Старшыня Папскай Рады па спрыяньні хрысьціянскай еднасьці кардынал Вальтар Каспэр у лістападзе 2009 году ўжо ў другі раз наведае Беларусь. Па запрашэньні Мітрапаліта Менскага і Слуцкага Філарэта, Патрыяршага Экзарха ўсяе Беларусі, ватыканскі ярарх прыме ўдзел у міжнароднай канферэнцыі, прысьвечанай хрысьціянска-юдэйскаму дыялогу, якая будзе праходзіць з 9 па 11 лістапада 2009 году ў Менску. 
«Ёсьць старая, старая, спакуса, каб быць блізка да ўлады, а не блізка да людзей. Гэтая спакуса праяўляецца ў розных часьцінах сьвету, у розныя часы і ёсьць сапраўды вялікаю спакусаю. Царква, калі хоча быць сапраўды Царквой, не павінна быць ворагам дзяржавы, абсалютна не, але яна павінна быць самастойнаю. Яна павінна жыць згодна з Божымі прынцыпамі. Яна павінна мець адвагу сказаць, нават дзяржаўным структурам, што тое, што вы робіце, няправільна. Гэта ня лёгка, але гэта частка нашага хрысьціянскага жыцьця, нашага хрысьціянскага заданьня», – сказаў 27 ліпеня 2009 году Першаярарх УГКЦ кардынал Любамір Гузар у прамым эфіры на ўкраінскім тэлеканале ТВi. 
У 2010 годзе спаўняюцца 280-ыя ўгодкі каранацыі іконы Маці Божай Жыровіцкай папскімі каронамі. Гэта была першая каранацыя цудатворнай іконы Маці Божай залатымі папскімі каронамі на тэрыторыі ВКЛ і сучаснай Беларусі. 
У планах Папы Рымскага Бенядыкта XVI на 2010 год пазначаны магчымы прыезд у Беларусь. 
У Менску пры аднаўленьні легендарнага храму XVII ст. знайшлі склеп з пахаваньнем фундатараў царквы. Сам храм зьнішчылі саветы, але да трунаў не дабраліся. Крыпта можа стаць сымбалем незьнішчальнасьці Менску і турыстычнай пярлінай. 
У капліцы грэка-каталіцкага душпастырскага цэнтра сьв. Язэпа (вул. Арджанкідзэ 6) пачынаючы з 2 верасьня 2009 г. кожную сераду будуць праходзіць катэхетычныя сустрэчы для моладзі і студэнтаў Менску. 
Новым парахам грэка-каталіцкай парафіі сьвятога і праведнага Язэпа ў Менску замест а. Андрэя Абламейкі, які накіраваны на вучобу ў Аўстрыю, будзе Апостальскі Візітатар для грэка-католікаў Беларусі архімандрыт Сяргей (Гаек). 
23 жніўня 2009 году ў Полацку ў грэка-каталіцкай царкве сьвятой Параскевы Полацкай быў рукапакладзены на сьвятара дыякан Аляксандр Аўдзяюк. Ён стаў другім каталіцкім сьвятаром візантыйскага абраду, які быў высьвячаны ў Беларусі пасьля скасаваньня Уніі ў 1839 годзе (першым быў а. Яўген Усошын, якога высьвяцілі ў Маладэчна). Іншыя беларускія грэка-каталіцкія сьвятары, у тым ліку і ў міжваенны час, рукапакладаліся па-за межамі Беларусі. 
Навіны за 2009 год
05.09.2009
У капліцы грэка-каталіцкага душпастырскага цэнтра сьв. Язэпа (вул. Арджанкідзэ 6) пачынаючы з 2 верасьня 2009 г. кожную сераду будуць праходзіць катэхетычныя сустрэчы для моладзі і студэнтаў Менску.
Біблійныя словы: “Гасподзь дае мудрасьць; і з вуснаў Яго — веды і розум” (Выслоўі Саламона 2:6) абраныя дэвізам гэтых катэхетычных сустрэчаў.
Спатканьні-катэхезы для парафіяльнай моладзі і студэнтаў адбываюцца кожную сераду а 19.30 (адразу пасьля сьв. Літургіі а 18.30) у душпастырскім цэнтры сьв. Язэпа.
Па форме выкладаў сустрэчы падзеленыя на два блокі: у першую сераду адбываецца катэхеза, а ў наступную — удзельнікі сустрэчаў задаюць пытаньні і дыскусія на тэму, закранутую ў папярэдняй сустрэчы.
Куратары катэхезаў: а. Аляксандар (Аўдзяюк) і а. Яўген (Усошын).
Адказныя за правядзеньне гэтых катэхетычных сустрэчаў — а. Аляксандар Аўдзяюк, адказны за душпастырскую апеку студэнтаў у г. Менску (кантактны тэл. МТС: 522-70-19) і а. Яўген Усошын.
На катэхізацыю запрашаецца парафіяльная моладзь, студэнты, а таксама ўсе, хто прыехаў у Менск на навучаньне.
Да душпастырскага цэнтру сьв. Язэпа (вул. Арджанікідзэ, 6) можна дабрацца ад станцыі метро “Аўтазаводзкая”, далей налева па вул. Цэнтральнай, 3-я вуліца направа.
Гл. таксама:
«Слова сталася целам і пасялілася між намі»
У грэка-католікаў Горадні пабывалі міністранты з Шчучына
Моладзь і рэлігія
Царква любіць Еўропу і верыць у яе будучыню
Япіскап Бенядыкт Алексійчук: Беларусь і Ўсходняя Ўкраіна мелі аднолькавыя стартавыя ўмовы, а вынікі — несувымерныя
