25 красавіка 2022 году Прэс-цэнтар Сьвятога Пасаду паведаміў, што Сьвяты Айцец Францішак прыняў адстаўку ад пастырскага кіраваньня грэка-каталіцкай Прэшаўскай архіяпархіяй у Славакіі архібіскупа-мітрапаліта Яна Бабяка, SJ. Адначасова Папа Францішак прызначыў біскупа Пятра Руснака з Браціслаўскай япархіі Апостальскім адміністратарам sede vacante Прэшаўскай архіяпархіі. 
6 красавіка 2022 году, напрыканцы агульнай аўдыенцыі, Папа Рымскі Францішак гаварыў пра вайну ва Ўкраіне і памаліўся з украінскімі дзецьмі, якія знайшлі прытулак у Рыме — паведамляе Vatican News. 
Ваенная агрэсія Расеі супраць Украіны зьяўляецца злачынствам супраць міжнароднага права, правоў чалавека, свабоды і гуманізму — лічаць члены Міжнароднай тэалагічнай камісіі. Пра гэта яны скіравалі адмысловую заяву — паведамляе Vatican News. 
Сьвяты Айцец завяршыў агульную аўдыенцыю, якая 16 сакавіка 2022 года прайшла ў ватыканскай Зале Паўла VI, адмысловай малітвай, якая нарадзілася ў сувязі з вайной ва Ўкраіне, паведамляе Vatican News. 
20 студзеня 2022 г. у грэка-каталіцкай царкве сьв. братоў-апосталаў Пятра і Андрэя адбылася Экуменічная малітоўная сустрэча з нагоды 500-годдзя выданьня “Малой падарожнай кніжкі” Францішка Скарыны, выдадзенай у Вільні ў 1522 г. 
Пасьля малітвы Анёл Гасподні, якая 16 студзеня 2022 году прайшла на плошчы сьвятога Пятра ў Ватыкане, Папа Рымскі Францішак скіраваў заклік у сувязі з набліжэньнем Тыдня малітваў за еднасьціь хрысьціянаў — паведамляе Беларуская рэдакцыя Vatican News. 
Візіт Папы Рымскага на Кіпр і ў Грэцыю стане важным крокам на шляху «дыялогу любові» з Праваслаўнымі Цэрквамі. Такое меркаваньне выказаў старшыня Папскай Рады па спрыяньні еднасьці хрысьціянаў, кардынал Курт Кох. 
Як інфармуе Vatican News, у сёлетнім традыцыйным пасланьні Канстанцінопальскаму патрыярху з нагоды сьвята апостала Андрэя Першапакліканага, брата сьвятога Пятра, Папа Рымскі Францішак адзначыў, што іх супольная адказнасьць перад абліччам сучасных выклікаў вынікае з іх агульнай веры. 
У нядзелю, 28 лістапада 2021 году Апостальскі нунцый у Беларусі архібіскуп Антэ Ёзіч наведаў грэка-каталіцкую парафію сьвятога і праведнага Язэпа ў Менску. 
З 21 лістапада ў грэка-каталіцкіх парафіях Беларусі пачалася душпастырская навэнна перад сьвятам Апостала Андрэя Першапакліканага — асаблівага апекуна і заступніка Ўсходняй (Візантыйскай) Царквы, якога шануюць хрысьціяне як на Ўсходзе, так і на Захадзе. 
Навіны хрысьціянскага сьвету
12.06.2009
З 7 па 12 ліпеня 2009 году адбудзецца 15-ая штогадовая пілігрымка беларускіх грэка-каталікоў з Віцебску ў Полацак у памяць пра манахаў-базыльянаў, забітых расейскім царом Пятром I ва ўніяцкай катэдры сьв. Сафіі ў Полацку 11 ліпеня 1705 году.
Пра пачаткі гэтай пілігрымкі ўзгадвае полацкі манах-студыт а. Лявонці (Тумоўскі), які шмат гадоў займаўся арганізацыяй гэтай пілігрымкі, а цяпер студыюе ў Рыме:
«Пілігрымка ад самага пачатку была задуманая, як дзень ушанаваньня памяці полацкіх мучанікаў – пяці манахаў базыльянаў, якія былі забітыя ў 1705 годзе ў полацкім Сафійскім саборы царом Пятром І. Канешне, тут можа й ёсьць палітычныя нейкія канатацыі, але для нас, хрысьціянаў, галоўнымі зьяўляюцца ня тыя, хто забіваў, але забітыя. Для нас было важна, што мучанікі аддалі сваё жыцьцё за веру. Яны хацелі застацца вернымі сваёй Царкве, свайму народу і пакліканьню, якое яны атрымалі ад Бога. Таму ідзем у Полацак. Пачынаем у Віцебску, у месцы сьмерці сьвятога Язафата. І сьвяты Язафат, і полацкія мучанікі належалі да той самай Царквы, што і мы.
Ёсьць яшчэ адна важная мэта пілігрымкі, якая была ад самага пачатку. Калі мы пачыналі хадзіць у Полацак у 1995 годзе, на нашым шляху не было ніводнага дзеючага храму. Не было ўжо з 1930-х гадоў. На гэтай тэрыторыі асабліва жорстка зьнішчаліся храмы. Таму адной з мэтай стала евангелізацыя. У кожнай вёсцы, дзе мы начуем, мы стараемся ладзіць евангелізацыйныя сустрэчы з жыхарамі. Абвяшчэньне ім Хрыста застаецца для нас вельмі істотным заданьнем».
Вы таксама можаце далучыцца да пілігрымкі і прайсьці гэты шлях у супольнай малітве, у духу любові.
Кантакт: а. Андрэй Буйніч (029) 566.24.14 (МТС), (044) 776.24.14 (VEL).
РАСКЛАД РУХУ ПІЛІГРЫМКІ ВІЦЕБСК – ПОЛАЦАК, 2009
07.07 (Аўторак)
Віцебск, 20.00 - малебен на Ўсьпенскай Горцы.
Начлег у школе побач з касьцёлам сьв. Барбары (вул.Ленінградзкая).
08.07 (Серада)
Віцебск, 6.30 - малебен у касьцёле сьв. Барбары (вул.Ленінградзкая).
7.00 - пачатак руху ад касьцёла сьв. Барбары.
Шуміліна, 18.30 – Боская Літургія ў рыма-каталіцкай капліцы сьв. Язафата ды начоўка там жа.
09.07 (Чацьвер)
Шуміліна, 7.30 – Боская Літургія ў рыма-каталіцкай капліцы сьв. Язафата.
9.00 - пачатак руху.
Вобаль, 17.00 – начлег у школе.
10.07 (Пятніца)
Вобаль, 7.30 – Боская Літургія ў рыма-каталіцкай капліцы.
9.00 - пачатак руху
Гараны, 17.00 – начлег у школе.
11.07 (Субота)
Гараны, 10.00 – пачатак руху
Струньне, 12.00-13.00 – стаянка.
Полацак, 16.00 – царква сьв.Сафіі.
18.00 – царква сьв. Параскевы Полацкай.
Гл. таксама:
Удзельнікі грэка-каталіцкай пілігрымкі будуць натхняцца спадчынай Скарыны
Пілігрымка БГКЦ: верыць у адзіную Царкву
Беларускія грэка-католікі запрашаюць у пілігрымку
Грэка-католікі ўшанавалі памяць Полацкіх мучанікаў
Беларускія грэка-католікі запрашаюць у пілігрымку ў Полацак
