Царква
Гора вам, хто сьмяецца сёньня! бо заплачаце і загалосіце
(Паводле Лукаша Сьвятое Дабравесьце 6:25)
Галоўная Катэдральны пляц

Почитают ли греко-католики святых БПЦ?

Аляксей, г. Менск
05.06.2013

Якіх сьвятых ушаноўваюць у БГКЦ?

Беларуская Грэка-Каталіцкая Царква зьяўляецца адной з пераемніц літургічнай традыцыі Рускай (Кіеўскай) мітраполіі, якая ўзьнікла пасьля хрышчэньня Русі вялікім князем Уладзімірам. У 1596 годзе праваслаўная Кіеўская мітраполія заключыла царкоўную унію з Рымам, пры гэтым захаваўшы сваю літургічную спадчыну і каляндар. Менавіта таму ў царкоўным календары нашай Царквы ўшаноўваюцца сьвятыя, агульныя для ўсіх Цэркваў візантыйскай традыцыі, а таксама сьвятыя, кананізаваныя Рускай (Кіеўскай) Царквой, такія, напрыклад, як Еўфрасіньня Полацкая, Кірыла Тураўскі.
 
З моманту заключэньня Берасьцейскай царкоўнай уніі ў 1596 годзе, паводле якой нашыя біскупы вызналі вяршэнства ўлады Рымскага Архірэя, пытаньне ўшанаваньня сьвятых было падпарадкавана вымогам усёй Каталіцкай Царквы. Таму БГКЦ як частка Паўсюднай Царквы вызнае і ўшаноўвае памяць усіх сьвятых, якія абвешчаныя сьвятымі ў Каталіцкай Царкве.
 
Што тычыцца сьвятых, кананізаваных Праваслаўнай Царквой пасьля Берасьцейскай уніі, а таксама сьвятых, кананізаваных іншымі Ўсходнімі Цэрквамі, не аспрэчваючы іх сьвятасьць, Беларуская Грэка-Каталіцкая Царква ня мае іх літургічнага ўшанаваньня.
 
а. Зьміцер Чарнель, CSsR
Тэгі: сьвятыя, унія, каляндар, Беларуская Грэка-Каталіцкая Царква, БГКЦ

Гл. таксама:
Беларускі грэка-каталіцкі сьвятар: Стаўленьне да нас з боку Ватыкана – наш вялікі боль
Што ўяўляе сабой грэка-каталіцкая Царква?
Слава Ісусу Хрысту! Паводле літургічнага календара Грэка-Каталіцкай Царквы памяць усіх сьвятых беларускага народу сьвяткуецца ў другую нядзелю пасьля Пяцідзясятніцы, у календары ж Праваслаўнай Царквы гэта сьвята адзначаецца ў трэцюю нядзелю пасьля Пяцідзясятніцы. З чым зьвязанае гэтае разыходжаньне?
Ватыканскі ярарх разам з грэка-католікамі памаліўся за Менск і за ахвяры вайны
Нунцый да грэка-католікаў: многае залежыць і ад вас
Сістэма Orphus

Гэты адказ чыталі 1404 разоў (-ы)