У Берасьцейскай абласной бібліятэцы 21 верасьня 2021 году адбылося адкрыцьцё адукацыйна-асьветніцкага выставачнага праекту «Біблія на Берасьцейшчыне». Падчас адкрыцьця выставы, на якой прысутнічалі прадстаўнікі розных канфесіяў, вядомыя навукоўцы і краязнаўцы, выступіў парах грэка-каталіцкай парафіі ў Берасьці а. Ігар Кандрацьеў, які прывітаў прысутных і зачытаў ліст да арганізатараў і ўдзельнікаў выставы ад Апостальскага візітатара для грэка-католікаў Беларусі архім. Сяргея Гаека. 
Апарат Упаўнаважанага па справах рэлігіяў і нацыянальнасьцяў адрэагаваў на публікацыю ў газеце «Мінская праўда», дзе зьмяшчалася карыкатурная выява каталіцкіх сьвятароў і параўнаньне іх з нацыстамі. 
9 верасьня 2021 году Апостальскі Нунцый у Беларусі архібіскуп Антэ Ёзіч па запрашэньні беларускіх уладаў наведаў Мiнiстэрства замежных справаў Рэспублікі Беларусь, дзе адбылася размова з міністрам Уладзімерам Макеем. 
З нагоды публікацыі 7 верасьня 2021 году ў дзяржаўнай газеце «Мінская праўда» (№ 68) зьняважлівага артыкула з карыкатурай на каталіцкіх сьвятароў з ужываньнем свастыкі па даручэньні Старшыні Канферэнцыі каталіцкіх біскупаў у Беларусі біскупа Віцебскага Алега Буткевіча пазіцыю беларускага каталіцкага епіскапату выказаў старшыня Камісіі па справах каталіцкай адукацыі і катэхезы пры ККББ біскуп Аляксандар Яшэўскі, SDB. 
Каталіцкія біскупы Беларусі 25 лістапада 2020 году зьвярнуліся да католікаў і ўсіх людзей добрай волі ў сувязі з паглыбленьнем грамадзка-палітычнага крызісу ў краіне, паведамляе Catholic.by. Падаем тэкст гэтага звароту. 
16 жніўня 2020 году падчас сваёй традыцыйнай нядзельнай сустрэчы з вернікамі на малітве «Анёл Гасподні» Папа Францішак скіраваў адмысловы зварот, зьвязаны з сітуацыяй у Беларусі. 
Першаярарх Украінскай Грэка-Каталіцкай Царквы, Вярхоўны архібіскуп Кіеўска-Галіцкі Сьвятаслаў (Шаўчук) выказаў словы брацкай салідарнасьці і малітоўнай блізкасьці біскупам, духавенству і манахам Рыма-Каталіцкай і Грэка-Каталіцкай Цэркваў у Беларусі, а таксама ўсім братам і сёстрам у Хрысьце ды ўсяму беларускаму народу, які змагаецца за свае грамадзянскія правы і свабоды, абараняючы сваё волевыяўленьне, сацыяльную справядлівасьць і ўласную годнасьць. 
Каталіцкія ярархі Беларусі 13 жніўня 2020 году выступілі са зваротам, у якім асудзілі насільле ў краіне пасьля выбараў і заклікалі «спыніць непатрэбную агрэсію і распачаць дыялог». Гэты зварот неабходна прачытаць вернікам ва ўсіх храмах, пачынаючы з гэтага дня, а таксама абавязкова на ўсіх Імшах у нядзелю 16 жніўня — паведамляекаталіцкі партал Catholic.by. 
11 жніўня 2020 году Старшыня Канферэнцыі Каталіцкіх Біскупаў у Беларусі Мітрапаліт Менска-Магілёўскі архібіскуп Тадэвуш Кандрусевіч выступіў з сьпецыяльным зваротам у сувязі з складанай грамадзка-палітычнай сітуацыяй у Беларусі пасьля прэзідэнцкіх выбараў 9 жніўня. 
Беларускі грэка-каталіцкі сьвятар Сяргей Стасевіч, які служыць у Лондане і зьяўляецца душпастырам беларусаў у Вялікай Брытаніі, адказаў на пытаньні журналісткі «Нашай Нівы» Вольгі Сяховіч. Прапануем гэтую размову і нашым чытачам. 
Галоўная 
Царква і грамадзтва
Гл. таксама:
Міністар замежных справаў Беларусі сустрэўся з Апостальскім нунцыем
Мітрапаліт Кандрусевіч: у Беларусі насьпела рэформа дзяржаўна-рэлігійных адносінаў
Незвычайны музычны альбом Папы Францішка
У Каталіцкай Царкве расьце колькасьць сьвятароў і сталых дыяканаў
Кампанія Ватыкану за мір і твіт Папы з нагоды завяршэньня Чэмпіянату сьвету па футболе
Царква і грамадзтва
14.09.2021
Беларускія ўлады адрэагавалі на публікацыю ў газеце «Мінская праўда»
Апарат Упаўнаважанага па справах рэлігіяў і нацыянальнасьцяў адрэагаваў на публікацыю ў газеце «Мінская праўда», дзе зьмяшчалася карыкатурная выява каталіцкіх сьвятароў і параўнаньне іх з нацыстамі.
Як паведамляе Курыя Віцебскай дыяцэзіі на сайце catholicnews.by, у лісьце ад 9 верасьня 2021 году на імя біскупа Алега Буткевіча, Старшыні Канферэнцыі каталіцкіх біскупаў у Беларусі, Упаўнаважаны па справах рэлігіяў і нацыянальнасьцяў Аляксандар Румак інфармуе, што гэтая публікацыя не адлюстроўвае афіцыйную пазіцыю дзяржавы ў адносінах да Рыма-Каталіцкай Царквы ў Беларусі. 
Чыноўнік адзначае, што матэрыялы, апублікаваныя ў газеце «Мінская праўда» ад 7 верасьня 2021 году №68, не спрыяюць падтрыманьню міжканфесійнага міру і згоды ў краіне, а атаясамленьне аўтарам артыкула асабістай ацэнкі дзейнасьці асобных каталіцкіх сьвятароў з усёй Рыма-Каталіцкай Царквой у Беларусі зьяўляецца непрымальным.
Чыноўнік адзначае, што матэрыялы, апублікаваныя ў газеце «Мінская праўда» ад 7 верасьня 2021 году №68, не спрыяюць падтрыманьню міжканфесійнага міру і згоды ў краіне, а атаясамленьне аўтарам артыкула асабістай ацэнкі дзейнасьці асобных каталіцкіх сьвятароў з усёй Рыма-Каталіцкай Царквой у Беларусі зьяўляецца непрымальным.Упаўнаважаны па справах рэлігіяў і нацыянальнасьцяў паведаміў у сваім лісьце таксама, што Міністэрства інфармацыі пісьмова апавясьціла Менскае абласное ўнітарнае прадпрыемства «Інфармацыйнае агенцтва “Мінская праўда”» пра недапушчальнасьць падобнага роду публікацыяў.
Нагадаем, што вернікі і сьвятары Каталіцкай Царквы ў Беларусі былі моцна абураныя зьневажальнай публікацыяй і карыкатурай, зьмешчанай у газеце “Мінская праўда” ад 7 верасня 2021 году, у якой каталіцкіх сьвятароў, што выступаюць супраць гвалту і за нацыянальныя сымбалі, параўналі з нацыстамі, што знайшло сваё адлюстраваньне ў афіцыйным паведамленьні каталіцкіх біскупаў Беларусі. У паведамленьні адназначна асуджалася згаданая публікацыя і расцэньвалася як распальваньне варожасьці ў беларускім грамадзтве. Біскупы таксама выказалі спадзяваньне, што адпаведныя органы дзяржаўнай улады дадуць належную прававую ацэнку дадзенай карыкатуры і публікацыі ў газеце «Мінская праўда».
Тэгі: Аляксандар Румак, Упаўнаважаны па справах рэлігіяў і нацыянальнасьцяў, Мінская праўда, Каталіцкая Царква, католікі, дзяржава, згода
Гл. таксама:
Міністар замежных справаў Беларусі сустрэўся з Апостальскім нунцыем
Мітрапаліт Кандрусевіч: у Беларусі насьпела рэформа дзяржаўна-рэлігійных адносінаў
Незвычайны музычны альбом Папы Францішка
У Каталіцкай Царкве расьце колькасьць сьвятароў і сталых дыяканаў
Кампанія Ватыкану за мір і твіт Папы з нагоды завяршэньня Чэмпіянату сьвету па футболе
Гэты артыкул чыталі 23 разоў (-ы)
