Наведваньне Фрайбурга стала заключным этапам афіцыйнага візіту Папы Бенядыкта XVI у Нямеччыну, які завяршыўся ў нядзелю 25 верасьня 2011 году. 
З нагоды 80-гадовага юбілею народнага паэта Беларусі Ніла Гілевіча ў нядзелю, 2 кастрычніка ў Чырвоным касьцёле сьв. Сымона і Алены будзе адслужана сьв. Імша за яго здароўе – аб гэтым паведаміла Прэсавая служба Саюзу беларускіх пісьменьнікаў. 
Кардынал Кох пра дыялог з праваслаўнымі 
У Кіеве 19-24 верасьня 2011 году прайшлі ўрачыстыя мерапрыемствы, прысьвечаныя 1000-гадоваму юбілею Сафіі Кіеўскай – катэдральнага сабору Кіеўскіх мітрапалітаў. Паводле рашэньня Сінодаў УГКЦ, УПЦ КП і УПЦ МП гэты юбілей адзначаўся ня толькі на дзяржаўным, але і на царкоўным узроўні. 
У нядзелю, 25 верасьня, у Празе ў царкве сьвятых Кузьмы і Дзям’яна аднаўляюцца беларускія набажэнствы. Кожную апошнюю нядзелю месяца іх будзе служыць беларускі грэка-каталіцкі сьвятар айцец Андрэй Абламейка. 
Чарговая сустрэча Хрысьціянскага літаратурнага клубу, які дзейнічае пры Чырвоным касьцёле сьв. Сымона і Алены ў Менску, 24 верасьня 2011 году будзе прысьвечана асобе і творчасьці ангельскага пісьменьніка, журналіста і літаратуразнаўцы Гілберта Кійта Чэстэртана. 
Некалькі дзясяткаў чалавек – вернікі, студэнты, выкладчыкі – сабраліся на першую ў Беларусі прэзентацыю кнігі выбраных твораў Вінцука Адважнага (а. Язэпа Германовіча), зладжаную гарадзенскай грэка-каталіцкай парафіяй. 
11-13 верасьня 2011 году ў архідыяцэзіі Мюнхен-Фрайзінг у Нямеччыне адбылася Міжрэлігійная малітоўная сустрэча за мір “у духу Асізі”. Арганізатарам гэтага мерапрыемства зьяўляецца Супольнасьць сьв. Эгідзія. 
У суботні вечар, 17 верасьня 2011 году, на плошчы Незалежнасьці каля Чырвонага касьцёлу адбыўся евангелізацыйны канцэрт-малітва за Беларусь. Арганізатарам яго была супольнасьць “Каштоўная пярліна” з руху "Сьвятло-Жыцьцё", якая запрасіла для сумеснай малітвы за Бацькаўшчыну ў цэнтры сталіцы грэка-католікаў з Берасьця з супольнасьці "Маран ата" і вернікаў іншых хрысьціянскіх канфесіяў. 
У Рыме з 7 па 16 верасьня 2011 году праходзіла сустрэча-семінар на тэму Сьвятога Духа ў жыцьці біскупаў і Царквы, арганізаваная Канрэгацыяй па справах біскупаў і Кангрэгацыяй Усходніх Цэркваў для нядаўна высьвячаных біскупаў. На сустрэчу ў Рыме сабраліся амаль 120 біскупаў розных абрадаў з 35 краінаў сьвету, што былі высьвячаныя на працягу апошніх дванаццаці месяцаў. 15 верасьня нядаўна хіратанізаваных біскупаў прыняў у Кастэль Гандольфа Рымскі Архірэй Бенядыкт XVI. 
Навіны за 2011 год
24.09.2011
У нядзелю, 25 верасьня, у Празе ў царкве сьвятых Кузьмы і Дзям’яна аднаўляюцца беларускія набажэнствы. Кожную апошнюю нядзелю месяца іх будзе служыць беларускі грэка-каталіцкі сьвятар айцец Андрэй Абламейка.
У інтэрв’ію Радыё Свабода айцец Андрэй Абламейка сказаў:“Я рады паведаміць пражскім вернікам і ўсім беларусам, што наша Беларускае грэка-каталіцкае душпастырства Дабравешчаньня Найсьвяцейшай Багародзіцы ў Празе пасьля летніх вакацыяў аднаўляе штомесячныя набажэнствы. Запрашаю сем’і, у якіх ёсьць малыя дзеці, прыводзіць іх на заняткі ў нядзельнай школцы.
Апрача сьвятых Літургіяў у кожную апошнюю нядзелю месяца мы таксама будзем служыць на Дзяды, на Каляды, на Дабравешчаньне 25 сакавіка і на Вялікдзень. На Дзяды і на Дзень Волі разам наведаемся на Альшанскія могілкі, асьвецім магілы і памолімся за нашых герояў. Таксама ў маіх планах арганізацыя некалькіх падарожжаў, аб якіх будзе абвешчана дадаткова. Заклікаю беларусаў Чэхіі не забывацца ня толькі аб хлебе штодзённым, але і аб ежы духоўнай”.
Адрас царквы сьвятых Кузьмы і Дзям’яна – Vyšehradská 49, Praha 2. Уваход з вуліцы Na Slovanech.
Пачатак багаслужбы аб 11:00 у нядзелю, 25 верасьня 2011 году.
Гл. таксама:
Беларуская царква трапіла ў лік найлепшых будынкаў Лондану за 2016 год. Інтэрвію з архітэктарам
Царква — гэта найперш супольнасьць вернікаў
Каляды ў Празе
У Празе пачынаюцца рэгулярныя беларускія набажэнствы
διάκονος (Слуга)
