Увечары 27 жніўня 2007 году на Вялікай вячэрні сьвята Ўсьпеньняя Багародзіцы ў Сьвята-Усьпенскай Уніўскай Лаўры адбыліся аблачыны некалькіх семінарыстаў БГКЦ. У прысутнасьці групы беларускіх вернікаў, якія бралі ўдзел у пілігрымцы ў Уніў, Апостальскі Візітатар БГКЦ Архімандрыт Сяргей (Гаек) урачыста пасьвяціў семінарысцкую вопратку для Андрэя Гайдукевіча з Горадні, Аляксея Філіпенкі з Менску і Вінцука Цішко з Маладэчна.