З 4 па 8 верасьня 2021 году ў сталіцы Венгрыі будзе праходзіць штогадовая Сустрэча ярархаў Усходніх Каталіцкіх Цэркваў Еўропы (Conventus Hierarcharum Orientalium Catholicorum Europae — CHOCE). Тэма сёлетняй сустрэчы ўсходніх каталіцкіх біскупаў Еўропы — «Еўхарыстыя і сінадальнасьць». 
8 жніўня 2021 году былы Апостальскі нунцый у Беларусі архібіскуп Клаўдыё Гуджэроцьці (цяпер — Апостальскі нунцый у Вялікабрытаніі) наведаў беларускую грэка-каталіцкую царкву ў Лондане — паведамляе тэлеграм-канал «Хрысьціянская візія». 
Дыкастэрыя па справах сьвецкіх, сям’і і жыцьця апублікавала сьпецыяльную малітву, падрыхтаваную да сьвяткавання першага Сусветнага дня дзядуляў, бабуляў і пажылых людзей. 
Гэты Дзень будзе адзначацца штогод у чацьвёртую нядзелю ліпеня ў непасрэднай блізкасьці да літургічнага ўспаміну сьвятых Яўхіма і Ганны, дзядулі і бабулі Ісуса — паведамляе Vatican News. 
Апостальская Сталіца апублікавала ліст Папы Францішка да біскупаў, духавенства, богапасьвячаных асобаў і сьвецкіх вернікаў Сірыйска-Малабарскай Царквы з нагоды зацьверджаньня ёю новага ўніфікаванага службоўніка для адпраўленьня ўрачыстай формы еўхарыстычнай багаслужбы — паведамляе Vatican News. 
3 ліпеня 2021 году ў Будславе ўрачыстай сьвятой Імшой, якую ўзначаліў Апостальскі нунцый у Беларусі архібіскуп Антэ Ёзіч, завяршыўся фэст Маці Божай Будслаўскай. 
На Будслаўскім фэсьце 2 ліпеня 2021 году сьв. Імшу апоўначы, якой папярэднічала шматлюдная ўрачыстая працэсія з сьвечкамі, узначаліў старшыня Канферэнцыі каталіцкіх біскупаў у Беларусі біскуп Віцебскі Алег Буткевіч — паведамляе Catholic.by. 
Увечары 2 ліпеня ў санктуарыюме Маці Божай у Будславе сьв. Імшу для пілігрымаў узначаліў архібіскуп Тадэвуш Кандрусевіч. 
Сёлета споўнілася 75 гадоў грэка-каталіцкаму малітоўніку (ці малiтаўніку, як на вокладцы падпісана) «Божым шляхам», які выдаў у 1946 годзе ў Рыме айцец Леў Гарошка — нагадвае сайт Беларускай царквы ў Лондане. 
Кіраўнік Залы Друку Сьвятога Пасаду Матэа Бруні апублікаваў заяву па Беларусі. Яна стала адказам на шматлікія запыты журналістаў. 
Галоўная 
Навіны хрысьціянскага сьвету
Гл. таксама:
Папа Францішак і копцкі праваслаўны патрыярх падпісалі сумесную дэкларацыю
За прымірэньне паміж хрысьціянамі і народамі
Кардынал Кох: Папа Францішак адчыняе многія дзьверы
Еднасьць — гэта шлях, якім неабходна ісьці разам
Усходнія Каталіцкія Цэрквы павінны быць актыўнымі ўдзельнікамі дыялогу праўды і любові
Навіны хрысьціянскага сьвету
31.01.2012
Ватыкан лічыць, што дыялог з пяцідзясятнікамі магчымы
Экуменічны дыялог крочыць наперад таксама і ў дачыненьнях з пяцідзясятнікамі, хоць многія да гэтага часу маюць сумневы што да яго сутнасьці, — кажа а. Хуан Фернанда Ўсма Гомес з Папскай Рады па спрыяньні еднасьці хрысьціянаў. У ватыканскай газеце “L’Osservatore Romano” ён апісвае цяперашні стан двухбаковых адносін у сувязі з Тыднем экуменічных малітваў, які адбыўся 18-25 студзеня.
Для сучаснай Царквы гэтыя стасункі зьяўляюцца вялікім выклікам, таму што пяцідзяесятнікі сёньня — гэта найбольш дынамічная галіна пратэстантызму. Разам з тым ва ўзаемаадносінах хапае непаразуменьняў і супярэчнасьцяў, але ў іх пераадоленьні дапамагае справіцца распачаты 40 гадоў таму афіцыйны багаслоўскі дыялог.
Як сьцьвярджае ватыканскі багаслоў а. Гомес, пачыналася ўсё з тлумачэньня уласнай ідэнтычнасьці і ўдакладненьня ўжыванай тэрміналогіі. Затым прыйшоў час на спрэчныя пытаньні, зьвязаныя з разуменьнем Царквы і супольнасьці. У 1990-х гадах багасловы разважалі пра місію ў персьпектыве еднасьці хрысьціянаў. Затым была зьвернута ўвага на агульную біблійную і патрыстычную спадчыну. У цяперашні час дыялог датычыцца дароў. Падчас найбліжэйшай сэсіі, якая адбудзецца ў чэрвені 2012 году, будзе ўзьнятае пытаньне распазнаваньня дароў Сьвятога Духа.
Як адзначыў супрацоўнік Папскай Рады па спрыяньні еднасьці хрысьціянаў, адчувальным вынікам дыялогу зьяўляюцца ня толькі выпрацаваныя з гэтай нагоды дакументы, але і, перш за ўсё, растапленьне ільдоў і адкрыцьцё гарызонтаў для будучых сумесных ініцыятываў, асабліва на мясцовым узроўні. Айцец Фернанада Ўсма Гомес лічыць, што ў стасунках паміж каталікамі і пяцідзясятнікамі трэба распачаць новы этап, каб вылечыць узаемныя раны і заваяваць давер адзін да аднаго. Менавіта аб гэтым клапаціліся ў апошняе дзесяцігоддзе. Дзякуючы гэтаму часьцей пачалі адбывацца сумесныя сустрэчы і малітвы. Разам з гэтым аслабляецца ўзаемныа недавер і варожасьць, — з задавальненьнем адзначае супрацоўнік Папскай Рады па спрыяньні еднасьці хрысьціянаў.
Паводле Radio Watykańskie
Для сучаснай Царквы гэтыя стасункі зьяўляюцца вялікім выклікам, таму што пяцідзяесятнікі сёньня — гэта найбольш дынамічная галіна пратэстантызму. Разам з тым ва ўзаемаадносінах хапае непаразуменьняў і супярэчнасьцяў, але ў іх пераадоленьні дапамагае справіцца распачаты 40 гадоў таму афіцыйны багаслоўскі дыялог.Як сьцьвярджае ватыканскі багаслоў а. Гомес, пачыналася ўсё з тлумачэньня уласнай ідэнтычнасьці і ўдакладненьня ўжыванай тэрміналогіі. Затым прыйшоў час на спрэчныя пытаньні, зьвязаныя з разуменьнем Царквы і супольнасьці. У 1990-х гадах багасловы разважалі пра місію ў персьпектыве еднасьці хрысьціянаў. Затым была зьвернута ўвага на агульную біблійную і патрыстычную спадчыну. У цяперашні час дыялог датычыцца дароў. Падчас найбліжэйшай сэсіі, якая адбудзецца ў чэрвені 2012 году, будзе ўзьнятае пытаньне распазнаваньня дароў Сьвятога Духа.
Як адзначыў супрацоўнік Папскай Рады па спрыяньні еднасьці хрысьціянаў, адчувальным вынікам дыялогу зьяўляюцца ня толькі выпрацаваныя з гэтай нагоды дакументы, але і, перш за ўсё, растапленьне ільдоў і адкрыцьцё гарызонтаў для будучых сумесных ініцыятываў, асабліва на мясцовым узроўні. Айцец Фернанада Ўсма Гомес лічыць, што ў стасунках паміж каталікамі і пяцідзясятнікамі трэба распачаць новы этап, каб вылечыць узаемныя раны і заваяваць давер адзін да аднаго. Менавіта аб гэтым клапаціліся ў апошняе дзесяцігоддзе. Дзякуючы гэтаму часьцей пачалі адбывацца сумесныя сустрэчы і малітвы. Разам з гэтым аслабляецца ўзаемныа недавер і варожасьць, — з задавальненьнем адзначае супрацоўнік Папскай Рады па спрыяньні еднасьці хрысьціянаў.
Паводле Radio Watykańskie
Гл. таксама:
Папа Францішак і копцкі праваслаўны патрыярх падпісалі сумесную дэкларацыю
За прымірэньне паміж хрысьціянамі і народамі
Кардынал Кох: Папа Францішак адчыняе многія дзьверы
Еднасьць — гэта шлях, якім неабходна ісьці разам
Усходнія Каталіцкія Цэрквы павінны быць актыўнымі ўдзельнікамі дыялогу праўды і любові
Гэты артыкул чыталі 730 разоў (-ы)
