Царква
Радуйцеся і весялецеся, бо ўзнагарода ваша вялікая на нябёсах: так гналі прарокаў, што былі перад вамі.
(Паводле Мацьвея Сьвятое Дабравесьце 5:12)
Галоўная Відэа
Ісідар Кіеўскі і Флярэнцкая унія
Постаці мітрапаліта Кіеўскага і ўсяе Русі Ісідара, які на працягу ўсяго свайго жыцьця быў адданым прыхільнікам паяднаньня Ўсходняй і Заходняй Цэркваў, а таксама стаў прадстаўніком Русі на Фэрара-Флярэнцкім саборы (1438—1445), была прысьвечана публічная лекцыя вядомых расейскіх дасьледчыкаў Сяргея Бр’юна, Аляксея Кара-Мурзы і Максіма Кліменкі. Лекцыя адбылася 19 сакавіка 2018 году ў Ахматаўскім доме ў Маскве.

У расейскай і праваслаўнай гістарыяграфіі імя мітрапаліта Ісідара набыло ўстойлівае адмоўнае адценьне. Яно асацыюецца са «здрадай» праваслаўя і адрынутай рускім народам уніяй. Аднак пры больш пільным разглядзе Мітрапаліт Кіеўскі Ісідар, які пасьля стаў кардыналам Рымскай Царквы, паўстае як адзін з самых яркіх візантыйскіх багасловаў і інтэлектуалаў свайго часу, як абаронца праваслаўных на землях Рэчы Паспалітай і Міжземнамор’я, як прыхільнік еднасьці хрысьціянаў. Мітрапаліт Ісідар быў непрыязна сустрэты ў Маскве вялікім князем маскоўскім Васілём II Цёмным, як пастаўлены супраць яго волі. Але, будучы дасьведчаным дыпламатам, здолеў пераканаць маскоўскага ўладара ў неабходнасьці скліканьня новага Ўсяленскага сабору, на якім бы праваслаўныя пераканалі каталікоў (лацінянаў) адмовіцца ад дагматычных новаўвядзеньняў, што паслужыла б прымірэньню хрысьціянскага Захаду і Ўсходу ды выратаваньню Візантыі і Грэцкай Царквы. Мітрапаліт Ісідар стаў адным з самых прыкметных удзельнікаў Фэрара-Флярэнцкага сабору і прыхільнікам уніі. Гэты мітрапаліт Кіеўскі і ўсяе Русі адслужыў адзіную літургію ва Ўсьпенскім саборы Маскоўскага Крамля з памінаньнем усіх пяці патрыярхаў (Рыма, Канстанцінопаля, Александрыі, Антыёхіі і Ерусаліма). Гэта быў апошні мітрапаліт, абраны і пастаўлены для ўсёй Русі ў Канстанцінопалі. Пасьля гэтага маскоўская мітраполія аддзялілася ад кіеўскай, і ў Маскве пачалі абіраць мітрапалітаў без узгадненьня і бласлаўленьня патрыярха. І менавіта Ісідар, ужо як патрыярх, адслужыў апошнюю літургію ў Канстанцінопальскай Сафіі напярэдадні падзеньня гораду. Горада, які ён абараняў да канца.

У сваім выступе Сяргей Бр’юн — навуковы супрацоўнік Інстытуту сьв. Фамы (Масква), гісторык хрысьціянскага Ўсходу, аўтар публікацыяў па гісторыі Царквы і царкоўнаму мастацтву, паказаў гісторыю і лёс складанай і супярэчлівай асобы мітрапаліта Кіеўскага і ўсяе Русі Ісідара (1386—1458), які быў адным з самых выдатных інтэлектуалаў і філосафаў свайго часу. Ісідар на працягу ўсяго свайго жыцьця быў адданым прыхільнікам ідэі пераадоленьня рознагалосьсяў і паяднаньня Заходняй і Ўсходняй Цэркваў. Дасьледчык спыніўся на яго вялікай місіі, на яго актыўным удзеле ў працы Фэрара-Флярэнцкага сабору, яго ролі ў падпісаньні Флярэнцкай уніі, што да гэтага часу зьяўляецца прадметам вострых дыскусіяў навукоўцаў усяго сьвету. Таксама навуковец зьвярнуў увагу на прыкметнае месца спадкаемцаў Уніі ў сучасным хрысьціянскім сьвеце, асабліва на Блізкім Усходзе і Сьвятой Зямлі.

Вядомы расейскі філосаф і гісторык Аляксей Кара-Мурза — дасьледчык «Рускай Італіі», Віцэ-прэзідэнт Флярэнцкага таварыства, аўтар шматлікіх кніг і навуковых артыкулаў пра знаходжаньне знакамітых расейцаў у Італіі — у сваім выступе засяродзіўся на важных і цікавых падрабязнасьцях арганізацыі і правядзеньня Фэрара-Флярэнцкага сабору 1438—1445 гг., на якім была падпісаная Флярэнцкая унія.

Напрыканцы лекцыі выступіў гісторык Максім Кліменка (Афіны), які свой выступ прысьвяціў ролі Ісідара Кіеўскага ў захаваньні Візантыйскага сьвятаайцоўскага пісьменства, грэцкай вучонасьці.
Тэгі: унія, Ісідар, мітрапаліт Кіеўскі, Фэрара-Флярэнцкі сабор, хрысьціянства

Гл. таксама:
Споведзь пілігрыма
Не было б уніяцтва – не было б Беларусі?
Кніга пра спробу забойства беларускага народу
Пачаткі хрысьціянства ў Беларусі
Пачаткі хрысьціянства ў Беларусі
Сістэма Orphus
Гэтае відэа глядзелі 159 разоў (-ы)
Архіў відэа

500 гадоў царкве Сьвятой Тройцы ў Вільні (Базыльянскія муры)

Беларускі грэка-каталіцкі біскуп Чэслаў Сіповіч. Да 100-годдзя з дня нараджэньня

Памяць пра біскупа Чэслава Сіповіча ў яго родных мясьцінах

Пульс хрысьціянскай Беларусі: пілігрымка Віцебск — Полацак

Малітва надзеі на мір

Новыя сьвятыя — кананізацыя блаславёных Папаў Яна XXIII і Яна Паўла II

Старажытнае слова. Лёс Міхала Баброўскага

Зварот Першаярарха УГКЦ: быць разам, каб адстаяць дзяржаву!

Першаярарх УГКЦ: адкладзіце зброю!

Нараджэньне Бога. “Размова Мацкевіча” з айцом Яўгенам Усошыным

Візіт кардынала Курта Коха ў Санкт-Пецярбург

Апостальскі нунцый пра місію грэка-католікаў, іх веру і тоеснасьць беларусаў
   Старонкі:  1 23 4 5    
Апошнія навіны
08.03.2019 Гісторыя Царквы
Месца для спонсара і імітацыя багацьця: што малявалі на беларускіх абразах
04.03.2019 Навіны
Папа: каб весьці іншых, трэба бачыць уласныя хібы
03.03.2019 Відэа
Гісторыя і сэнс пацалунка міру на Літургіі
28.02.2019 Навіны
Архімандрыт Сяргей Гаек пра духоўныя акцэнты душпастырства ў 2019 годзе
16.02.2019 Навіны
Сьвятаром стаў яшчэ адзін беларускі грэка-каталіцкі рэдэмптарыст
15.02.2019 Навіны
Апостальскі нунцый павіншаваў з 70-годдзем Апостальскага Візітатара беларускіх грэка-католікаў
14.02.2019 Навіны
У Менску, успамінаючы настаўнікаў славянаў сьв. Кірылу і Мятода, адзначылі 70-годдзе Апостальскага Візітатара БГКЦ
09.02.2019 Навіны
Першаярарх УГКЦ ад імя Сіноду сваёй Царквы павіншаваў Архімандрыта Сяргея (Гаека) з 70-годдзем
08.02.2019 Навіны
Разьвітаньне з Васілём Сёмухам — перакладчыкам, які зрабіў Біблію даступнай для беларусаў
03.02.2019 Сьвятло Ўсходу
Айцец Андрэй Крот пра сьвята Грамніцаў
Літургічны каляндар
субота
САКАВІКА
Сёньняшняе чытаньне:
ЛІТУРГІЧНЫ КАЛЯНДАР
Пошук у літургічным календары
Перакідны царкоўны каляндар БГКЦ на 2019 год можна набыць ва ўсіх парафіях БГКЦ, а таксама праз Рэдакцыю газеты «Царква»;
Памятка для вернiкаў
Біблія па-беларуску
Катэдральны пляц
27.10.2016
Дзе можна адвучыцца на сьвятара БГКЦ і набыць Біблію па-беларуску?
Міхаіл Батура, Бягомаль
15.09.2015
Хто мой сын па вераспавяданьні?
Андрэй, г. Магілёў
08.07.2015
Пра царкоўныя запіскі і інтэнцыі падчас Літургіі
Алег, г. Менск
Youtube - Carkva
Найбольш чытанае
07.01.2019
Беларускі грэка-каталіцкі сьвятар: Стаўленьне да нас з боку Ватыкана – наш вялікі боль
09.01.2019
«Статус-кво радыкальна зьменены». Эксьперт – пра выклікі і персьпектывы ўкраінскай Царквы
10.01.2019
Першаярарх УГКЦ: няма тэндэнцыяў пераходу грэка-католікаў у Праваслаўную Царкву Ўкраіны
08.02.2019
Разьвітаньне з Васілём Сёмухам — перакладчыкам, які зрабіў Біблію даступнай для беларусаў
14.02.2019
У Менску, успамінаючы настаўнікаў славянаў сьв. Кірылу і Мятода, адзначылі 70-годдзе Апостальскага Візітатара БГКЦ
Апытаньне
Царкоўная Унія 1596 году ў Берасьці: памылка, шанец, непазьбежнасьць?..
Шкодная інтрыга палякаў і езуітаў супраць рускага праваслаўнага насельніцтва
Памылка, якая прывяла да паланізацыі
Шанец, каб аднавіць Царкву часоў першых хрысьціянаў
Выкананьне Хрыстовага запавету
Непазьбежнасьць гісторыі: мы жывём паміж Захадам і Ўсходам
Нешта для мяне зусім незразумелае
Ня ведаю
Прагляд адказаў
Статыстыка сайту
Хто Вы па веравызнаньні?
Праваслаўны
Рыма-католік
Грэка-католік
Евангельскі хрысьціянін
Проста хрысьціянін
Атэіст
Язычнік
Яшчэ ня ведаю
Іншае
Прагляд адказаў