Мара пра паўсюднае братэрства можа здавацца недасяжнай утопіяй, але яе спаўненьне магчыма ў сьвеце, бо яна зьяўляецца таксама марай Бога, — нагадаў Папа Францішак эксьпертам у сацыяльнай навуцы Царквы. 
У Берасьцейскай абласной бібліятэцы 21 верасьня 2021 году адбылося адкрыцьцё адукацыйна-асьветніцкага выставачнага праекту «Біблія на Берасьцейшчыне». Падчас адкрыцьця выставы, на якой прысутнічалі прадстаўнікі розных канфесіяў, вядомыя навукоўцы і краязнаўцы, выступіў парах грэка-каталіцкай парафіі ў Берасьці а. Ігар Кандрацьеў, які прывітаў прысутных і зачытаў ліст да арганізатараў і ўдзельнікаў выставы ад Апостальскага візітатара для грэка-католікаў Беларусі архім. Сяргея Гаека. 
Апарат Упаўнаважанага па справах рэлігіяў і нацыянальнасьцяў адрэагаваў на публікацыю ў газеце «Мінская праўда», дзе зьмяшчалася карыкатурная выява каталіцкіх сьвятароў і параўнаньне іх з нацыстамі. 
9 верасьня 2021 году Апостальскі Нунцый у Беларусі архібіскуп Антэ Ёзіч па запрашэньні беларускіх уладаў наведаў Мiнiстэрства замежных справаў Рэспублікі Беларусь, дзе адбылася размова з міністрам Уладзімерам Макеем. 
З нагоды публікацыі 7 верасьня 2021 году ў дзяржаўнай газеце «Мінская праўда» (№ 68) зьняважлівага артыкула з карыкатурай на каталіцкіх сьвятароў з ужываньнем свастыкі па даручэньні Старшыні Канферэнцыі каталіцкіх біскупаў у Беларусі біскупа Віцебскага Алега Буткевіча пазіцыю беларускага каталіцкага епіскапату выказаў старшыня Камісіі па справах каталіцкай адукацыі і катэхезы пры ККББ біскуп Аляксандар Яшэўскі, SDB. 
Каталіцкія біскупы Беларусі 25 лістапада 2020 году зьвярнуліся да католікаў і ўсіх людзей добрай волі ў сувязі з паглыбленьнем грамадзка-палітычнага крызісу ў краіне, паведамляе Catholic.by. Падаем тэкст гэтага звароту. 
16 жніўня 2020 году падчас сваёй традыцыйнай нядзельнай сустрэчы з вернікамі на малітве «Анёл Гасподні» Папа Францішак скіраваў адмысловы зварот, зьвязаны з сітуацыяй у Беларусі. 
Першаярарх Украінскай Грэка-Каталіцкай Царквы, Вярхоўны архібіскуп Кіеўска-Галіцкі Сьвятаслаў (Шаўчук) выказаў словы брацкай салідарнасьці і малітоўнай блізкасьці біскупам, духавенству і манахам Рыма-Каталіцкай і Грэка-Каталіцкай Цэркваў у Беларусі, а таксама ўсім братам і сёстрам у Хрысьце ды ўсяму беларускаму народу, які змагаецца за свае грамадзянскія правы і свабоды, абараняючы сваё волевыяўленьне, сацыяльную справядлівасьць і ўласную годнасьць. 
Каталіцкія ярархі Беларусі 13 жніўня 2020 году выступілі са зваротам, у якім асудзілі насільле ў краіне пасьля выбараў і заклікалі «спыніць непатрэбную агрэсію і распачаць дыялог». Гэты зварот неабходна прачытаць вернікам ва ўсіх храмах, пачынаючы з гэтага дня, а таксама абавязкова на ўсіх Імшах у нядзелю 16 жніўня — паведамляекаталіцкі партал Catholic.by. 
11 жніўня 2020 году Старшыня Канферэнцыі Каталіцкіх Біскупаў у Беларусі Мітрапаліт Менска-Магілёўскі архібіскуп Тадэвуш Кандрусевіч выступіў з сьпецыяльным зваротам у сувязі з складанай грамадзка-палітычнай сітуацыяй у Беларусі пасьля прэзідэнцкіх выбараў 9 жніўня. 
Галоўная 
Царква і грамадзтва
«Паважаныя арганізатары і ўдзельнікі духоўна-культурнай праграмы “Біблія на Берасьцейшчыне”! Дазвольце мне, як Апостальскаму візітатару Беларускай Грэка-Каталіцкай Царквы, вам — арганізатарам і ўдзельнікам духоўна-культурнай праграмы “Біблія на Берасьцейшчыне” — перадаць шчырыя прывітаньні ды выразы духовай сулучнасьці і братэрскай салідарнасьці.
Шчыра дзякуем Госпаду, што выкаванае тады — у 70-ыя і 80-ыя гады мінулага стагоддзя — міжканфесійнае братэрства можам сёньня разьвіваць ды паглыбляць: мужна ісьці разам да жыхароў горада Берасьця і Берасьцейшчыны з Словам Божым, якое ў жыцьці чалавека нараджае ды кшталтуе веру, надзею і любоў.
Гл. таксама:
Апостальскі Візітатар БГКЦ заклікаў хрысьціянаў Берасьця ўмацоўваць братэрскае супрацоўніцтва ў абвяшчэньні Евангельля
Царква — гэта найперш супольнасьць вернікаў
На Вялікдзень з грэка-католікамі Берасьця маліліся прадстаўнікі Генконсульства Ўкраіны
Зьверхнік УГКЦ падзякаваў католікам Беларусі за малітоўную салідарнасьць і падтрымку
Сьвята Еднасьці пад апекай Маці Божай Берасьцейскай
Царква і грамадзтва
25.09.2021
Апостальскі візітатар БГКЦ накіраваў ліст з нагоды адкрыцьця выставы «Біблія на Берасьцейшчыне»
У Берасьцейскай абласной бібліятэцы 21 верасьня 2021 году адбылося адкрыцьцё адукацыйна-асьветніцкага выставачнага праекту «Біблія на Берасьцейшчыне». Падчас адкрыцьця выставы, на якой прысутнічалі прадстаўнікі розных канфесіяў, вядомыя навукоўцы і краязнаўцы, выступіў парах грэка-каталіцкай парафіі ў Берасьці а. Ігар Кандрацьеў, які прывітаў прысутных і зачытаў ліст да арганізатараў і ўдзельнікаў выставы ад Апостальскага візітатара для грэка-католікаў Беларусі архім. Сяргея Гаека.
«Паважаныя арганізатары і ўдзельнікі духоўна-культурнай праграмы “Біблія на Берасьцейшчыне”! Дазвольце мне, як Апостальскаму візітатару Беларускай Грэка-Каталіцкай Царквы, вам — арганізатарам і ўдзельнікам духоўна-культурнай праграмы “Біблія на Берасьцейшчыне” — перадаць шчырыя прывітаньні ды выразы духовай сулучнасьці і братэрскай салідарнасьці.Старажытны горад Берасьце і Берасьцейшчына — гэта вельмі асаблівы рэгіён, у якім на працягу стагоддзяў прадстаўнікі розных традыцыяў, розных хрысьціянскіх канфесіяў жылі побач. Іхняя духовая і культурная спадчына мела свае карані ў Бібліі.
Пасьля духовага подзьвігу Францішка Скарыны з Полацка — выданьня Бібліі ў 1517 годзе – важнай падзеяй стала выданьне Радзівілаўскай Бібліі ў Берасьці, па якой прыйшлі чарговыя высілкі перакладчыкаў, фундатараў і выдаўцаў Бібліі на зразумелай для народу мове.
У ХХ стагоддзі каштоўным подзьвігам на гэтым шляху быў пераклад Новага Запавету і Псальмаў, зьдзейсьнены мужным пастарам Лукашам Дзекуць-Малеем.
У сумныя часы савецкага перасьледу рэлігіі ў ХХ стагоддзі хрысьціяне г. Берасьця і Берасьцейшчыны мужна змагаліся, каб асобнікі Бібліі — падарунак хрысьціянаў з заходніх краінаў Еўропы — маглі дайсьці да вернікаў у Беларусі. Важным асяродкам братэрскага супрацоўніцтва ў гэтай “сьвятой справе” была неаўнійная (грэка-каталіцкая) парафія ў Кастамлотах над Бугам каля Цярэспаля.
Шчыра дзякуем Госпаду, што выкаванае тады — у 70-ыя і 80-ыя гады мінулага стагоддзя — міжканфесійнае братэрства можам сёньня разьвіваць ды паглыбляць: мужна ісьці разам да жыхароў горада Берасьця і Берасьцейшчыны з Словам Божым, якое ў жыцьці чалавека нараджае ды кшталтуе веру, надзею і любоў.Няхай на гэтым шляху шчодра блаславіць нас Госпад і Збаўца наш Ісус Хрыстос. Ягонае блаславеньне няхай суправаджае ўсіх нас у плённым служэньні і працы для дабра ўсіх жыхароў шматкафесійнага горада Берасьця і Берасьцейшчыны!
З пашанай у Госпадзе ды малітвай», — напісаў у сваім лісьце Апостальскі візітатар для грэка-католікаў Беларусі Архімандрыт Сяргей (Гаек).
Выстава «Біблія на Берасьцейшчыне» наглядна адлюстроўвае гісторыю Бібліі ад раньніх рукапісаў да сучасных выданьняў у кантэксьце агульнай і рэгіянальнай гісторыі. Мэта гэтага культурна-асьветніцкага праекту — знаёмства грамадзкасьці з багатай кніжнай спадчынай, якая прадстаўлена рэдкімі і каштоўнымі біблійнымі выданьнямі. Выстава будзе працаваць на працягу месяца — да 24 кастрычніка.
Гл. таксама:
Апостальскі Візітатар БГКЦ заклікаў хрысьціянаў Берасьця ўмацоўваць братэрскае супрацоўніцтва ў абвяшчэньні Евангельля
Царква — гэта найперш супольнасьць вернікаў
На Вялікдзень з грэка-католікамі Берасьця маліліся прадстаўнікі Генконсульства Ўкраіны
Зьверхнік УГКЦ падзякаваў католікам Беларусі за малітоўную салідарнасьць і падтрымку
Сьвята Еднасьці пад апекай Маці Божай Берасьцейскай
Гэты артыкул чыталі 46 разоў (-ы)
