25 красавіка 2022 году Прэс-цэнтар Сьвятога Пасаду паведаміў, што Сьвяты Айцец Францішак прыняў адстаўку ад пастырскага кіраваньня грэка-каталіцкай Прэшаўскай архіяпархіяй у Славакіі архібіскупа-мітрапаліта Яна Бабяка, SJ. Адначасова Папа Францішак прызначыў біскупа Пятра Руснака з Браціслаўскай япархіі Апостальскім адміністратарам sede vacante Прэшаўскай архіяпархіі. 
6 красавіка 2022 году, напрыканцы агульнай аўдыенцыі, Папа Рымскі Францішак гаварыў пра вайну ва Ўкраіне і памаліўся з украінскімі дзецьмі, якія знайшлі прытулак у Рыме — паведамляе Vatican News. 
Ваенная агрэсія Расеі супраць Украіны зьяўляецца злачынствам супраць міжнароднага права, правоў чалавека, свабоды і гуманізму — лічаць члены Міжнароднай тэалагічнай камісіі. Пра гэта яны скіравалі адмысловую заяву — паведамляе Vatican News. 
Сьвяты Айцец завяршыў агульную аўдыенцыю, якая 16 сакавіка 2022 года прайшла ў ватыканскай Зале Паўла VI, адмысловай малітвай, якая нарадзілася ў сувязі з вайной ва Ўкраіне, паведамляе Vatican News. 
20 студзеня 2022 г. у грэка-каталіцкай царкве сьв. братоў-апосталаў Пятра і Андрэя адбылася Экуменічная малітоўная сустрэча з нагоды 500-годдзя выданьня “Малой падарожнай кніжкі” Францішка Скарыны, выдадзенай у Вільні ў 1522 г. 
Пасьля малітвы Анёл Гасподні, якая 16 студзеня 2022 году прайшла на плошчы сьвятога Пятра ў Ватыкане, Папа Рымскі Францішак скіраваў заклік у сувязі з набліжэньнем Тыдня малітваў за еднасьціь хрысьціянаў — паведамляе Беларуская рэдакцыя Vatican News. 
Візіт Папы Рымскага на Кіпр і ў Грэцыю стане важным крокам на шляху «дыялогу любові» з Праваслаўнымі Цэрквамі. Такое меркаваньне выказаў старшыня Папскай Рады па спрыяньні еднасьці хрысьціянаў, кардынал Курт Кох. 
Як інфармуе Vatican News, у сёлетнім традыцыйным пасланьні Канстанцінопальскаму патрыярху з нагоды сьвята апостала Андрэя Першапакліканага, брата сьвятога Пятра, Папа Рымскі Францішак адзначыў, што іх супольная адказнасьць перад абліччам сучасных выклікаў вынікае з іх агульнай веры. 
У нядзелю, 28 лістапада 2021 году Апостальскі нунцый у Беларусі архібіскуп Антэ Ёзіч наведаў грэка-каталіцкую парафію сьвятога і праведнага Язэпа ў Менску. 
З 21 лістапада ў грэка-каталіцкіх парафіях Беларусі пачалася душпастырская навэнна перад сьвятам Апостала Андрэя Першапакліканага — асаблівага апекуна і заступніка Ўсходняй (Візантыйскай) Царквы, якога шануюць хрысьціяне як на Ўсходзе, так і на Захадзе. 
Галоўная 
Навіны хрысьціянскага сьвету
Навіны хрысьціянскага сьвету
30.06.2011
Пра эвалюцыю ў кантэксьце веры
Прэзентацыя кнігі, якая ёсьць падсумаваньнем працы кангрэсу «Біялагічная эвалюцыя, факты і тэорыі» адбылася 27 траўня 2011 году ў Папскім Грыгарыянскім універсітэце ў Рыме. Сам кангрэс праходзіў у гэтай навучальнай установе з 3 па 7 сакавіка пад патранатам Папскай Рады па справах культуры ў рамках праекту STOQ, назва якога зьяўляецца абрэвіятурай з англійскай мовы (Science, Theology and the ontological Quest) і азначае «Навука, багаслоўе і анталагічныя пытаньні».
Характэрнай культурнай зьявай нашых дзён кардынал Равазі назваў той факт, што для многіх людзей цалкам несумяшчальнымі зьяўляецца вера ў Бога-Творцу і навуковая тэорыя эвалюцыі. Навукоўцы часам стаяць перад драматычным рашэньнем падзелу паміж сваёй верай і досьведам.
Прэзідэнт Папскай Рады па справах культуры падкрэсьліў, што Царква не асудзіла ні Дарвіна, ні яго навуковую тэорыю, якая зьяўляецца чымсьці іншым, чым «эвалюцыянісцкая і матэрыялістычная псеўда-метафізіка», якая ўзьнікла на яе аснове і ня можа лічыцца навуковай. Такому ідэалагічнаму погляду Царква супрацьпастаўляе ідэю стварэньня, якая азначае залежнасьць ад Творцы, але не выключае такіх канцэпцыяў, як «выпадак». Кардынал Равазі адзначыў: «Трэба працаваць над пашырэньнем культурнай думкі, шукаючы шляхі, якія б прадстаўлялі цэласнае і гарманічнае бачаньне Боскага тварэньня, у якім прырода разьвіваецца і эвалюцыянуе згодна з законамі, якія ўстаноўлены Творцам, і, такім чынам, дасягнуць гэтак жаданае «унітарнае і арганічнае бачаньне ведаў», пра якое згадваў Ян Павел II у энцыкліцы Fides et Ratio».
Кардынал Джанфранка Равазі нагадаў, што яшчэ папа Пій XII прызнаў, што эвалюцыянізм ня ёсьць спрэчным з верай, а Ян Павел II у 1996 годзе, заўважыў: “Новыя адкрыцьці ў навуцы дапамагаюць нам прызнаць, што тэорыя эвалюцыі гэта нешта большае, чым гіпотэза”.
У свой час папа Ян Павел II сказаў: “Навука можа ачысьціць рэлігію ад забабонаў, але рэлігія можа ачысьціць навуку ад фальшывых сьцьверджаньняў”.
Паводле Credo-ua.org
Прэзідэнт Папскай Рады па справах культуры падкрэсьліў, што Царква не асудзіла ні Дарвіна, ні яго навуковую тэорыю, якая зьяўляецца чымсьці іншым, чым «эвалюцыянісцкая і матэрыялістычная псеўда-метафізіка», якая ўзьнікла на яе аснове і ня можа лічыцца навуковай. Такому ідэалагічнаму погляду Царква супрацьпастаўляе ідэю стварэньня, якая азначае залежнасьць ад Творцы, але не выключае такіх канцэпцыяў, як «выпадак». Кардынал Равазі адзначыў: «Трэба працаваць над пашырэньнем культурнай думкі, шукаючы шляхі, якія б прадстаўлялі цэласнае і гарманічнае бачаньне Боскага тварэньня, у якім прырода разьвіваецца і эвалюцыянуе згодна з законамі, якія ўстаноўлены Творцам, і, такім чынам, дасягнуць гэтак жаданае «унітарнае і арганічнае бачаньне ведаў», пра якое згадваў Ян Павел II у энцыкліцы Fides et Ratio».Кардынал Джанфранка Равазі нагадаў, што яшчэ папа Пій XII прызнаў, што эвалюцыянізм ня ёсьць спрэчным з верай, а Ян Павел II у 1996 годзе, заўважыў: “Новыя адкрыцьці ў навуцы дапамагаюць нам прызнаць, што тэорыя эвалюцыі гэта нешта большае, чым гіпотэза”.
У свой час папа Ян Павел II сказаў: “Навука можа ачысьціць рэлігію ад забабонаў, але рэлігія можа ачысьціць навуку ад фальшывых сьцьверджаньняў”.
Паводле Credo-ua.org
Гэты артыкул чыталі 239 разоў (-ы)
