Каталіцкія біскупы Беларусі 25 лістапада 2020 году зьвярнуліся да католікаў і ўсіх людзей добрай волі ў сувязі з паглыбленьнем грамадзка-палітычнага крызісу ў краіне, паведамляе Catholic.by. Падаем тэкст гэтага звароту. 
16 жніўня 2020 году падчас сваёй традыцыйнай нядзельнай сустрэчы з вернікамі на малітве «Анёл Гасподні» Папа Францішак скіраваў адмысловы зварот, зьвязаны з сітуацыяй у Беларусі. 
Першаярарх Украінскай Грэка-Каталіцкай Царквы, Вярхоўны архібіскуп Кіеўска-Галіцкі Сьвятаслаў (Шаўчук) выказаў словы брацкай салідарнасьці і малітоўнай блізкасьці біскупам, духавенству і манахам Рыма-Каталіцкай і Грэка-Каталіцкай Цэркваў у Беларусі, а таксама ўсім братам і сёстрам у Хрысьце ды ўсяму беларускаму народу, які змагаецца за свае грамадзянскія правы і свабоды, абараняючы сваё волевыяўленьне, сацыяльную справядлівасьць і ўласную годнасьць. 
Каталіцкія ярархі Беларусі 13 жніўня 2020 году выступілі са зваротам, у якім асудзілі насільле ў краіне пасьля выбараў і заклікалі «спыніць непатрэбную агрэсію і распачаць дыялог». Гэты зварот неабходна прачытаць вернікам ва ўсіх храмах, пачынаючы з гэтага дня, а таксама абавязкова на ўсіх Імшах у нядзелю 16 жніўня — паведамляекаталіцкі партал Catholic.by. 
11 жніўня 2020 году Старшыня Канферэнцыі Каталіцкіх Біскупаў у Беларусі Мітрапаліт Менска-Магілёўскі архібіскуп Тадэвуш Кандрусевіч выступіў з сьпецыяльным зваротам у сувязі з складанай грамадзка-палітычнай сітуацыяй у Беларусі пасьля прэзідэнцкіх выбараў 9 жніўня. 
Беларускі грэка-каталіцкі сьвятар Сяргей Стасевіч, які служыць у Лондане і зьяўляецца душпастырам беларусаў у Вялікай Брытаніі, адказаў на пытаньні журналісткі «Нашай Нівы» Вольгі Сяховіч. Прапануем гэтую размову і нашым чытачам. 
Заступніцкая малітва ўласьцівая сьвятым, якія, на падабенства Ісуса, становяцца сапраўднымі «мастамі» паміж Богам і Яго народам. Майсей у гэтым сэнсе стаў самым вялікім прарокам Ісуса, — перакананы Сьвяты Айцец. 
Ці «геройства» з пагардай да небясьпекі каранавіруса зьяўляецца праявай моцнай веры хрысьціяніна? Пра пошук Бога ў час бяды разважае езуіт з Віцебска айцец Віктар Жук. 
Вярхоўны суд Аўстраліі аднагалосна апраўдаў 78-гадовага кардынала Джорджа Пэла, асуджанага нібыта за сэксуальныя дамаганьні да непаўналетніх — паведамляе беларуская рэдакцыя парталу Vatican News. 
22 лістапада 2019 году ў Вільні з удзелам вялікай колькасьці беларусаў адбылося ўрачыстае пахаваньне нядаўна знойдзеных парэшткаў Канстанціна Каліноўскага і іншых паўстанцаў 1863-64 гг. у капліцы на могілках Росы, арганізаванае на дзяржаўным узроўні ўладамі Літоўскай Рэспублікі. 
Галоўная 
Царква і грамадзтва
Нашая Бацькаўшчына Беларусь ужо чацьвёрты месяц знаходзіцца ў нябачаным дагэтуль грамадзка-палітычным крызісе, які, на жаль, паглыбляецца. Насільле не спыняецца, надалей праліваецца кроў, грамадзтва падзеленае. Гэта не прадвяшчае нам шчасьлівай будучыні, бо, як казаў Хрыстос, дом, падзелены сам у сабе, ня выстаіць (пар. Мц 12, 25).
Гл. таксама:
Клаўдыё Гуджэроцьці: «Усім я жадаю свабоды мараў і веры ў тое, што няма нічога немагчымага»
Каб стварыць беларускую царкву ў Лондане, кітаец вывучыў нашу гісторыю
Прадстаўнік Сьвятога Айца ўзначаліў паніхіду ў Хатыні
Душпастырская праграма візіту ў Беларусь Сакратара Кангрэгацыі Ўсходніх Цэркваў
Нунцый да грэка-католікаў: многае залежыць і ад вас
Царква і грамадзтва
26.11.2020
Нашая Бацькаўшчына чацьвёрты месяц у грамадзка-палітычным крызісе
Каталіцкія біскупы Беларусі 25 лістапада 2020 году зьвярнуліся да католікаў і ўсіх людзей добрай волі ў сувязі з паглыбленьнем грамадзка-палітычнага крызісу ў краіне, паведамляе Catholic.by. Падаем тэкст гэтага звароту.
Зварот каталіцкіх біскупаў Беларусі
Нашая Бацькаўшчына Беларусь ужо чацьвёрты месяц знаходзіцца ў нябачаным дагэтуль грамадзка-палітычным крызісе, які, на жаль, паглыбляецца. Насільле не спыняецца, надалей праліваецца кроў, грамадзтва падзеленае. Гэта не прадвяшчае нам шчасьлівай будучыні, бо, як казаў Хрыстос, дом, падзелены сам у сабе, ня выстаіць (пар. Мц 12, 25).Цяжка паверыць, што такое адбываецца ў нашай міралюбнай краіне, вядомай сваёй талерантнасьцю і згодай паміж людзьмі розных веравызнаньняў і нацыянальнасьцяў.
Каталіцкая Царква, кіруючыся Евангельлем і пабудаваным на ім сацыяльным вучэньнем, выказваецца супраць насільля, беззаконьня, несправядлівасьці і няпраўды і асуджае іх. Царква заклікае да мірнага вырашэньня ўзьніклых праблемаў шляхам дыялогу ў духу любові да Бога і бліжняга, з захаваньнем Божых і чалавечых законаў.
Мы, каталіцкія біскупы Беларусі, далучаемся да звароту Папы Францішка, скіраванага ім пасьля малітвы «Анёл Гасподні» 13 верасьня 2020 г. да дзяржаўных уладаў. У ім Пантыфік заклікаў прыслухацца да голасу суграмадзянаў і пайсьці насустрач іх законным імкненьням, забясьпечваючы поўную павагу да правоў чалавека і грамадзянскай свабоды.
Пры гэтым мы хочам падкрэсьліць, што галоўная мэта Царквы — абвяшчаць Евангельле дзеля пабудовы Божага Валадарства, якое не кіруецца прынцыпамі гэтага сьвету і не прэтэндуе на зямную ўладу. Таму Царква не выконвае дзяржаўных функцыяў і ня можа нікім выкарыстоўвацца ў палітычных мэтах.
У гэты лёсавызначальны час гісторыі нашай Бацькаўшчыны, як навучаў сьвяты апостал Павел, мы павінны несьці цяжар адзін аднаго (пар. Гал 6, 2), аказваць узаемную падтрымку і салідарнасьць дзеля будаваньня згуртаванай, а не падзеленай Беларусі.
Зьвяртаемся да католікаў і ўсіх людзей добрай волі з заклікам працягваць узносіць свае малітвы ў інтэнцыі хуткага і мірнага вырашэньня крызісу, бо бласлаўлёныя міратворцы і тыя, хто імкнецца да справядлівасьці, як кажа Хрыстос. Няхай дабро пераможа зло.
Мір і дабро табе, наша бацькаўшчына Беларусь!
Каталіцкія біскупы Беларусі
Менск, 25 лістапада 2020 г.
Гл. таксама:
Клаўдыё Гуджэроцьці: «Усім я жадаю свабоды мараў і веры ў тое, што няма нічога немагчымага»
Каб стварыць беларускую царкву ў Лондане, кітаец вывучыў нашу гісторыю
Прадстаўнік Сьвятога Айца ўзначаліў паніхіду ў Хатыні
Душпастырская праграма візіту ў Беларусь Сакратара Кангрэгацыі Ўсходніх Цэркваў
Нунцый да грэка-католікаў: многае залежыць і ад вас
Гэты артыкул чыталі 62 разоў (-ы)
