Царква
Не выдумляй ілжы на брата твайго, і не рабі таго ж супраць аднаго. Не жадай казаць якую б то ні было хлусню, бо паўтор яе не паслужыць на добрае
(Кніга Прамудрасці Ісуса, сына Сірахова 7:12-13)
Галоўная Відэа
Ісідар Кіеўскі і Флярэнцкая унія
Постаці мітрапаліта Кіеўскага і ўсяе Русі Ісідара, які на працягу ўсяго свайго жыцьця быў адданым прыхільнікам паяднаньня Ўсходняй і Заходняй Цэркваў, а таксама стаў прадстаўніком Русі на Фэрара-Флярэнцкім саборы (1438—1445), была прысьвечана публічная лекцыя вядомых расейскіх дасьледчыкаў Сяргея Бр’юна, Аляксея Кара-Мурзы і Максіма Кліменкі. Лекцыя адбылася 19 сакавіка 2018 году ў Ахматаўскім доме ў Маскве.

У расейскай і праваслаўнай гістарыяграфіі імя мітрапаліта Ісідара набыло ўстойлівае адмоўнае адценьне. Яно асацыюецца са «здрадай» праваслаўя і адрынутай рускім народам уніяй. Аднак пры больш пільным разглядзе Мітрапаліт Кіеўскі Ісідар, які пасьля стаў кардыналам Рымскай Царквы, паўстае як адзін з самых яркіх візантыйскіх багасловаў і інтэлектуалаў свайго часу, як абаронца праваслаўных на землях Рэчы Паспалітай і Міжземнамор’я, як прыхільнік еднасьці хрысьціянаў. Мітрапаліт Ісідар быў непрыязна сустрэты ў Маскве вялікім князем маскоўскім Васілём II Цёмным, як пастаўлены супраць яго волі. Але, будучы дасьведчаным дыпламатам, здолеў пераканаць маскоўскага ўладара ў неабходнасьці скліканьня новага Ўсяленскага сабору, на якім бы праваслаўныя пераканалі каталікоў (лацінянаў) адмовіцца ад дагматычных новаўвядзеньняў, што паслужыла б прымірэньню хрысьціянскага Захаду і Ўсходу ды выратаваньню Візантыі і Грэцкай Царквы. Мітрапаліт Ісідар стаў адным з самых прыкметных удзельнікаў Фэрара-Флярэнцкага сабору і прыхільнікам уніі. Гэты мітрапаліт Кіеўскі і ўсяе Русі адслужыў адзіную літургію ва Ўсьпенскім саборы Маскоўскага Крамля з памінаньнем усіх пяці патрыярхаў (Рыма, Канстанцінопаля, Александрыі, Антыёхіі і Ерусаліма). Гэта быў апошні мітрапаліт, абраны і пастаўлены для ўсёй Русі ў Канстанцінопалі. Пасьля гэтага маскоўская мітраполія аддзялілася ад кіеўскай, і ў Маскве пачалі абіраць мітрапалітаў без узгадненьня і бласлаўленьня патрыярха. І менавіта Ісідар, ужо як патрыярх, адслужыў апошнюю літургію ў Канстанцінопальскай Сафіі напярэдадні падзеньня гораду. Горада, які ён абараняў да канца.

У сваім выступе Сяргей Бр’юн — навуковы супрацоўнік Інстытуту сьв. Фамы (Масква), гісторык хрысьціянскага Ўсходу, аўтар публікацыяў па гісторыі Царквы і царкоўнаму мастацтву, паказаў гісторыю і лёс складанай і супярэчлівай асобы мітрапаліта Кіеўскага і ўсяе Русі Ісідара (1386—1458), які быў адным з самых выдатных інтэлектуалаў і філосафаў свайго часу. Ісідар на працягу ўсяго свайго жыцьця быў адданым прыхільнікам ідэі пераадоленьня рознагалосьсяў і паяднаньня Заходняй і Ўсходняй Цэркваў. Дасьледчык спыніўся на яго вялікай місіі, на яго актыўным удзеле ў працы Фэрара-Флярэнцкага сабору, яго ролі ў падпісаньні Флярэнцкай уніі, што да гэтага часу зьяўляецца прадметам вострых дыскусіяў навукоўцаў усяго сьвету. Таксама навуковец зьвярнуў увагу на прыкметнае месца спадкаемцаў Уніі ў сучасным хрысьціянскім сьвеце, асабліва на Блізкім Усходзе і Сьвятой Зямлі.

Вядомы расейскі філосаф і гісторык Аляксей Кара-Мурза — дасьледчык «Рускай Італіі», Віцэ-прэзідэнт Флярэнцкага таварыства, аўтар шматлікіх кніг і навуковых артыкулаў пра знаходжаньне знакамітых расейцаў у Італіі — у сваім выступе засяродзіўся на важных і цікавых падрабязнасьцях арганізацыі і правядзеньня Фэрара-Флярэнцкага сабору 1438—1445 гг., на якім была падпісаная Флярэнцкая унія.

Напрыканцы лекцыі выступіў гісторык Максім Кліменка (Афіны), які свой выступ прысьвяціў ролі Ісідара Кіеўскага ў захаваньні Візантыйскага сьвятаайцоўскага пісьменства, грэцкай вучонасьці.
Тэгі: унія, Ісідар, мітрапаліт Кіеўскі, Фэрара-Флярэнцкі сабор, хрысьціянства

Гл. таксама:
Чаму мітрапаліт Павел абрынуўся на царкоўную унію?
Кніга пра спробу забойства беларускага народу
Раство ў сучасным сьвеце
Пачаткі хрысьціянства ў Беларусі
Пачаткі хрысьціянства ў Беларусі
Сістэма Orphus
Гэтае відэа глядзелі 176 разоў (-ы)
Архіў відэа

Прыхаваныя каштоўнасьці. Маці Божая Карміцелька

Гісторыя і сэнс пацалунка міру на Літургіі

Ісідар Кіеўскі і Флярэнцкая унія

Каб несьці сьвятло Хрыстова людзям у сьвеце

Упершыню з часоў скасаваньня Уніі грэка-каталіцкі мітрапаліт Кіеўскі адслужыў сьв. Літургію ў Беларусі

500 гадоў Скарынаўскай Бібліі

Францішак Скарына. Чалавек сьвету

Дзеля ўмацаваньня Еднасьці. Мітрапаліт Язэп Руцкі

Вёска Баруны, Ашмянскі раён. Цудадзейны абраз

«Цуд яднаньня распачаўся» — фільм Супольнасьці «Chemin Neuf»

Напярэдадні Раства грэка-каталіцкі сьвятар а. Яўген Усошын распавёў пра сваё пакліканьне і БГКЦ сёньня

У Берасьці падчас сьвята парафіі ў 420-ыя ўгодкі Уніі асьвяцілі крыж на каплічцы
Старонкі: 1 2 3 4 5    
Апошнія навіны
24.03.2020 Навіны
Папа заклікаў хрысьціянаў разам маліцца «Ойча наш» за спыненьне пандэміі
14.03.2020 Навіны
Часовыя нормы паводзінаў у храмах і душпастырскіх цэнтрах Грэка-Каталіцкай Царквы ў Беларусі
27.02.2020 Навіны
Прызначаны новы сакратар Кангрэгацыі Ўсходніх Цэркваў
29.01.2020 Бібліятэка
Набажэнствы ў гонар мучанікаў Падляшскіх
23.01.2020 Навіны
Успамін уніяцкіх мучанікаў з Пратуліна
23.01.2020 Навіны
У Горадні ў катэдры адбылося набажэнствa за еднасьць хрысьціянаў
21.01.2020 Навіны
Кадравыя зьмены ў Кангрэгацыі Ўсходніх Цэркваў
07.01.2020 Відэа
Прыхаваныя каштоўнасьці. Маці Божая Карміцелька
24.12.2019 Навіны
Ісус Хрыстос прыходзіць як Слова любові Бога да кожнага чалавека
19.12.2019 Бібліятэка
Вершаваная батлейка Дануты Бічэль
Літургічны каляндар
аўторак
САКАВІКА
Сёньняшняе чытаньне:
Пост
ЛІТУРГІЧНЫ КАЛЯНДАР
Пошук у літургічным календары
Перакідны царкоўны каляндар БГКЦ на 2020 год можна набыць ва ўсіх парафіях БГКЦ, а таксама праз Рэдакцыю газеты «Царква»;
Памятка для вернiкаў
Біблія па-беларуску
Катэдральны пляц
27.10.2016
Дзе можна адвучыцца на сьвятара БГКЦ і набыць Біблію па-беларуску?
Міхаіл Батура, Бягомаль
15.09.2015
Хто мой сын па вераспавяданьні?
Андрэй, г. Магілёў
08.07.2015
Пра царкоўныя запіскі і інтэнцыі падчас Літургіі
Алег, г. Менск
Youtube - Carkva
Радыё Марыя

Найбольш чытанае
14.03.2020
Часовыя нормы паводзінаў у храмах і душпастырскіх цэнтрах Грэка-Каталіцкай Царквы ў Беларусі
21.01.2020
Кадравыя зьмены ў Кангрэгацыі Ўсходніх Цэркваў
24.03.2020
Папа заклікаў хрысьціянаў разам маліцца «Ойча наш» за спыненьне пандэміі
23.01.2020
Успамін уніяцкіх мучанікаў з Пратуліна
07.01.2020
Прыхаваныя каштоўнасьці. Маці Божая Карміцелька
Апытаньне
Царкоўная Унія 1596 году ў Берасьці: памылка, шанец, непазьбежнасьць?..
Шкодная інтрыга палякаў і езуітаў супраць рускага праваслаўнага насельніцтва
Памылка, якая прывяла да паланізацыі
Шанец, каб аднавіць Царкву часоў першых хрысьціянаў
Выкананьне Хрыстовага запавету
Непазьбежнасьць гісторыі: мы жывём паміж Захадам і Ўсходам
Нешта для мяне зусім незразумелае
Ня ведаю
Прагляд адказаў
Статыстыка сайту
Хто Вы па веравызнаньні?
Праваслаўны
Рыма-католік
Грэка-католік
Евангельскі хрысьціянін
Проста хрысьціянін
Атэіст
Язычнік
Яшчэ ня ведаю
Іншае
Прагляд адказаў