Каля пяцідзесяці біскупаў і сьвятароў сабраліся ў Львове на штогадовай сустрэчы ўсходніх каталіцкіх ярархаў Еўропы. Сёлета яна прысьвечана 25-годдзю выхаду Ўкраінскай Грэка-Каталіцкай Царквы з падпольля.

Сярод удзельнікаў сустрэчы, якая распачалася 24 кастрычніка 2014 году, прадстаўнікі дваццаці краінаў. Беларускую Грэка-Каталіцкую Царкву на ёй ярархаў прадстаўляе Апостальскі Візітатар БГКЦ Архімандрыт Сяргей (Гаек).

Упершыню такая сустрэча ўсходніх каталіцкіх ярархаў Еўропы адбылася ў 1997 годзе ў Венгрыі. Пасьля невялікага перапынку, з 2004 году ярархі Ўсходніх Каталіцкіх Цэркваў сустракаюцца штогод у розных краінах.

Тэмай сёньняшняй сустрэчы зьяўляецца «Місія і роля Ўсходніх Каталіцкіх Цэркваў у экуменічным дыялогу».