Царква
У любові няма страху, а дасканалая любоў праганяе страх, бо ў страху ёсьць пакута; хто баіцца, той не дасканалы ў любові
(Першае Саборнае Пасланьне Сьв.Ап. Яна Багаслова 4:18)
"Царква", № 2 (29), 2001
Галоўная Катэдральны пляц

Вітаю Вас, паважная рэдакцыя газэты. Якія зараз адносіны паміж Беларускай Уніяцкай Царквой і Беларускай Аўтакефальнай Праваслаўнай Царквой. Якія яны ёсьць, якія тэндэнцыі?

Сяргей Сьмірноў, г. Менск
01.02.2010

Ці ёсьць кантакты паміж БГКЦ і БАПЦ?

Сёньня ў Беларусі няма афіцыйна зарэгістраваных структураў Беларускай Аўтакефальнай Праваслаўнай Царквы, ёсьць асобныя вернікі, якія гавораць пра сваю прыналежнасьць да БАПЦ. Парафіі Беларускай Грэка-Каталіцкай Царквы хоць і афіцыйна зарэгістраваныя і некаторыя з іх нават маюць свае душпастырскія цэнтры, аднак ерархічна Царква застаецца пакуль незавершанай. У Беларусі БГКЦ ня мае свайго біскупа і наўпрост падпарадкаваная Апостальскай Сталіцы. Таму ніякіх стасункаў паміж БАПЦ і БГКЦ у Беларусі сёньня няма.

Беларускія грэка-каталіцкія сьвятары ў замежжы падтрымлівалі і падтрымліваюць сёньня асабістыя сяброўскія кантакты з сьвятарамі і вернікамі БАПЦ, якая мае свае структуры пераважна ў ЗША, Канадзе, Аўстраліі і Вялікабрытаніі.

Аднак сітуацыя для разьвіцьця супрацоўніцтва ўскладняецца ня толькі не заўсёды прыхільным стаўленьнем да Грэка-Каталіцкай Царквы беларускіх праваслаўных, але яшчэ і шматлікімі падзеламі ўнутры самой БАПЦ і яе няпэўным кананічным статусам, які не вызнаецца (ці ставіцца пад сумнеў) нават у праваслаўным сьвеце.

Сьвятая Еўфрасіньня Полацкая, апякунка Беларусі, якую аднолькава шануюць і праваслаўныя, і грэка-католікі.
Беларускія грэка-католікі заўсёды адкрытыя на кантакты з праваслаўнымі братамі любой юрысдыкцыі. Тым больш, што маюць заахвочваньне айцоў Другога Ватыканскага Сабору: "На Ўсходнiх Цэрквах, што знаходзяцца ў лучнасьцi з Апостальскiм Пасадам, ляжыць асаблiвы абавязак заахвочваць да адзiнства ўсiх хрысьцiянаў, асаблiва ўсходнiх, згодна з нормамi Дэкрэту гэтага Сабору “Аб экуменiзме”, перадусiм праз малiтву, прыклад жыцьця, багавейную вернасьць старажытнай усходняй традыцыi, праз узаемнае i ўсё больш поўнае пазнаньне адзiн аднаго, праз супрацоўнiцтва i братэрскую павагу да ўсяго i да ўсiх" (Дэкрэт "Аб Усходніх Каталіцкіх Цэрквах", п. 24). Паводле царкоўных дакументаў, якія рэгламентуюць жыцьцё католікаў візантыйскага абраду, "дазваляецца дзеля слушнай прычыны супольны ўдзел у сьвятых чынах, рэчах i месцах усходнiх каталiкоў разам з разьяднанымi з намi братамi" (Дэкрэт "Аб Усходніх Каталіцкіх Цэрквах", п. 28).

Практыка штодзённага жыцьця БГКЦ сьведчыць, што на парафіяльным узроўні шмат дзе існуюць братэрскія кантакты з асобнымі праваслаўнымі вернікамі і нават невялікімі групамі вернікаў. Некаторыя з нашых праваслаўных братоў бяруць удзел у малітоўным жыцьці, удзельнічаюць у рэкалекцыях, пілігрымках, царкоўных сьвятах і імпрэзах.

Ігар Бараноўскі,
выпускны рэдактар газеты "Царква"
Тэгі: дыялог, экуменiзм, Беларуская Грэка-Каталіцкая Царква, Праваслаўная Царква, праваслаўныя, БГКЦ, БАПЦ, Беларусь

Гл. таксама:
Апостальскі нунцый: праз некалькі месяцаў мы зможам убачыць канкрэтныя крокі па ўпарадкаваньні жыцьця грэка-каталіцкай супольнасьці
У Беларускай Праваслаўнай Царкве ня бачаць падставаў для актывізацыі пытаньня аб наданьні аўтакефаліі
Чаму мітрапаліт Павел абрынуўся на царкоўную унію?
Растлумачце, калі ласка, па якой прычыне беларуская Ўніяцкая Царква жыве па грыгарыянскім календары, а ўкраінская — па юльянскім? Дзякуй.
Свабода ня можа быць без духоўнасьці
Сістэма Orphus

Гэты адказ чыталі 483 разоў (-ы)