Кардынал Крыстаф Шэнбарн у наступную сераду 13 красавіка 2011 году правядзе ў Рыме сусьветную прэзентацыю новага моладзевага катэхізму пад назвай “YouCat”. 
Новы Зьверхнік УГКЦ Уладыка Сьвятаслаў (Шаўчук), які знаходзіўся ў Рыме з візітам, мэта якога - засьведчыць поўную сулучнасьць з Рымскім Архірэем, 3 красавіка 2011 году адслужыў архірэйскую Боскую Літургію ў саборы Сьвятой Сафіі ў Рыме. 
Кардынал Вальтэр Каспэр заклікаў да “аднаўленьня літургічна-сакраментальнай культуры”. Літургію ня можна пастаянна “перарабляць”, сказаў былы старшыня Папскай Рады спрыяньня еднасьці хрысьціянаў на сімпозіюме, прысьвечаным літургіі, у нямецкім горадзе Фалендар. У сваю чаргу, цяперашні старшыня гэтай ватыканскай дыкастэрыі, швайцарскі кардынал Курт Кох лічыць, што неабходны новы літургічны рух. Ён павінен быць дастаткова моцным, каб абараніць добры плён пасьлясаборнага разьвіцьця літургіі і выправіць яго “цені”. 
“Я буду будаваць патрыярхат”, - так сказаў Зьверхнік УГКЦ Уладыка Сьвятаслаў (Шаўчук), адказваючы на пытаньне ўкраінскіх журналістаў, ці будзе ён называць сябе патрыярхам. 
Сусьветны Дзень моладзі сёлета пройдзе у Мадрыдзе (Гішпанія) з 16 па 21 жніўня. Сярод розных групаў моладзі з Беларусі з Менска рыхтуецца міжпарафіяльная група, якую зьбіраюць: рыма-каталіцкая парафія сьв. Яна Хрысьціцеля і грэка-каталіцкая парафія сьв. Міколы Цудатворцы. Адметнасьцю пілігрымкі стане наведваньне па дарозе экуменічнай супольнасьці ў Тэзэ (Францыя), дзе плануецца правесьці некалькі дзён і бліжэй даведацца пра духоўнасьць Тэзэ. 
У Менску ў ноч з 2 на 3 красавіка 2011 году маладыя вернікі сабраліся ў архікатэдры імя Найсьвяцейшай Марыі Панны на супольную малітву, каб ушанаваць памяць Вялікага Папы Яна Паўла II у шостыя ўгодкі яго сьмерці. Велікапоснае чуваньне моладзі ў Менску было прысьвечана тэме свабоды. Дэвізам спатканьня сталі словы сьв. апостала Паўла да Галатаў: “Дзеля свабоды вызваліў нас Хрыстос”. 
На нядзельнай малітве “Анёл Гасподні” 3 красавіка 2011 году Бенядыкт XVI ушанаваў памяць свайго папярэдніка Слугі Божага Яна Паўла II, шостую гадавіну сьмерці якога Царква адзначала 2 красавіка, і разважаў пра духоўны шлях хрысьціянна. 
31 сакавіка 2011 году каталіцкая парафія візантыйска-славянскага абраду сьв. Мікіты ў Кастамлотах разьвіталася са сваім шматгадовым душпастырам, духоўным вучнем беларускіх айцоў марыянаў, адданым прыхільнікам еднасьці хрысьціянаў Усходу і захаду, айцом архімандрытам Раманам Пенткам, MIC, які спачыў у Любліне на 74 годзе жыцьця 26 сакавіка. Апошнія гады жыцьця ён моцна пакутаваў ад раку, а трохі больш за год таму яму ампутавалі правую нагу. 
З 29 па 31 сакавіка 2011 году ў Ерусаліме праходзіла 10-ая сустрэча двухбаковай камісіі дэлегацыяў Галоўнага Рабінату Ізраіля і Камісіі Апостальскай Сталіцы па справах рэлігійных сувязяў з габрэямі. Удзельнікі гэтай сустрэчы разам разважалі над выклікамі, з якімі сустракаецца сучаснае грамадзтва. 
Галоўная 
Навіны за 2011 год
Навіны за 2011 год
06.04.2011
Першаярарх УГКЦ адслужыў архірэйскую літургію ў Рыме
Новы Зьверхнік УГКЦ Уладыка Сьвятаслаў (Шаўчук), які знаходзіўся ў Рыме з візітам, мэта якога - засьведчыць поўную сулучнасьць з Рымскім Архірэем, 3 красавіка 2011 году адслужыў архірэйскую Боскую Літургію ў саборы Сьвятой Сафіі ў Рыме.
Перад гэтым Зьверхнік УГКЦ меў сустрэчы ў розных ватыканскіх ведамствах, у прыватнасьці - у Дзяржаўным Сакратарыяце Апостальскай Сталіцы і Кангрэгацыі Ўсходніх Цэркваў. 1 красавіка 2011 году Ўладыка Сьвятаслаў наведаў базыльянскую манаскую супольнасьць Вечнага Гораду: пабываў у Генеральнай Управе Сясьцёр Чыну Сьвятога Васіля Вялікага і ў Галоўным Доме Айцоў Базыльянаў, дзе адбылася сустрэча з супольнасьцю, падчас якой новы Зьверхнік Царквы выказаў свае пажаданьні адносна будучага супрацоўніцтва з гэтым манаскім Чынам і адказаў на пытаньні.
Перад пачаткам Боскай Літургіі ў нядзелю, 3 красавіка, новага Зьверхніка УГКЦ Вярхоўнага Архібіскупа Сьвятаслава (Шаўчука) прывітаў айцец д-р Іван Музычка, рэктар украінскага грэка-каталіцкага пракатэдральнага сабора Сьвятой Сафіі ў Рыме.
З Першаярархам УГКЦ саслужылі мітрапаліты і члены Пастаяннага Сіноду, якія суправаджалі Ўладыку Сьвятаслава падчас яго візіту ў Апостальскую Сталіцу, ды іншыя ўладыкі, Прэфект Кангрэгацыі Ўсходніх Цэркваў кардынал Леанарда Сандры, і Генеральны Сакратар Сіноду Біскупаў Каталіцкай Царквы Архібіскуп Нікола Этэеровіч. На набажэнстве былі таксама сакратар Папскай Рады па справах еднасьці хрысьціянаў а. Мілан Жуст, прадстаўнікі Рымскай курыі, грэка-катліцкія сьвятары, якія навучаюцца ці служаць у Італіі, а таксама тыя, што прыбылі на гэтую падзею з Украіны і іншых краінаў. На супольную малітву з новым украінскім першаярархам сабраліся манахі з усіх супольнасьцяў УГКЦ, якія маюць свае дамы ў Рыме, і шматлікія сьвецкія вернікі. Былі таксама прадстаўнікі духавенства і манаства з іншых Цэркваў свайго права, прадстаўнікі дыпламатычнага корпусу. Сьпяваў хор семінарыстаў, якія навучаюцца ў папскіх калегіях.
У прывітальным слове Кардынал Леанарда Сандры, Прэфект Кангрэгацыі Ўсходніх Цэркваў, выказаў радасьць з нагоды сваёй прысутнасьці на гэтай урачыстасьці, прачытаў і афіцыйна перадаў арыгінал ліста Сьвятога Айца Бенядыкта XVI, якім ён зацьвердзіў рашэньне Сіноду Біскупаў УГКЦ аб выбары новага Вярхоўнага Архібіскупа Кіева-Галіцкага, а таксама падарыў Уладыку Сьвятаславу (Шаўчуку) медаль пантыфікату Ўсяленскага Архірэя Бенядыкта ХVI.
Фота: John Sonnen з сайтаў: New liturgical movement, Orbis catholicus secundus
Перад гэтым Зьверхнік УГКЦ меў сустрэчы ў розных ватыканскіх ведамствах, у прыватнасьці - у Дзяржаўным Сакратарыяце Апостальскай Сталіцы і Кангрэгацыі Ўсходніх Цэркваў. 1 красавіка 2011 году Ўладыка Сьвятаслаў наведаў базыльянскую манаскую супольнасьць Вечнага Гораду: пабываў у Генеральнай Управе Сясьцёр Чыну Сьвятога Васіля Вялікага і ў Галоўным Доме Айцоў Базыльянаў, дзе адбылася сустрэча з супольнасьцю, падчас якой новы Зьверхнік Царквы выказаў свае пажаданьні адносна будучага супрацоўніцтва з гэтым манаскім Чынам і адказаў на пытаньні.
Перад пачаткам Боскай Літургіі ў нядзелю, 3 красавіка, новага Зьверхніка УГКЦ Вярхоўнага Архібіскупа Сьвятаслава (Шаўчука) прывітаў айцец д-р Іван Музычка, рэктар украінскага грэка-каталіцкага пракатэдральнага сабора Сьвятой Сафіі ў Рыме.
Велічны грэка-каталіцкі храм Сьвятой Сафіі Мудрасьці Божай у візантыйскім стылі збудаваў у Вечным Горадзе ў 1967-68 гг. кардынал Ёсіф Сьліпы. У той час галоўная рэзідэнцыя Зьверхніка Грэка-Каталіцкай Царквы - Архікатэдральны сабор Сьвятога Юрыя ў Львове - апынулася ў карыстаньні Расейскай Праваслаўнай Царкв і часовым цэнтрам УГКЦ стаў сабор Сьвятой Сафіі ў Рыме. У 1985 годзе Слуга Божы Ян Павел II устанавіў пры гэтым храме тытул прасьвітарскага кардынальскага чыну, а ў 1998 годзе царкве атрымалала статус малой базылікі. На сёння кардыналам з тытулам Santa Sofia in via Boccea зьяўляецца Ўладыка Любамір Гузар, адстаўны Архібіскуп Кіева-Галіцкі.
З Першаярархам УГКЦ саслужылі мітрапаліты і члены Пастаяннага Сіноду, якія суправаджалі Ўладыку Сьвятаслава падчас яго візіту ў Апостальскую Сталіцу, ды іншыя ўладыкі, Прэфект Кангрэгацыі Ўсходніх Цэркваў кардынал Леанарда Сандры, і Генеральны Сакратар Сіноду Біскупаў Каталіцкай Царквы Архібіскуп Нікола Этэеровіч. На набажэнстве былі таксама сакратар Папскай Рады па справах еднасьці хрысьціянаў а. Мілан Жуст, прадстаўнікі Рымскай курыі, грэка-катліцкія сьвятары, якія навучаюцца ці служаць у Італіі, а таксама тыя, што прыбылі на гэтую падзею з Украіны і іншых краінаў. На супольную малітву з новым украінскім першаярархам сабраліся манахі з усіх супольнасьцяў УГКЦ, якія маюць свае дамы ў Рыме, і шматлікія сьвецкія вернікі. Былі таксама прадстаўнікі духавенства і манаства з іншых Цэркваў свайго права, прадстаўнікі дыпламатычнага корпусу. Сьпяваў хор семінарыстаў, якія навучаюцца ў папскіх калегіях.
Кардынал Леанарда Сандры і Першаярарх УГКЦ Сьвятаслаў Шаўчук
У прывітальным слове Кардынал Леанарда Сандры, Прэфект Кангрэгацыі Ўсходніх Цэркваў, выказаў радасьць з нагоды сваёй прысутнасьці на гэтай урачыстасьці, прачытаў і афіцыйна перадаў арыгінал ліста Сьвятога Айца Бенядыкта XVI, якім ён зацьвердзіў рашэньне Сіноду Біскупаў УГКЦ аб выбары новага Вярхоўнага Архібіскупа Кіева-Галіцкага, а таксама падарыў Уладыку Сьвятаславу (Шаўчуку) медаль пантыфікату Ўсяленскага Архірэя Бенядыкта ХVI.
 |
 |
 |
 |
 |
Фота: John Sonnen з сайтаў: New liturgical movement, Orbis catholicus secundus
Гэты артыкул чыталі 251 разоў (-ы)
