Царква
Пры памнажэньні бязбожных множыцца беззаконьне; а праведнікі ўбачаць падзеньне іхняе
(Кніга Выслоўяў Саламонавых 29:16)
"Царква", № 2 (29), 2001
Галоўная Відэа
Першаярарх УГКЦ: адкладзіце зброю!
“Кіньце зброю! Кожны, хто трымае сёньня ў руках зброю, становіцца на небясьпечны шлях, бо той, хто наўмысна яе ўжывае, сьвядома выбірае шлях забойцы. Таму найгоршае, што вы можаце сёньня рабіць, — гэта браць зброю ў рукі”. З такімі словамі зьвярнуўся Першаярарх УГКЦ Яго Блаславенства Сьвятаслаў (Шаўчук) падчас эфіру на тэлеканале “1+1”.

Зьверхнік Украінскай Грэка-Каталіцкай Царквы адзначыў, што Царква ніколі не падтрымлівае нейкай адной партыі, аднак яна заўсёды з народам. Калі ж гаворка ідзе пра еўраінтэграцыйныя памкненьні ўкраінскага народу, якія вывелі людзей на Майдан, то гэта падтрымалі ўсе Цэрквы.

“Узгадваю, як у верасьні мінулага году Усеўкраінскай Рады Цэркваў і рэлігійных арганізацыяў выдала асобны Зварот да ўкраінскага народу з нагоды еўрапейскіх каштоўнасьцяў, а пазьней усе прадстаўнікі розных Цэркваў сустрэліся з высокапастаўленымі чыноўнікамі ЕС. Мы - тыя, якія прадстаўляем 75 адсоткаў ўкраінскага народу, паведамілі іх пра еўраінтэграцыйныя памкненьні нашага народу”, - сказаў Яго Блаславенства Сьвятаслаў.

Ён таксама паведаміў, што 19 лютага 2014 году адбылося экстраннае паседжаньне Усеўкраінскай Рады Цэркваў і рэлігійных арганізацыяў. Падчас гэтага паседжаньня зьверхнікі ўкраінскіх Цэркваў абмеркавалі далейшыя крокі і накіравалі цэлы шэраг лістоў да прадстаўнікоў улады, у прыватнасьці да Прэзідэнта Ўкраіны і дэпутатам Вярхоўнай Рады Украіны. “Мы аднадушна асуджаем забойствы і кровапраліцьце”, — адзначыў Зьверхнік УГКЦ. Аднак, на жаль, мы ня маем цяпер прамой сувязі і кантактаў з дзеючай уладай, заўважыў ён.
Сістэма Orphus
Гэтае відэа глядзелі 79 разоў (-ы)