Кароткай, але зьмястоўнай назваў сваю размову з Папам Рымскім Францішкам Апостальскі Візітатар грэка-католікаў Беларусі Архімандрыт Сяргей (Гаек). Сустрэча адбылася 8 траўня 2019 году ў Ватыкане пасьля агульнай аўдыенцыі. 
Найноўшыя тэхналогіі і навуковы прагрэс няздольныя пабудаваць гарманічнае грамадзтва, выкараніць беднасьць і сацыяльную маргіналізацыю. Для гэтага патрэбны салідарнасьць і ахвярнасьць, лічыць Папа Рымскі. 
У Берасьцейскім абласным краязнаўчым музеі 12 красавіка 2019 году адбылося адкрыцьцё выставы «Берасьце — горад Бібліі», якая прымеркаваная да 1000-годдзя Берасьця. 
Не паддавацца спакусе нараканьня, якая пазбаўляе надзеі, заклікаў Папа падчас ранішняй Еўхарыстыі, якую адслужыў 9 красавіка 2019 году у ватыканскім Доме сьв. Марты, — паведамляе беларуская рэдакцыя Vatican News. 
Прэсавы сакратар Канферэнцыі каталіцкіх біскупаў Беларусі ксёндз Юры Санько, каментуючы для Радыё Свабода сітуацыю вакол зносу крыжоў у Курапатах, сказаў, што надзвычай балюча на такое глядзець, асабліва ў час Вялікага посту. 
З нагоды падзеяў ранкам 4 красавіка 2019 году ў Курапатах, дзе былі дэмантаваныя дзясяткі крыжоў, Апостальскі Візітатар грэка-католікаў Беларусі Архімандрыт Сяргей (Гаек) зрабіў адмысловую заяву. 
Калі выпраўляем хібы бліжняга, павінны ўсьведамляць, што хібы маем таксама і мы, нагадаў Папа перад малітвай «Анёл Гасподні», якая 3 сакавіка 2019 году прайшла на плошчы сьв. Пятра ў Ватыкане — паведамляе Vatican News. 
Рэха значнага юбілею — 1150-годдзя перадачы сьвятымі Кірылам і Мятодам папу Адрыяну ІІ Сьвятога Пісаньня на славянскай мове — працягвае гучаць у Беларускай Грэка-Каталіцкай Царкве, адзначае Беларуская рэдакцыя парталу «Vatican News». 
Беларускі манах-рэдэмптарыст дыякан Сяргей Ганчароў з Менску, а таксама яго ўкраінскі сабрат дыякан Васіль Чавага атрымалі сьвятарскія сьвячаньні ў дзень Трох сьвяціцеляў (паводле юльянскага календара) 12 лютага 2019 году. Пра гэта паведамляе сайт Рэдэмптарыстаў візантыйскага абраду ў Беларусі. 
З нагоды 70-годдзя Архімандрыта Сяргея (Гаека), якое ён адзначаў 8 лютага 2019 году, Апостальскі Нунцый у Рэспубліцы Беларусь архібіскуп Габар Пінтэр накіраваў яму свой афіцыйны ліст-віншаваньне. 
Галоўная 
Навіны за 2019 год
У гэтай заяве, якую Архімандрыт Сяргей папрасіў тэрмінова распаўсюдзіць праз сацыяльную сетку Facebook а. Аляксандра Шаўцова, сьвятара парафіі сьвятамучаніка Язафата ў Полацку, кіраўнік БГКЦ назваў падзеі ў мемарыяле на месцы пахаваньня ахвяраў масавых рэпрэсіяў у Курпапатах крыжаломам, што ня можа не шакаваць усіх хрысьціянаў.
Навіны за 2019 год
04.04.2019
Крыжалом у Курапатах
З нагоды падзеяў ранкам 4 красавіка 2019 году ў Курапатах, дзе былі дэмантаваныя дзясяткі крыжоў, Апостальскі Візітатар грэка-католікаў Беларусі Архімандрыт Сяргей (Гаек) зрабіў адмысловую заяву.
У гэтай заяве, якую Архімандрыт Сяргей папрасіў тэрмінова распаўсюдзіць праз сацыяльную сетку Facebook а. Аляксандра Шаўцова, сьвятара парафіі сьвятамучаніка Язафата ў Полацку, кіраўнік БГКЦ назваў падзеі ў мемарыяле на месцы пахаваньня ахвяраў масавых рэпрэсіяў у Курпапатах крыжаломам, што ня можа не шакаваць усіх хрысьціянаў.«Крыжу Ісуса Хрыста пакланяцца... Вялікі пост для ўсіх хрысьціянаў — гэта час асаблівага ўшанаваньня Крыжа Ісуса Хрыста.
Сёньня, 4 красавіка 2019 году, хрысьціяне Беларусі з болем і жахам глядзяць на крыжалом у Курапатах.
Прыбіты да крыжа, Ісус сказаў: «Ойча, прабач ім, бо ня ведаюць, што робяць» (Лк 23,34).
Каб перапрасіць Бога за гэтае блюзьнерства, молімся словамі ўшанаваньня Крыжа з малітвы Францішка Скарыны.
Малітва да Ўкрыжаванага Хрыста
Збавіцелю наш,
Госпадзе Ісусе Хрысьце,
бачу Цябе павешаным на крыжы
дзеля Тваёй вялікай любові да роду людзкога.
Галаву маеш нахіленую,
хочучы пачуць малітвы ўсіх нас;
сэрца маеш адкрытае,
хочучы даць усім ласку Тваю;
рукі маеш расьцягнутыя,
хочучы ўсіх нас да Сябе прыгарнуць;
ногі маеш прыбітыя цьвікамі,
хочучы быць заўсёды з грэшнікамі.
Малю Цябе сёньня:
дзеля Твае горкае сьмерці і пачэснага Крыжа
пачуй малітвы мае,
пашлі мне ласку Тваю,
прыгарні мяне да сябе,
і будзь са мною ў час сьмерці маёй.
Амін».
Фота: Catholic.by.
Фота: Catholic.by.
Гл. таксама:
Вернікі БГКЦ далучаюцца да малітвы перапрашэньня за злом крыжоў у Курапатах
Прадстаўнікі Каталіцкай Царквы пра сітуацыю ў Курапатах: «надзвычай балюча такое назіраць»
У Менску, успамінаючы настаўнікаў славянаў сьв. Кірылу і Мятода, адзначылі 70-годдзе Апостальскага Візітатара БГКЦ
Каталіцкі ярарх заклікае шукаць прымальнага для ўсіх вырашэньня канфлікту ў Курапатах
Грэка-каталіцкі сьвятар: Калі зьнішчаць Курапаты, то Беларусі ўжо ня будзе
Гэты артыкул чыталі 19 разоў (-ы)
