Пасьля малітвы Анёл Гасподні, якая 16 студзеня 2022 году прайшла на плошчы сьвятога Пятра ў Ватыкане, Папа Рымскі Францішак скіраваў заклік у сувязі з набліжэньнем Тыдня малітваў за еднасьціь хрысьціянаў — паведамляе Беларуская рэдакцыя Vatican News. 
Візіт Папы Рымскага на Кіпр і ў Грэцыю стане важным крокам на шляху «дыялогу любові» з Праваслаўнымі Цэрквамі. Такое меркаваньне выказаў старшыня Папскай Рады па спрыяньні еднасьці хрысьціянаў, кардынал Курт Кох. 
Як інфармуе Vatican News, у сёлетнім традыцыйным пасланьні Канстанцінопальскаму патрыярху з нагоды сьвята апостала Андрэя Першапакліканага, брата сьвятога Пятра, Папа Рымскі Францішак адзначыў, што іх супольная адказнасьць перад абліччам сучасных выклікаў вынікае з іх агульнай веры. 
У нядзелю, 28 лістапада 2021 году Апостальскі нунцый у Беларусі архібіскуп Антэ Ёзіч наведаў грэка-каталіцкую парафію сьвятога і праведнага Язэпа ў Менску. 
З 21 лістапада ў грэка-каталіцкіх парафіях Беларусі пачалася душпастырская навэнна перад сьвятам Апостала Андрэя Першапакліканага — асаблівага апекуна і заступніка Ўсходняй (Візантыйскай) Царквы, якога шануюць хрысьціяне як на Ўсходзе, так і на Захадзе. 
Сьвяткаванне 425-годдзя Берасьцейскай царкоўнай Уніі — аднаўленьня поўнай еднасьці (сулучнасьці) Усходняй Царквы на беларускіх і ўкраінскіх землях з Рымскім Апостальскім Пасадам — гэта ўспамін і асэнсаваньне 425 гадовага шляху, на працягу якога грэка-католікі і рыма-католікі сумесна абвяшчалі Хрыстовае Евангельле. 
Праблема міграцыі, міжнародныя канфлікты і важнасьць шматбаковага падыходу для пошуку іх вырашэньня абмяркоўваліся падчас візіту ў Ватыкан Федэральнага Прэзідэнта Германіі — паведамляе Vatican News. 
Адмыслова да 425-х угодкаў Берасьцейскай царкоўнай Уніі мастачка з Берасьця Ганна Цімашук стварыла шэраг мастацкіх партрэтаў выдатных постацяў Грэка-Каталіцкай Царквы, якія аддана служылі і прапаведавалі на Заходнім Палесьсі ў міжваенны час і пазьней працягвалі жыцьцё Беларускай Грэка-Каталіцкай Царквы на эміграцыі. 
«Без сумневу, Берасьцейская унія зьяўляецца адной з найбольш контраверсійных старонак у нашай царкоўнай і палітычнай гісторыі, і зьвязана гэта з пераломам і зьменамі, якія адбыліся ў духоўным і грамадзкім жыцьці ўкраінцаў і беларусаў у XVI—XVII стагоддзях. Яе наступствы былі доўгатрывалымі і ўплываюць на сёньняшні дзень. /.../ У (пост)савецкай гістарыяграфіі, а таксама ў навуковападобнай прапагандзе /.../ захоўваецца шэраг стэрэатыпаў адносна Берасьцейскай уніі, у прыватнасьці, уяўленьне пра яе як пра падзею, наступствам якой стала стварэньне новай Царквы», — лічыць дырэктар Інстытуту гісторыі Царквы і прарэктар па зьнешніх сувязях Украінскага каталіцкага ўніверсітэту ў Львове д-р Алег Турый. 
16 кастрычніка 2021 году Старшыня Канферэнцыі Каталіцкіх Біскупаў Беларусі біскуп Віцебскі Алег Буткевіч накіраваў ад імя каталіцкіх біскупаў Беларусі віншавальны ліст Апостальскаму візітатару для грэка-католікаў Беларусі Архімандрыту Сяргею Гаеку, у якім павіншаваў беларускіх грэка-католікаў з 425-годдзем Берасьцейскай царкоўнай Уніі. 
Галоўная 
Навіны хрысьціянскага сьвету
Навіны хрысьціянскага сьвету
31.03.2011
Ва Ўкраіне з візітам пабываў мелхіцкі патрыярх
28 сакавіка 2011 годуe завяршыўся візіт ва Ўкраіну Зьверхніка Мелхіцкай Грэка-Каталіцкай Царквы, Патрыярха Антыёхіі і ўсяго Ўсходу, Александрыі і Ерусаліму Рыгора III (Лагама).
Патрыярх Мелхіцкі Рыгор III у суправаджэньні двух прадстаўнікоў Сьвятога Сіноду гэтай блізкаўсходняй Царквы - Архібіскупа Мішэля Абраса і Мітрапаліта-емерита Жана Хадада, а таксама патрыяршага эканома і сакратара літургічнай камісіі а. Эліяса Чатаві наведалі Кіеў для ўдзелу ва ўрачыстых мерапрыемствах з нагоды інтранізацыі новаабранага Першаярарха УГКЦ Сьвятаслава (Шаўчука).
“Веру, што і Ўкраінская Грэка-Каталіцкая Царква, і Мелхіцкая Грэка-Каталіцкая Царква пакліканы да важнай задачы ў экуменічным дыялогу, паколькі гэтыя дзьве Царквы візантыйскага абраду (грэцкага і славянскага) зьяўляюцца самымі шматлікімі Цэрквамі ў сулучнасьці з Рымам”, - адзначыў зьверхнік блізкаўсходніх грэка-каталікоў у сваім прывітальным слове падчас чыну інтранізацыі Першаярарха УГКЦ у Патрыяршым саборы Ўваскрасеньня Хрыстова ў Кіеве.
Патрыярх адзначыў, што яго радуе разьвіцьцё брацкай царкоўнай сулучнасьці паміж дзьвюма Цэрквамі: “Гэтаму спрыяе маё даўняе сяброўства, ужо больш за 20 гадоў, з нашым дарагім братам і сябрам Яго Блаславенствам кардыналам Любамірам (Гузарам), вялікім волатам хрысьціянскага Ўсходу, сваёй традыцыі і спадчыны”. На думку Рыгора III, кардынал Любамір (Гузар) застаецца айцом Царквы, а разам з тым - вялікім абаронцам экуменічнай місіі Ўсходніх Каталіцкіх Цэркваў, якія ёсьць у поўнай сулучнасьці з Царквой Рымскай.
“Місія Ўсходніх Каталіцкіх Цэркваў заключаецца таксама ў вернасьці ўсходняй традыцыі і выхаваньні прыязных адносінаў з праваслаўнымі Цэрквамі, якія заўсёды застаюцца нашымі сёстрамі і бяруць актыўны ўдзел у экуменічным дыялогу”, - адзначыў Патрыярх Рыгор III.
Мелхіцкі патрыярх выказаў намер падтрымліваць сувязі паміж Цэрквамі, “паколькі мы павінны засяродзіць нашыя намаганьні на вялікім служэньні Царквы і свету, каб споўнілася малітва Хрыстова: “Каб усе былі адно... каб сьвет ім паверыў”, - адзначыў ярарх.
Мелхіцкі патрыярх таксама перадаў віншаваньні ад Маці ўсіх Цэркваў - Царквы Ерусалімскай, са Сьвятой Зямлі, дзе нарадзіўся Збаўца Ісус Хрыстос, і ад хрысьціянаў з Блізкага Ўсходу, які зьяўляецца калыскай хрысьціянства. Новаабранага Зьверхніка УГКЦ ён прывітаў таксама ад імя братоў, якія ўваходзяць у склад радыа Каталіцкіх Патрыярхаў Усходу.
На афіцыйным прыёме пасьля ўрачыстай Літургіі Патрыярх Рыгор III падарыў Найдастойнаму Сьвятаславу (Шаўчуку) сьвяточны амафор - пастырскі сымбаль архірэя.
У ходзе свайго візіту ва Ўкраіну зьверхнік Мелхіцкай Грэка-Каталіцкай Царквы таксама сустрэўся з членамі Сіноду Біскупаў УГКЦ і выказаў канкрэтныя прапановы па супрацоўніцтве паміж Украінскай Грэка-Каталіцкай і Мелхіцкай Грэка-Каталіцкай Цэрквамі. Рыгор III падарыў Першаярарху УГКЦ антымінс, як знак еднасьці паміж двума Цэрквамі-сёстрамі. А новы Зьверхнік УГКЦ Сьвятаслаў (Шаўчук) падарыў Патрыярху Рыгору III
велікодныя пісанкі, выкананыя вядомымі ўкраінскімі майстрамі.
Афіцыйная дэлегацыя Грэка-Мелхіцкай Царквы падчас знаходжаньня ў Кіеве наведала Сафію Кіеўскую і Кіева-Пячорскую лаўру. Напярэдадні інтранізацыі адбылася таксама братэрская сустрэча Патрыярха Рыгора III з кардыналам Любамірам Гузарам.
Паводле Дэпартаменту інфармацыі УГКЦ
Патрыярх Мелхіцкі Рыгор III у суправаджэньні двух прадстаўнікоў Сьвятога Сіноду гэтай блізкаўсходняй Царквы - Архібіскупа Мішэля Абраса і Мітрапаліта-емерита Жана Хадада, а таксама патрыяршага эканома і сакратара літургічнай камісіі а. Эліяса Чатаві наведалі Кіеў для ўдзелу ва ўрачыстых мерапрыемствах з нагоды інтранізацыі новаабранага Першаярарха УГКЦ Сьвятаслава (Шаўчука).“Веру, што і Ўкраінская Грэка-Каталіцкая Царква, і Мелхіцкая Грэка-Каталіцкая Царква пакліканы да важнай задачы ў экуменічным дыялогу, паколькі гэтыя дзьве Царквы візантыйскага абраду (грэцкага і славянскага) зьяўляюцца самымі шматлікімі Цэрквамі ў сулучнасьці з Рымам”, - адзначыў зьверхнік блізкаўсходніх грэка-каталікоў у сваім прывітальным слове падчас чыну інтранізацыі Першаярарха УГКЦ у Патрыяршым саборы Ўваскрасеньня Хрыстова ў Кіеве.
Патрыярх адзначыў, што яго радуе разьвіцьцё брацкай царкоўнай сулучнасьці паміж дзьвюма Цэрквамі: “Гэтаму спрыяе маё даўняе сяброўства, ужо больш за 20 гадоў, з нашым дарагім братам і сябрам Яго Блаславенствам кардыналам Любамірам (Гузарам), вялікім волатам хрысьціянскага Ўсходу, сваёй традыцыі і спадчыны”. На думку Рыгора III, кардынал Любамір (Гузар) застаецца айцом Царквы, а разам з тым - вялікім абаронцам экуменічнай місіі Ўсходніх Каталіцкіх Цэркваў, якія ёсьць у поўнай сулучнасьці з Царквой Рымскай.
“Місія Ўсходніх Каталіцкіх Цэркваў заключаецца таксама ў вернасьці ўсходняй традыцыі і выхаваньні прыязных адносінаў з праваслаўнымі Цэрквамі, якія заўсёды застаюцца нашымі сёстрамі і бяруць актыўны ўдзел у экуменічным дыялогу”, - адзначыў Патрыярх Рыгор III.
Мелхіцкі патрыярх выказаў намер падтрымліваць сувязі паміж Цэрквамі, “паколькі мы павінны засяродзіць нашыя намаганьні на вялікім служэньні Царквы і свету, каб споўнілася малітва Хрыстова: “Каб усе былі адно... каб сьвет ім паверыў”, - адзначыў ярарх.
Мелхіцкі патрыярх таксама перадаў віншаваньні ад Маці ўсіх Цэркваў - Царквы Ерусалімскай, са Сьвятой Зямлі, дзе нарадзіўся Збаўца Ісус Хрыстос, і ад хрысьціянаў з Блізкага Ўсходу, які зьяўляецца калыскай хрысьціянства. Новаабранага Зьверхніка УГКЦ ён прывітаў таксама ад імя братоў, якія ўваходзяць у склад радыа Каталіцкіх Патрыярхаў Усходу.
На афіцыйным прыёме пасьля ўрачыстай Літургіі Патрыярх Рыгор III падарыў Найдастойнаму Сьвятаславу (Шаўчуку) сьвяточны амафор - пастырскі сымбаль архірэя.
Афіцыйная дэлегацыя Грэка-Мелхіцкай Царквы падчас знаходжаньня ў Кіеве наведала Сафію Кіеўскую і Кіева-Пячорскую лаўру. Напярэдадні інтранізацыі адбылася таксама братэрская сустрэча Патрыярха Рыгора III з кардыналам Любамірам Гузарам.
Паводле Дэпартаменту інфармацыі УГКЦ
Гэты артыкул чыталі 227 разоў (-ы)
