З узмацненьнем узброеных сутыкненьняў паміж урадавымі сіламі і паўстанцамі ў хрысьціянскіх раёнах Сірыі ўсё больш хрысьціянаў, што складаюць каля 10% насельніцтва, пакідае гэтую краіну. Напрыканцы жніўня 2012 году з Сірыі ў Ліван уцяклі некалькі сьвятароў Мельхіцкай Грэка-Каталіцкай Царквы, сярод якіх і архібіскуп горада Алепа Жан-Клімент Жанбар (Jean-Clement Jeanbart), паведамляе каталіцкае агенцтва Fides. 
З творчай спадчынай знакамітага польскага паэта, адметнага прадстаўніка сучаснай рэлігійнай лірыкі, сьвятара Яна Твардоўскага можна пазнаёміцца цяпер і па-беларуску. Выдавецтва “Pro Christо” падрыхтавала і выдала зборнік яго выбраных вершаў “Разам з Табою”. 
У другой палове ліпеня 2012 году, у рамках міжнароднай экуменічнай акцыі ў абарону жыцьця “Ад акіяну да акіяну”, у 17 гарадах Беларусі была ўшанавана копія іконы Маці Божай Чанстахоўскай. Далей акцыя ў абарону жыцьця працягнецца ў Латвіі, Літве, Польшчы і іншых краінах Еўропы — да Фацімы ў Партугаліі, куды абраз будзе дастаўлены ў сьнежні 2012 году. Гэтая акцыя, якую разам зладзілі католікі і праваслаўныя, пройдзе ў 23 краінах сьвету. 
“Я адкрыты да дыялогу, і нават больш таго — лічу, што павінен адбыцца працэс прымірэньня з РПЦ. Мы маем гістарычныя раны, якія могуць быць вылекаваныя толькі дзякуючы працэсу, у якім будуць браць удзел усе царкоўныя інстытуцыі. Я хацеў бы распачаць гэты шлях і спадзяюся, што з боку РПЦ будзе такая ж адкрытасьць”, - сказаў Першаярарх Украінскай Грэка-Каталіцкай Царквы Сьвятаслаў Шаўчук у інтэрв’ю для
італійскага выданьня “Il Regno”. 
Грэка-каталіцкі сьвятар а. Віктар Данілаў, які 20 ліпеня адзначыў сваё 85-годдзе – чалавек незвычайнага лёсу. У пошуках праўды і сэнсу жыцьця ён прайшоў складаны шлях ад атэіста да сьвятара. Будучы асуджаны за антысавецкую агітацыю, у савецкім лагеры ён знайшоў свой шлях да Бога і адчуў там сваё пакліканьне. Ён прыняў сьвятарскія сьвячаньні ў падпольнай Грэка-Каталіцкай Царкве і адважна нёс Добрую Вестку людзям у часы савецкага дзяржаўнага атэізму. Яго служэньне як сьвятара і дэкана БГКЦ Папа Ян Павел II адзначыў царкоўнай узнагародай – залатым крыжам “Pro Ecclesia et Pontifice”. 
Ватыканская інфармацыйная служба VIS паведаміла, што Сьвяты Айцец Бенядыкт XVI 21 ліпеня 2012 году прыняў адстаўку грэка-каталіцкага біскупа Міхаіла Грынчышына, ЧНА, Апостальскага экзарха для ўкраінскіх грэка-католікаў у Францыі ў сувязі з дасягненьнем гранiчнага ўзросту (у лютым гэтага году Ўладыку споўнілася 83 гады). Адначасова, як адзначае Дэпартамент інфармацыі УГКЦ, Сьвяты Айцец блаславіў рашэньне Сіноду Біскупаў УГКЦ і прызначыў яго наступнікам айца-мітрата Барыса Гудзяка, рэктара Ўкраінскага каталіцкага ўніверсітэту. Новаму біскупу быў нададзены тытулярны пасад Каркабіі. 
Як паведамляе Ватыканская інфармацыйная служба VIS, 21 ліпеня 2012 году Сьвяты Айцец Бенядыкт XVI заснаваў новую япархію для вернікаў Мараніцкай Каталіцкай Царквы, якія жывуць у Заходняй Еўропе. Новая япархія для маранітаў з цэнтрам у Парыжы ў Францыі атрымала назву Маці Божай Ліванскай у Парыжы (Notre-Dame du Liban de Paris). 
Лідары і сябры харызматычных супольнасьцяў, арганізацыяў і школ Украіны 11 ліпеня 2012 году сустрэліся ў Чарткове, што на Тарнопальшчыне, каб распавесьці пра сваю дзейнасьць, абмяняцца досьведам служэньня і паслухаць афіцыйны погляд Царквы што да руху “Адновы ў Сьвятым Духу”. 
На пачатку ліпеня 2012 году ў Варшаве адбылася сустрэча беларускага гісторыка і літаратуразнаўцы д-ра Юрыя Гарбінскага са Генеральным суперыёрам Кангрэгацыі Айцоў Марыянаў у Рыме а. Андрэем Пакулам, якому ён перадаў унікальныя архіўныя матэрыялы, паведамляе Catholic.by. 
11 ліпеня 2012 году, у дзень успаміну Полацкай трагедыі 1705 году, калі ад рук расейскага цара Пятра I і яго сьвіты ў грэка-каталіцкай катэдры сьв. Сафіі ў Полацку загінулі пяцёра манахаў-базыльянаў, вырушыць у шлях чарговая, васямнаццатая па ліку, штогадовая пілігрымка беларускіх грэка-католікаў з Віцебску ў Полацак. Асноўная тэма разважаньняў для ўдзельнікаў сёлетняй пілігрымкі — евангелізацыя, месца і пакліканьне
ў ёй сям’і. 
Галоўная 
Навіны за 2012 год
Гл. таксама:
Кардынал Паралін: дыпламатыя Сьвятога Пасаду служыць шматлікім Абэлям, якіх працягваюць забіваць Каіны гэтага сьвету
БГКЦ: Асэнсаваць духовую спадчыну і новыя заданьні
Рымскі Архірэй прыняў кадравыя рашэньні адносна Кангрэгацыі Ўсходніх Цэркваў
Ватыканскі ярарх назваў адраджэньне БГКЦ сапраўдным цудам
Душпастырская праграма візіту ў Беларусь Сакратара Кангрэгацыі Ўсходніх Цэркваў
Навіны за 2012 год
15.05.2012
Архібіскуп Кірыла (Васіль): на беларускай зямлі сустракаецца Ўсход і Захад
“Значэньне традыцыі хрысьціянскага Ўсходу для Паўсюднай Царквы” — над такой тэмай прапанаваў паразважаць прысутным у канферэнц-зале менскага Чырвонага касьцёлу архібіскуп Цырыл Васіль, Сакратар Кангрэгацыі Ўсходніх Цэркваў. Ватыканскі ярарх знаходзіўся ў нашай краіне з 7 па 10 траўня 2012 году па запрашэньні Міністэрства замежных справаў.
Лекцыя стала нагодай, каб распавесьці, найперш для католікаў лацінскага абраду, пра ўсходніх хрысьціянаў і традыцыі хрысьціянскага Ўсходу, адзначае беларускі каталіцкі партал Catholic.by. Паслухаць публічную лекцыю ватыканскага ярарха сабраліся сьвятары, манахі і манахіні, а такаксама семінарысты і вернікі як лацінскага, так і візантыйскага абраду.
“Людзі павінны ведаць, што апрача лацінскага абраду ў Каталіцкай Царкве ёсьць і іншыя, — сказаў Апостальскі нунцый у Беларусі архібіскуп Клаўдыё Гуджэроцьці. — Няма католікаў лепшых ці горшых: незалежна ад іх колькасьці, яны маюць адну і тую ж годнасьць”. “Каталіцкая Царква жыве ў мясцовых Цэрквах і праз іх”, — адзначыў архібіскуп Цырыл Васіль.
На сёньняшні час у Каталіцкай Царкве налічваецца 22 Усходнія Царквы.
Catholic.by адзначае словы Ўладыкі Кірылы пра тое, што кожны католік павінен ведаць таксама і пра абраднасьць тых католікаў, якія пражываюць разам з ім у адной краіне, каб адчуваць сябе сапраўднымі братамі ў веры. Разам з тым, абрад — гэта толькі адзін са знакаў Царквы: “Абрад — толькі форма перажываньня нашай веры. Але неабходна памятаць, што Хрыстос хацеў, каб мы былі ў Царкве, заснаванай на Пятры”, — падкрэсьліў ватыканскі ярарх.
Зразумела, што ўзьнікненьне Ўсходніх Цэркваў — гэта вынік іх адасобленага жыцьця і падзелаў, аднак, як заўважыў архібікуп Цырыл Васіль, “пасьля падзелаў адразу ўзьнікае ідэя еднасьці”. Так Берасьцейская унія стала ў свой час спосабам для аднаўленьня еднасьці і ўзаемапаразуменьня.
“Вы жывеце ў краіне, якая належыць хрысьціянскаму Ўсходу. На вашай зямлі сустракаецца Ўсход і Захад. І гэтыя сустрэчы не заўсёды былі лёгкімі. Але мы ня можам зьмяніць гісторыю, мы можам толькі паўплываць на нашую сучаснасьць і ствараць нашую будучыню”, — падкрэсьліў прадстаўнік ватыканскага ведамства і дадаў, што, калі хочам разьвіваць адносіны з Праваслаўнай Царквой, павінны сьведчыць пра каштоўнасьць Усходніх Цэркваў.
Па выніках свайго візіту ў Беларусь архібіскуп Кірыла (Васіль) адзначыў, што Грэка-Каталіцкая Царква ў Беларусі крочыць наперад у адносінах духоўнага жыцьця, але яшчэ “бедная і слабая” ў адносінах зьнешняй структуры. Як падкрэсьліў ватыканскі ярарх, там, дзе ёсьць Царква, патрэбны і яе бачныя структуры. Таму пытаньне стварэньня ерархічных структураў у Беларускай Грэка-Каталіцкай Царкве будзе абмяркоўвацца ў Дзяржсакратарыяце Апостальскай Сталіцы, у Папскай Радзе па спрыяньні хрысьціянскай еднасьці, а таксама з каталіцкімі ярархамі Беларусі і Апостальскім нунцыем.
Лекцыя стала нагодай, каб распавесьці, найперш для католікаў лацінскага абраду, пра ўсходніх хрысьціянаў і традыцыі хрысьціянскага Ўсходу, адзначае беларускі каталіцкі партал Catholic.by. Паслухаць публічную лекцыю ватыканскага ярарха сабраліся сьвятары, манахі і манахіні, а такаксама семінарысты і вернікі як лацінскага, так і візантыйскага абраду.“Людзі павінны ведаць, што апрача лацінскага абраду ў Каталіцкай Царкве ёсьць і іншыя, — сказаў Апостальскі нунцый у Беларусі архібіскуп Клаўдыё Гуджэроцьці. — Няма католікаў лепшых ці горшых: незалежна ад іх колькасьці, яны маюць адну і тую ж годнасьць”. “Каталіцкая Царква жыве ў мясцовых Цэрквах і праз іх”, — адзначыў архібіскуп Цырыл Васіль.
На сёньняшні час у Каталіцкай Царкве налічваецца 22 Усходнія Царквы.
Catholic.by адзначае словы Ўладыкі Кірылы пра тое, што кожны католік павінен ведаць таксама і пра абраднасьць тых католікаў, якія пражываюць разам з ім у адной краіне, каб адчуваць сябе сапраўднымі братамі ў веры. Разам з тым, абрад — гэта толькі адзін са знакаў Царквы: “Абрад — толькі форма перажываньня нашай веры. Але неабходна памятаць, што Хрыстос хацеў, каб мы былі ў Царкве, заснаванай на Пятры”, — падкрэсьліў ватыканскі ярарх.
Зразумела, што ўзьнікненьне Ўсходніх Цэркваў — гэта вынік іх адасобленага жыцьця і падзелаў, аднак, як заўважыў архібікуп Цырыл Васіль, “пасьля падзелаў адразу ўзьнікае ідэя еднасьці”. Так Берасьцейская унія стала ў свой час спосабам для аднаўленьня еднасьці і ўзаемапаразуменьня.
“Вы жывеце ў краіне, якая належыць хрысьціянскаму Ўсходу. На вашай зямлі сустракаецца Ўсход і Захад. І гэтыя сустрэчы не заўсёды былі лёгкімі. Але мы ня можам зьмяніць гісторыю, мы можам толькі паўплываць на нашую сучаснасьць і ствараць нашую будучыню”, — падкрэсьліў прадстаўнік ватыканскага ведамства і дадаў, што, калі хочам разьвіваць адносіны з Праваслаўнай Царквой, павінны сьведчыць пра каштоўнасьць Усходніх Цэркваў.
Па выніках свайго візіту ў Беларусь архібіскуп Кірыла (Васіль) адзначыў, што Грэка-Каталіцкая Царква ў Беларусі крочыць наперад у адносінах духоўнага жыцьця, але яшчэ “бедная і слабая” ў адносінах зьнешняй структуры. Як падкрэсьліў ватыканскі ярарх, там, дзе ёсьць Царква, патрэбны і яе бачныя структуры. Таму пытаньне стварэньня ерархічных структураў у Беларускай Грэка-Каталіцкай Царкве будзе абмяркоўвацца ў Дзяржсакратарыяце Апостальскай Сталіцы, у Папскай Радзе па спрыяньні хрысьціянскай еднасьці, а таксама з каталіцкімі ярархамі Беларусі і Апостальскім нунцыем.
Тэгі: Кангрэгацыя Ўсходніх Цэркваў, Цырыл Васіль, Апостальскі нунцый, Беларуская Грэка-Каталіцкая Царква, Усходнія Цэрквы, абрад, Беларусь, Ватыкан, Сьвяты Пасад
Гл. таксама:
Кардынал Паралін: дыпламатыя Сьвятога Пасаду служыць шматлікім Абэлям, якіх працягваюць забіваць Каіны гэтага сьвету
БГКЦ: Асэнсаваць духовую спадчыну і новыя заданьні
Рымскі Архірэй прыняў кадравыя рашэньні адносна Кангрэгацыі Ўсходніх Цэркваў
Ватыканскі ярарх назваў адраджэньне БГКЦ сапраўдным цудам
Душпастырская праграма візіту ў Беларусь Сакратара Кангрэгацыі Ўсходніх Цэркваў
Гэты артыкул чыталі 378 разоў (-ы)
