Кіраўнік Залы Друку Сьвятога Пасаду Матэа Бруні апублікаваў заяву па Беларусі. Яна стала адказам на шматлікія запыты журналістаў. 
Адрачыся ад саміх сябе і мараў пра веліч, каб паставіць Бога і людзей у цэнтар штодзённых клопатаў заклікаў Папа Рымскі Францішак французскіх сьвятароў, якія атрымліваюць адукацыю ў Рыме — паведамляе Беларуская рэдакцыя парталу Vatican News. 
Апостальскі нунцый у Рэспубліцы Беларусь архібіскуп Антэ Ёзіч у прыватным парадку наведаў праваслаўны Сьвята-Ўсьпенскі манастыр у Жыровічах, дзе памаліўся перад адной з самых шанаваных хрысьціянскіх сьвятыняў Беларусі — цудатворнай іконай Маці Божай Жыровіцкай, паведамляе Catholic.by. 
22 траўня 2021 году Апостальскі нунцый у Рэспубліцы Беларусь архібіскуп Антэ Ёзіч наведаў рыма-каталіцкую парафію Ўнебаўзяцьця Найсьвяцейшай Панны Марыі ў Пружане (Пінская дыяцэзія), дзе падчас урачыстай сьвятой Імшы зьдзейсьніў асьвячэньне абраза Маці Божай Апякункі лясоў — паведамляе Catholic.by. 
У Янаве на Палесьсі адзначылі ўрачыстасьць у гонар сьвятога Андрэя Баболі — апекуна Пінскай рыма-каталіцкай дыяцэзіі. Ва ўрачыстасьці бралі ўдзел і грэка-католікі. 
Група грэка-каталіцкіх пілігрымаў з Менску і Івацэвічаў 11 траўня 2021 году прыехала ў Стоўпцы, каб памаліцца і ўшанаваць памяць беларускага грэка-каталіцкага сьвятара Льва Гарошкі, які пэўны час служыў там, паведамляе сайт Svjazep.org. 
11 траўня 2021 году Нацыянальны санктуарыюм Маці Божай Будслаўскай, дзе здарыўся пажар, у той жа дзень наведалі каталіцкія біскупы Беларусі, паведамляе Catholic.by. Ярархі заклікалі ўсіх да малітвы і далучыцца да збору ахвяраваньняў на аднаўленьне старажытнай сьвятыні. 
Раніцай 11 траўня 2021 году ў Нацыянальным санктуарыюме Маці Божай у Будславе здарыўся пажар у выніку ўзгараньня на даху. Патушыць агонь не ўдавалася на працягу некалькіх гадзінаў, у выніку чаго дах абрынуўся на скляпеньні. 
18 красавіка 2021 году мінула 40 гадоў ад дня спачыну Слугі Божага біскупа Баляслава Слосканса, які на працягу многіх гадоў, у вельмі складаныя часы, быў архіпастырам беларускіх католікаў лацінскага і візантыйскага абрадаў як у Беларусі, так і за яе межамі. 
Біскуп Віцебскі Алег Буткевіч абраны новым старшынём Канферэнцыі каталіцкіх біскупаў у Беларусі (ККББ). Выбары прайшлі 14 красавіка 2021 году на 80-м пленарным пасяджэньні біскупскай асамблеі. Пасяджэньне было прымеркаванае да 30-годдзя адраджэньня структураў Каталіцкай Царквы ў Беларусі. 
Галоўная 
Навіны хрысьціянскага сьвету
Што значыць быць сьведкамі Хрыста ў сьвеце – сваё разважаньне на гэтую тэму прапанаваў беларускім удзельнікам XXVI Сусьветнага Дня моладзі ў Мадрыдзе Мітрапаліт Менска-Магілёўскі архібіскуп Тадэвуш Кандрусевіч падчас катэхезы 19 жніўня 2011 году.
“Сьвет бяз Бога становіцца пеклам, ён характарызуецца эгаізмам, разьбітымі сем’ямі, нянавісьцю паміж асобнымі людзьмі і цэлымі народамі, недахопам любові, радасьці і надзеі”, – сказаў беларускі ярарх.
Мітрапаліт Кандрусевіч падкрэсьліў, што хрысьціянін ня мае права захоўваць дар веры толькі для сябе – ім трэба дзяліцца. Для гэтага вакол сябе трэба стварыць такую атмасферу, якая магла б спрыяць перадачы веры іншым людзям.
Беларускі архіпастыр нагадаў таксама словы з Пасланьня Бенядыкта XVI на XXVI Сусьветны Дзень моладзі: “Сучасны чалавек, калі паверыць, будзе жыць вераю і яе сьведчыць, то стане інструментам, дзякуючы якому іншыя змогуць знайсьці сэнс і радасьць жыцьця, якое нараджаецца ад спатканьня з Хрыстом”.
Напрыканцы сваёй катэхезы для беларускай моладзі Ўладыка Кандрусевіч адзначыў: “Люстэрка не зьяўляецца крыніцай сьвятла, але з яго дапамогай можна паслаць сонечнае сьвятло туды, куды яно ніколі не даходзіць. Таксама і мы павінны быць Божымі люстэркамі і перадаваць сьвятло Евангельля тым, якія яго не атрымалі”.
Поўны тэкст катэхезы Мітрапаліта Тадэвуша Кандрусевіча гл. тут.
Навіны хрысьціянскага сьвету
21.08.2011
Хрысьціянін ня мае права захоўваць дар веры толькі для сябе
Што значыць быць сьведкамі Хрыста ў сьвеце – сваё разважаньне на гэтую тэму прапанаваў беларускім удзельнікам XXVI Сусьветнага Дня моладзі ў Мадрыдзе Мітрапаліт Менска-Магілёўскі архібіскуп Тадэвуш Кандрусевіч падчас катэхезы 19 жніўня 2011 году.
“Сьвет бяз Бога становіцца пеклам, ён характарызуецца эгаізмам, разьбітымі сем’ямі, нянавісьцю паміж асобнымі людзьмі і цэлымі народамі, недахопам любові, радасьці і надзеі”, – сказаў беларускі ярарх. Мітрапаліт Кандрусевіч адзначыў, што сёньня, тым ян менш, шмат людзей шукае Бога і сэнсу свайго жыцьця. Менавіта таму існуе вялікая патрэба новай евангелізацыі, як да гэтага заклікаў блаславёны Ян Павел II і як заклікае яго пераемнік Папа Бенядыкт XVI. “Сусьветныя духоўныя пустыні павінны быць засеяны словам Божым”, – сказаў Уладыка Тадэвуш. Ён заклікаў беларускую моладзь евангелізаваць сваё асяроддзе. Гэта азначае паказаць Хрыста іншым, паказаць нашымі словамі і нашым штодзённым жыцьцём. Таму мы пакліканы гаварыць пра нашую веру і сьведчыць яе сваім
дзеямі, пакліканы зьвярнуць да Бога нашых сучасьнікаў, паказваючы ім аблічча Хрыста. Пры гэтым павінны дзейнічаць разам з Ім і паводле Ягонага слова, каб служыць сьвету і тым, хто мае найбольшую патрэбу.
Мітрапаліт Кандрусевіч падкрэсьліў, што хрысьціянін ня мае права захоўваць дар веры толькі для сябе – ім трэба дзяліцца. Для гэтага вакол сябе трэба стварыць такую атмасферу, якая магла б спрыяць перадачы веры іншым людзям.
Беларускі архіпастыр нагадаў таксама словы з Пасланьня Бенядыкта XVI на XXVI Сусьветны Дзень моладзі: “Сучасны чалавек, калі паверыць, будзе жыць вераю і яе сьведчыць, то стане інструментам, дзякуючы якому іншыя змогуць знайсьці сэнс і радасьць жыцьця, якое нараджаецца ад спатканьня з Хрыстом”.
Напрыканцы сваёй катэхезы для беларускай моладзі Ўладыка Кандрусевіч адзначыў: “Люстэрка не зьяўляецца крыніцай сьвятла, але з яго дапамогай можна паслаць сонечнае сьвятло туды, куды яно ніколі не даходзіць. Таксама і мы павінны быць Божымі люстэркамі і перадаваць сьвятло Евангельля тым, якія яго не атрымалі”.
Поўны тэкст катэхезы Мітрапаліта Тадэвуша Кандрусевіча гл. тут.
Гэты артыкул чыталі 358 разоў (-ы)
