніх Цэркваў
Царква і грамадзтва
12.08.2020
Мітрапаліт Тадэвуш Кандрусевіч заклікаў спыніць насільле ў Беларусі і неадкладна склікаць круглы стол
11 жніўня 2020 году Старшыня Канферэнцыі Каталіцкіх Біскупаў у Беларусі Мітрапаліт Менска-Магілёўскі архібіскуп Тадэвуш Кандрусевіч выступіў з сьпецыяльным зваротам у сувязі з складанай грамадзка-палітычнай сітуацыяй у Беларусі пасьля прэзідэнцкіх выбараў 9 жніўня.
Ніжэй падаем зьмест звароту архібіскупа Тадэвуша Кандрусевіча, які быў зьмешчаны на партале Каталіцкай Царквы ў Беларусі Catholic.by.«Браты і сёстры, суайчыньнікі!
У апошнія дні мы сталі сьведкамі нябачанай дагэтуль у нашай міралюбнай і памяркоўнай Бацькаўшчыне напружанасьці, зьвязанай з ходам выбарчай кампаніі і прэзідэнцкімі выбарамі, якая вылілася на вуліцы і плошчы нашых гарадоў. Адбыліся сутыкненьні паміж грамадзянамі і супрацоўнікамі сілавых структур. У выніку актыўнага супрацьстаяньня ўжо, на жаль, пралілася першая кроў і ёсьць пацярпелыя з абодвух бакоў. Упершыню ў сучаснай гісторыі Беларусі брат падняў руку на брата.
Чаму мы, народ з больш як тысячагадовай гісторыяй хрысьціянства, сёньня як быццам забыліся пра любоў да бліжняга і ўласьцівую нам з даўніх часоў талерантнасьць у адносінах да іншадумцаў? Чаму на нашай сьвятой зямлі паўтараецца біблейская гісторыя сумнавядомага Каіна, які забіў свайго брата Абэля?
У гэты лёсавызначальны момант нашай гісторыі ў імя Бога бязьмежнай міласэрнасьці, любові і супакою я зьвяртаюся да ўсіх бакоў канфлікту з заклікам спыніць насільле. Няхай вашыя рукі, створаныя для мірнай працы і братэрскага прывітаньня, не падымаюць ні зброі, ані каменьня. Няхай замест аргументу сілы запануе заснаваная на дыялогу ў праўдзе і ўзаемнай любові сіла аргументу.
З даўніх часоў наш народ вырашаў складаныя пытаньні на агульных сходах, якія ў старажытных славянаў называліся вечам. З улікам гэтага каштоўнага вопыту, дзеля хутчэйшага пераадоленьня крызісу ў грамадзтве і спыненьня насільля прапаную неадкладна склікаць адмысловы круглы стол, каб за ім, а не на барыкадах, вырашаць далейшы лёс нашай Бацькаўшчыны.
Заахвочваю ўсіх людзей добрай волі да трывалай малітвы аб міры і згодзе ў нашай краіне».
Гл. таксама:
Першаярарх УГКЦ выказаў словы падтрымкі беларускаму народу
Япіскап Бенядыкт Алексійчук: Беларусь і Ўсходняя Ўкраіна мелі аднолькавыя стартавыя ўмовы, а вынікі — несувымерныя
Пачаткі хрысьціянства ў Беларусі
Каб стварыць беларускую царкву ў Лондане, кітаец вывучыў нашу гісторыю
Душпастырская праграма візіту ў Беларусь Сакратара Кангрэгацыі Ўсходніх Цэркваў
Гэты артыкул чыталі 19 разоў (-ы)
