Падчас нядзельнай малітвы Анёл Гасподні, якая 6 сакавіка 2022 году прайшла ў Ватыкане, Сьвяты Айцец Францішак скіраваў заклік у сувязі з драматычнай сітуацыяй ва Ўкраіне — паведамляе Vatican News. 
Мара пра паўсюднае братэрства можа здавацца недасяжнай утопіяй, але яе спаўненьне магчыма ў сьвеце, бо яна зьяўляецца таксама марай Бога, — нагадаў Папа Францішак эксьпертам у сацыяльнай навуцы Царквы. 
У Берасьцейскай абласной бібліятэцы 21 верасьня 2021 году адбылося адкрыцьцё адукацыйна-асьветніцкага выставачнага праекту «Біблія на Берасьцейшчыне». Падчас адкрыцьця выставы, на якой прысутнічалі прадстаўнікі розных канфесіяў, вядомыя навукоўцы і краязнаўцы, выступіў парах грэка-каталіцкай парафіі ў Берасьці а. Ігар Кандрацьеў, які прывітаў прысутных і зачытаў ліст да арганізатараў і ўдзельнікаў выставы ад Апостальскага візітатара для грэка-католікаў Беларусі архім. Сяргея Гаека. 
Апарат Упаўнаважанага па справах рэлігіяў і нацыянальнасьцяў адрэагаваў на публікацыю ў газеце «Мінская праўда», дзе зьмяшчалася карыкатурная выява каталіцкіх сьвятароў і параўнаньне іх з нацыстамі. 
9 верасьня 2021 году Апостальскі Нунцый у Беларусі архібіскуп Антэ Ёзіч па запрашэньні беларускіх уладаў наведаў Мiнiстэрства замежных справаў Рэспублікі Беларусь, дзе адбылася размова з міністрам Уладзімерам Макеем. 
З нагоды публікацыі 7 верасьня 2021 году ў дзяржаўнай газеце «Мінская праўда» (№ 68) зьняважлівага артыкула з карыкатурай на каталіцкіх сьвятароў з ужываньнем свастыкі па даручэньні Старшыні Канферэнцыі каталіцкіх біскупаў у Беларусі біскупа Віцебскага Алега Буткевіча пазіцыю беларускага каталіцкага епіскапату выказаў старшыня Камісіі па справах каталіцкай адукацыі і катэхезы пры ККББ біскуп Аляксандар Яшэўскі, SDB. 
Каталіцкія біскупы Беларусі 25 лістапада 2020 году зьвярнуліся да католікаў і ўсіх людзей добрай волі ў сувязі з паглыбленьнем грамадзка-палітычнага крызісу ў краіне, паведамляе Catholic.by. Падаем тэкст гэтага звароту. 
16 жніўня 2020 году падчас сваёй традыцыйнай нядзельнай сустрэчы з вернікамі на малітве «Анёл Гасподні» Папа Францішак скіраваў адмысловы зварот, зьвязаны з сітуацыяй у Беларусі. 
Першаярарх Украінскай Грэка-Каталіцкай Царквы, Вярхоўны архібіскуп Кіеўска-Галіцкі Сьвятаслаў (Шаўчук) выказаў словы брацкай салідарнасьці і малітоўнай блізкасьці біскупам, духавенству і манахам Рыма-Каталіцкай і Грэка-Каталіцкай Цэркваў у Беларусі, а таксама ўсім братам і сёстрам у Хрысьце ды ўсяму беларускаму народу, які змагаецца за свае грамадзянскія правы і свабоды, абараняючы сваё волевыяўленьне, сацыяльную справядлівасьць і ўласную годнасьць. 
Каталіцкія ярархі Беларусі 13 жніўня 2020 году выступілі са зваротам, у якім асудзілі насільле ў краіне пасьля выбараў і заклікалі «спыніць непатрэбную агрэсію і распачаць дыялог». Гэты зварот неабходна прачытаць вернікам ва ўсіх храмах, пачынаючы з гэтага дня, а таксама абавязкова на ўсіх Імшах у нядзелю 16 жніўня — паведамляекаталіцкі партал Catholic.by. 
Галоўная 
Царква і грамадзтва
Рыма-Каталіцкі Касьцёл у Беларусі адназначна асуджае згаданую публікацыю ў газеце «Мінская праўда» і расцэньвае яе як распальваньне варожасьці ў беларускім грамадзтве да Рыма-Каталіцкага Касьцёлу ў Беларусі, асабліва да яго ярархаў і прэзьбітэраў. Дадзеная публікацыя наносіць вялікую абразу рэлігійным пачуцьцям вернікаў Каталіцкага Касьцёлу. Карыкатура, на якой крыж ператвараецца ў свастыку, а таксама свастыка, зьмешчаная замест крыжа, абражае ня толькі сьвятароў, але ў першую чаргу зьневажае Крыж Хрыста Збаўцы, Які на ім аддаў жыцьцё за збаўленьне людзей. На думку каталіцкіх біскупаў Беларусі, гэтая публікацыя нясе маральную шкоду ўсім хрысьціянам розных канфесіяў. Публікацыя таксама ўскосна абвінавачвае ўсё каталіцкае духавенства ў меркаванай прыхільнасьці да фашызму і нацызму, што зьяўляецца сьвядомым і зламысным скажэньнем праўды, паклёпам і абразай.
Гл. таксама:
Беларускія ўлады адрэагавалі на публікацыю ў газеце «Мінская праўда»
Міністар замежных справаў Беларусі сустрэўся з Апостальскім нунцыем
У Хатыні католікі і праваслаўныя разам асьвяцілі памятны крыж
Незвычайны музычны альбом Папы Францішка
Сірыйска-малабарскі ярарх: трактуеце нас несправядліва
Царква і грамадзтва
08.09.2021
Каталіцкая Царква ў Беларусі асуджае публікацыю ў «Мінскай праўдзе» і расцэньвае яе як распальваньне варожасьці
З нагоды публікацыі 7 верасьня 2021 году ў дзяржаўнай газеце «Мінская праўда» (№ 68) зьняважлівага артыкула з карыкатурай на каталіцкіх сьвятароў з ужываньнем свастыкі па даручэньні Старшыні Канферэнцыі каталіцкіх біскупаў у Беларусі біскупа Віцебскага Алега Буткевіча пазіцыю беларускага каталіцкага епіскапату выказаў старшыня Камісіі па справах каталіцкай адукацыі і катэхезы пры ККББ біскуп Аляксандар Яшэўскі, SDB.
У гэтай заяве ад імя Канферэнцыі каталіцкіх біскупаў у Беларусі гаворыцца: «У сёньняшнім нумары газеты “Мінская праўда” (№ 68 ад 7 верасьня 2021 году), заснавальнікам якой зьяўляецца Менскі абласны выканаўчы камітэт, на першай старонцы апублікавана карыкатура Антона Астроўскага. На малюнку — выява каталіцкіх сьвятароў у характэрным адзеньні, свастыкі, бел-чырвона-белага сьцяга, дапоўненая словамі беларускага хрысьціянскага гімна “Магутны Божа” на фоне скажонай рэплікі абраза Росіцкіх мучанікаў — сьвятароў, якія падчас Другой сусьветнай вайны разам з сваімі вернікамі мужна прынялі сьмерць ад рук нацысцкіх карнікаў. Малюнак падпісаны на расейскай мове: “Мутация веры. Кресты бывают разные...”
Рыма-Каталіцкі Касьцёл у Беларусі адназначна асуджае згаданую публікацыю ў газеце «Мінская праўда» і расцэньвае яе як распальваньне варожасьці ў беларускім грамадзтве да Рыма-Каталіцкага Касьцёлу ў Беларусі, асабліва да яго ярархаў і прэзьбітэраў. Дадзеная публікацыя наносіць вялікую абразу рэлігійным пачуцьцям вернікаў Каталіцкага Касьцёлу. Карыкатура, на якой крыж ператвараецца ў свастыку, а таксама свастыка, зьмешчаная замест крыжа, абражае ня толькі сьвятароў, але ў першую чаргу зьневажае Крыж Хрыста Збаўцы, Які на ім аддаў жыцьцё за збаўленьне людзей. На думку каталіцкіх біскупаў Беларусі, гэтая публікацыя нясе маральную шкоду ўсім хрысьціянам розных канфесіяў. Публікацыя таксама ўскосна абвінавачвае ўсё каталіцкае духавенства ў меркаванай прыхільнасьці да фашызму і нацызму, што зьяўляецца сьвядомым і зламысным скажэньнем праўды, паклёпам і абразай.Біскупы Рыма-Каталіцкага Касьцёлу ў Беларусі спадзяюцца, што адпаведныя органы дзяржаўнай улады дадуць належную прававую ацэнку дадзенай карыкатуры і публікацыі ў газеце “Мінская праўда”, зьмешчанай у № 68 ад 7 верасьня 2021 году, незадоўга да сьвяткаваньня Дня народнага адзінства».
Гл. таксама:
Беларускія ўлады адрэагавалі на публікацыю ў газеце «Мінская праўда»
Міністар замежных справаў Беларусі сустрэўся з Апостальскім нунцыем
У Хатыні католікі і праваслаўныя разам асьвяцілі памятны крыж
Незвычайны музычны альбом Папы Францішка
Сірыйска-малабарскі ярарх: трактуеце нас несправядліва
Гэты артыкул чыталі 31 разоў (-ы)
