Падчас нядзельнай малітвы Анёл Гасподні, якая 6 сакавіка 2022 году прайшла ў Ватыкане, Сьвяты Айцец Францішак скіраваў заклік у сувязі з драматычнай сітуацыяй ва Ўкраіне — паведамляе Vatican News. 
Мара пра паўсюднае братэрства можа здавацца недасяжнай утопіяй, але яе спаўненьне магчыма ў сьвеце, бо яна зьяўляецца таксама марай Бога, — нагадаў Папа Францішак эксьпертам у сацыяльнай навуцы Царквы. 
У Берасьцейскай абласной бібліятэцы 21 верасьня 2021 году адбылося адкрыцьцё адукацыйна-асьветніцкага выставачнага праекту «Біблія на Берасьцейшчыне». Падчас адкрыцьця выставы, на якой прысутнічалі прадстаўнікі розных канфесіяў, вядомыя навукоўцы і краязнаўцы, выступіў парах грэка-каталіцкай парафіі ў Берасьці а. Ігар Кандрацьеў, які прывітаў прысутных і зачытаў ліст да арганізатараў і ўдзельнікаў выставы ад Апостальскага візітатара для грэка-католікаў Беларусі архім. Сяргея Гаека. 
Апарат Упаўнаважанага па справах рэлігіяў і нацыянальнасьцяў адрэагаваў на публікацыю ў газеце «Мінская праўда», дзе зьмяшчалася карыкатурная выява каталіцкіх сьвятароў і параўнаньне іх з нацыстамі. 
9 верасьня 2021 году Апостальскі Нунцый у Беларусі архібіскуп Антэ Ёзіч па запрашэньні беларускіх уладаў наведаў Мiнiстэрства замежных справаў Рэспублікі Беларусь, дзе адбылася размова з міністрам Уладзімерам Макеем. 
З нагоды публікацыі 7 верасьня 2021 году ў дзяржаўнай газеце «Мінская праўда» (№ 68) зьняважлівага артыкула з карыкатурай на каталіцкіх сьвятароў з ужываньнем свастыкі па даручэньні Старшыні Канферэнцыі каталіцкіх біскупаў у Беларусі біскупа Віцебскага Алега Буткевіча пазіцыю беларускага каталіцкага епіскапату выказаў старшыня Камісіі па справах каталіцкай адукацыі і катэхезы пры ККББ біскуп Аляксандар Яшэўскі, SDB. 
Каталіцкія біскупы Беларусі 25 лістапада 2020 году зьвярнуліся да католікаў і ўсіх людзей добрай волі ў сувязі з паглыбленьнем грамадзка-палітычнага крызісу ў краіне, паведамляе Catholic.by. Падаем тэкст гэтага звароту. 
16 жніўня 2020 году падчас сваёй традыцыйнай нядзельнай сустрэчы з вернікамі на малітве «Анёл Гасподні» Папа Францішак скіраваў адмысловы зварот, зьвязаны з сітуацыяй у Беларусі. 
Першаярарх Украінскай Грэка-Каталіцкай Царквы, Вярхоўны архібіскуп Кіеўска-Галіцкі Сьвятаслаў (Шаўчук) выказаў словы брацкай салідарнасьці і малітоўнай блізкасьці біскупам, духавенству і манахам Рыма-Каталіцкай і Грэка-Каталіцкай Цэркваў у Беларусі, а таксама ўсім братам і сёстрам у Хрысьце ды ўсяму беларускаму народу, які змагаецца за свае грамадзянскія правы і свабоды, абараняючы сваё волевыяўленьне, сацыяльную справядлівасьць і ўласную годнасьць. 
Каталіцкія ярархі Беларусі 13 жніўня 2020 году выступілі са зваротам, у якім асудзілі насільле ў краіне пасьля выбараў і заклікалі «спыніць непатрэбную агрэсію і распачаць дыялог». Гэты зварот неабходна прачытаць вернікам ва ўсіх храмах, пачынаючы з гэтага дня, а таксама абавязкова на ўсіх Імшах у нядзелю 16 жніўня — паведамляекаталіцкі партал Catholic.by. 
Галоўная 
Царква і грамадзтва
“Дарагія браты і сёстры, ва Ўкраіне цякуць рэкі крыві і сьлёзаў. Гэта ня проста ваенная аперацыя, а вайна, якая сее сьмерць, разбурэньне і беднасьць. Ахвяраў становіцца ўсё больш, як і людзей, якія ўцякаюць, асабліва маці і дзяцей. У гэтай шматпакутнай краіне кожную гадзіну драматычным чынам узрастае патрэба ў гуманітарнай дапамозе.
Гл. таксама:
У юбілей 100-годдзя Кангрэгацыі Ўсходніх Цэркваў Папа заклікаў усходніх католікаў да цярплівай і адважнай малітвы
Папа адправіўся з візітам у першую хрысьціянскую краіну
У 70-ыя ўгодкі Львоўскага псеўдасабору ярархі УГКЦ сустрэліся з Папам
Дар розуму дапамагае зазірнуць у глыбіню Божых думак
Папа заклікае да згоды і міру ва Ўкраіне
Царква і грамадзтва
07.03.2022
Папа Рымскі: ва Ўкраіне цякуць рэкі крыві і сьлёзаў
Падчас нядзельнай малітвы Анёл Гасподні, якая 6 сакавіка 2022 году прайшла ў Ватыкане, Сьвяты Айцец Францішак скіраваў заклік у сувязі з драматычнай сітуацыяй ва Ўкраіне — паведамляе Vatican News.
“Дарагія браты і сёстры, ва Ўкраіне цякуць рэкі крыві і сьлёзаў. Гэта ня проста ваенная аперацыя, а вайна, якая сее сьмерць, разбурэньне і беднасьць. Ахвяраў становіцца ўсё больш, як і людзей, якія ўцякаюць, асабліва маці і дзяцей. У гэтай шматпакутнай краіне кожную гадзіну драматычным чынам узрастае патрэба ў гуманітарнай дапамозе.Скіроўваю мой настойлівы заклік, каб былі па-сапраўднаму забясьпечаныя гуманітарныя калідоры і быў гарантаваны і спрошчаны доступ да дапамогі на абложаных тэрыторыях, каб аказваць жыцьцёва неабходную дапамогу нашым братам і сёстрам, прыгнечаным бомбамі і страхам.
Дзякую ўсім, хто прымае бежанцаў. Перш за ўсё я прашу, каб спыніўся ўзброены наступ і ўзялі верх перамовы і здаровы розум. А таксама, каб зноў паважалася міжнароднае права!
Я хацеў бы падзякаваць таксама журналістам і журналісткам, якія рызыкуюць жыцьцём дзеля таго, каб забясьпечваць інфармацыяй: дзякуй, браты і сёстры, за гэтае вашае служэньне! Гэта служэньне, якое дазваляе нам быць блізкімі да трагедыі гэтага народу і дазваляе ацаніць бесчалавечнасьць вайны. Дзякую, браты і сёстры! Памолімся разам за Ўкраіну...”, — сказаў Папа, заклікаючы прысутных разам маліцца да Багародзіцы, Уладаркі Ўкраіны.
Францішак падкрэсьліў, што Сьвяты Пасад гатовы зрабіць усё магчымае, каб служыць міру, а таксама паведаміў, што ў гэтыя дні ва Ўкраіну адправіліся два кардыналы, каб служыць і дапамагаць украінскаму народу: кардынал Конрад Краеўскі, Апостальскі элемазінарый, які даставіць дапамогу людзям у бядзе, і кардынал Майкл Чэрны, прэфект Дыкастэрыі па служэньні інтэгральнаму разьвіцьцю чалавека. “Прысутнасьць там гэтых двух кардыналаў — гэта прысутнасьць ня толькі Папы, але ўсяго хрысьціянскага народу, які хоча быць блізкім і сказаць: “Вайна — гэта шаленства! Просім, спыніцеся! Паглядзіце на гэтую жорсткасьць!”, — сказаў Папа.
Гл. таксама:
У юбілей 100-годдзя Кангрэгацыі Ўсходніх Цэркваў Папа заклікаў усходніх католікаў да цярплівай і адважнай малітвы
Папа адправіўся з візітам у першую хрысьціянскую краіну
У 70-ыя ўгодкі Львоўскага псеўдасабору ярархі УГКЦ сустрэліся з Папам
Дар розуму дапамагае зазірнуць у глыбіню Божых думак
Папа заклікае да згоды і міру ва Ўкраіне
Гэты артыкул чыталі 33 разоў (-ы)
