Царква
Дабрашчасныя гнаныя за праўду, бо іх ёсьць Царства Нябеснае
(Паводле Мацьвея Сьвятое Дабравесьце 5:10)
"Царква", № 2 (29), 2001
Навіны за 2011 год
15.01.2011
Бенядыкт XVI: З экуменізмам сёньня цяжэй, але мы павінны весьці дыялог з верай і надзеяй
Гэтыя словы скіраваў Сьвяты Айцец Бенядыкт XVI да ўдзельнікаў міжканфесійнай пілігрымкі з Фінляндыі, якая днямі прыбыла ў Рым.
15.01.2011
Пратэстант стаў новым прэзідэнтам Папскай акадэміі навук
Сьвяты Айцец Бенядыкт XVI прызначыў новым прэзідэнтам Папскай акадэміі навук швайцарскага мікрабіёлага, 81-гадовага прафесара Вернэра Арбэра.
14.01.2011
Мы яшчэ занадта мала прагнем еднасьці
Гэтую думку выказаў Першаярарх Украінскай Грэка-Каталіцкай Царквы Яго Блаславенства Любамір (Гузар), разважаючы пра стасункі Каталіцкай Царквы і Праваслаўных Цэркваў.
11.01.2011
Апостальскі нунцый прыняў актывістаў “Вызваленьня”
Актывісты грамадзянскай ініцыятывы «Вызваленьне», якую заснавалі сваякі зьняволеных пасьля прэзідэнцкіх выбараў беларускіх палітыкаў і грамадзкіх актывістаў, сустрэліся з Апостальскім нунцыем у Беларусі архібіскупам Марцінам Відавічам. Дыпламатычнаму прадстаўніку Ватыкану яны перадалі зварот да Папы Рымскага з просьбай аб малітве і спрыяньні ў справе вызваленьня палітычных вязьняў у Беларусі.
11.01.2011
Тыдзень малітваў за еднасьць хрысьціянаў 2011 г.
Згодна са шматгадовай традыцыяй хрысьціяне розных канфесіяў ва ўсім сьвеце 18-25 студзеня зьбіраюцца ў сваіх храмах, каб маліцца за еднасьць хрысьціянаў.
10.01.2011
УГКЦ ня хоча прымаць ахвяраваньняў ад афіцыйных органаў, бо хоча мець свабоду казаць праўду тады, калі яе трэба казаць
«Мы маем такую пазіцыю, што ня хочам прымаць ахвяраваньняў ад афіцыйных органаў. Таму што гэта заўсёды цягне за сабой пэўную, так бы мовіць, “удзячнасьць”. Мы хочам быць Царквой свабоднай, каб ахвяраваньні не перашкодзілі нам сказаць праўду, калі яе трэба сказаць».
05.01.2011
Сваякі арыштаваных беларускіх палітыкаў просяць Папу аб дапамозе
Сваякі арыштаваных пасьля трагічных падзеяў 19 сьнежня 2010 году ў Менску кандыдатаў у прэзідэнты і грамадзкіх актывістаў напісалі на імя Папы Бенядыкта XVI ліст з просьбай падтрымаць малітвай і дапамагчы вызваліць з турмаў невінаватых.
02.01.2011
Будаваць мір метадам дыялогу
Сапраўдны дыялог грунтуецца на шанаваньні годнасьці іншага чалавека, сьцьвярджае а. Пётр Рудкоўскі, OP, які ў сваім роздуме пра вядомы калядны сьпеў разважае пра тое, як распазнаваць сапраўдны мір і адрозьніваць яго ад рознага роду пародыяў міру.
01.01.2011
Пасланьне Сьвятога Айца Бенядыкта XVI на Сусьветны дзень міру 2011
«На пачатку Новага году прагну ўсім і кожнаму асабіста скласьці пажаданьні. Гэта пажаданьні душэўнага супакою і посьпеху, але перш за ўсё пажаданьне міру», — чытаем у Пасланьні Сьвятога Айца Бенядыкта XVI на Сусьветны дзень міру 2011 году.
01.01.2011
Мітрапаліт Тадэвуш Кандрусевіч заклікаў беларускае грамадзтва да супольнага пошуку сапраўднага міру і згоды
Рыма-каталіцкі архібіскуп Тадэвуш Кандрусевіч накіраваў сьвятарам Беларусі свой каментар да Пасланьня папы Бенядыкта XVI на Сусьветны дзень міру 2011, у якім заклікае беларускае грамадзтва да супольнага пошуку сапраўднага міру і згоды ў духу навучаньня Сьвятога Айца.
Старонкі:

1 ... 16 | 17 | 18

Галоўная Навіны за 2011 год
Памер шрыфту

25.11.2011

Апостальскі нунцый наведае грэка-католікаў Менску

Цэнтр сьв. Язэпа ў Менску
27 лістапада 2011 году Апостальскі нунцый у Беларусі Архібіскуп Клаўдыё Гуджароцьці разам з сталічнымі вернікамі Беларускай Грэка-Каталіцкай Царквы прыме ўдзел у сьвяткаваньні дня памяці сьвятога Апостала Андрэя, апекуна хрысьціянскага Ўсход.
 

 

Архібіскуп Клаўдыё Гуджароцьці
З гэтай нагоды, паведамляе сайт грэка-каталіцкай парафіі Праведнага Язэпа ў Менску,  вернікі усіх менскіх грэка-каталіцкіх парафіяў у нядзелю, 27 лістапада 2011 году, будуць разам маліцца і ўшаноўваць памяць сьв. Андрэя Першапакліканага ў Цэнтры сьв. Язэпа ў Менску (вул. Арджанікідзэ, 6). Дзень памяці сьв. апостала Андрэя ў царкоўным календары адзначаецца 30 лістапада, аднак сёлета гэта працоўны дзень, і таму сьвяткаваньне перанесена на нядзелю.

 
У капліцы Ўсіх Сьвятых Беларускіх грэка-каталіцкага Цэнтру сьв. Язэпа ў Менску, які ў 2008 годзе асьвяціў кардынал Тарчызіё Бертонэ, Дзяржсакратар Сьвятога Пасаду, а 10-й гадз. будзе адслужана Боская Літургія, на якой будзе прысутнічаць Апостальскі нунцый у Беларусі Высокадастойны Ўладыка Архібіскуп Клаудыё Гуджароцьці, які прамовіць казаньне.
 
Паводле шматгадовай традыцыі, у гэты дзень памяці дабравесьніка і заступніка хрысьціянскага Ўсходу, вернікі будуць маліцца за Беларускую Грэка-Каталіцкую Царкву, за горад Менск і ўсіх яго жыхароў.
 
Сталічныя грэка-католікі сардэчна запрашаюць усіх на гэтую сумесную малітву з Апостальскім нунцыем.

 

Сістэма Orphus
Гэты артыкул чыталі 243 разоў (-ы)