Фільм Сяргея Раюнца «Каб несьці сьвятло Хрыстова людзям у сьвеце» (2017 г.) пра манаскі Чын сьв. Васіля Вялікага (ЧСВВ), які сёлета адзначае 400-ыя ўгодкі свайго заснаваньня.
Ордэн манахаў-базыльянаў быў заснаваны ўніяцкім мітрапалітам Язэпам Руцкім у 1617 годзе на капітуле прадстаўнікоў пяці уніяцкіх манастыроў у Наваградку. Базыльянскі ордэн стаўся стрыжнем Грэка-Каталіцкай (Уніяцкай) Царквы ў Беларусі.
Базыльяне займаліся адукацыяй, друкарскай справай, хрысьціянскай асьветай насельніцтва, стваралі музычныя і мастацкія творы, будавалі велічныя храмы. Але былі зьнішчаныя ў нашым краі. Справа еднасьці, аб якой маліўся Хрыстос, падверглася тут зьнішчэньню. Многія манахі-базыльяне пацярпелі за сваю вернасьць справе еднасьці Царквы.
Закон манахаў-базыльянаў, які паўстаў менавіта на беларускіх землях, дагэтуль непрысутны на нашай Бацькаўшчыне, хоць жыве і сёньня актыўна разьвіваецца ў многіх краінах сьвету на розных кантынентах.
Гл. таксама:Праваслаўныя беларусы — народ без сваёй Царквы Мітрапаліт Язэп Вельямін-Руцкі. Годны сын беларускай зямлі «Быць сьведкамі Евангельля любові для кожнага чалавека» Чаму мітрапаліт Павел абрынуўся на царкоўную унію? Хруцкія: уніяцкі сьвятарскі род полацкай япархіі