Старшыня Папскай Рады па спрыяньні хрысьціянскай еднасьці кардынал Вальтар Каспэр у лістападзе 2009 году ўжо ў другі раз наведае Беларусь. Па запрашэньні Мітрапаліта Менскага і Слуцкага Філарэта, Патрыяршага Экзарха ўсяе Беларусі, ватыканскі ярарх прыме ўдзел у міжнароднай канферэнцыі, прысьвечанай хрысьціянска-юдэйскаму дыялогу, якая будзе праходзіць з 9 па 11 лістапада 2009 году ў Менску. 
«Ёсьць старая, старая, спакуса, каб быць блізка да ўлады, а не блізка да людзей. Гэтая спакуса праяўляецца ў розных часьцінах сьвету, у розныя часы і ёсьць сапраўды вялікаю спакусаю. Царква, калі хоча быць сапраўды Царквой, не павінна быць ворагам дзяржавы, абсалютна не, але яна павінна быць самастойнаю. Яна павінна жыць згодна з Божымі прынцыпамі. Яна павінна мець адвагу сказаць, нават дзяржаўным структурам, што тое, што вы робіце, няправільна. Гэта ня лёгка, але гэта частка нашага хрысьціянскага жыцьця, нашага хрысьціянскага заданьня», – сказаў 27 ліпеня 2009 году Першаярарх УГКЦ кардынал Любамір Гузар у прамым эфіры на ўкраінскім тэлеканале ТВi. 
У 2010 годзе спаўняюцца 280-ыя ўгодкі каранацыі іконы Маці Божай Жыровіцкай папскімі каронамі. Гэта была першая каранацыя цудатворнай іконы Маці Божай залатымі папскімі каронамі на тэрыторыі ВКЛ і сучаснай Беларусі. 
У планах Папы Рымскага Бенядыкта XVI на 2010 год пазначаны магчымы прыезд у Беларусь. 
У Менску пры аднаўленьні легендарнага храму XVII ст. знайшлі склеп з пахаваньнем фундатараў царквы. Сам храм зьнішчылі саветы, але да трунаў не дабраліся. Крыпта можа стаць сымбалем незьнішчальнасьці Менску і турыстычнай пярлінай. 
У капліцы грэка-каталіцкага душпастырскага цэнтра сьв. Язэпа (вул. Арджанкідзэ 6) пачынаючы з 2 верасьня 2009 г. кожную сераду будуць праходзіць катэхетычныя сустрэчы для моладзі і студэнтаў Менску. 
Новым парахам грэка-каталіцкай парафіі сьвятога і праведнага Язэпа ў Менску замест а. Андрэя Абламейкі, які накіраваны на вучобу ў Аўстрыю, будзе Апостальскі Візітатар для грэка-католікаў Беларусі архімандрыт Сяргей (Гаек). 
23 жніўня 2009 году ў Полацку ў грэка-каталіцкай царкве сьвятой Параскевы Полацкай быў рукапакладзены на сьвятара дыякан Аляксандр Аўдзяюк. Ён стаў другім каталіцкім сьвятаром візантыйскага абраду, які быў высьвячаны ў Беларусі пасьля скасаваньня Уніі ў 1839 годзе (першым быў а. Яўген Усошын, якога высьвяцілі ў Маладэчна). Іншыя беларускія грэка-каталіцкія сьвятары, у тым ліку і ў міжваенны час, рукапакладаліся па-за межамі Беларусі. 
Навіны за 2009 год
19.09.2009
У планах Папы Рымскага Бенядыкта XVI на 2010 год пазначаны магчымы прыезд у Беларусь.
Каталіцкая інфармацыйная агенцыя КАІ апублікавала, што ў маршрутах Папы Рымскага на 2010 год значыцца Мальта, Англія, Германія, а таксама Беларусь ці Партугалія.
На пытаньне «Нашай Нівы», ці насамрэч Бенядыкт XVI плануе ў 2010 годзе наведаць нашу краіну, адказны за СМІ пры Сакратарыяце Канферэнцыі Каталіцкіх Біскупаў у Беларусі ксёндз Аляксандар Амяльчэня адказаў:
«Дакладна можна сказаць толькі адно: Беларусь вельмі чакае Папу. Каталіцкі Касьцёл у Беларусі з радасьцю ўспрыме гэтую навіну, калі яна пацьвердзіцца».
Пакуль невядома, на карысьць якой краіны зробіць свой выбар Бенядыкт XVI. З аднога боку Партугалія, з храмам у Фаціме, чацьвёртым па велічыні ў каталіцкім сьвеце. Гэты храм Бенядыкт XVI зьбіраецца наведаць ужо даўно. З іншага боку, Беларусь і Аляксандар Лукашэнка, які ўжо ня раз выказваўся пра жаданьне арганізаваць сустрэчу Папы Рымскага Бенядыкта XVI і Патрыярха Маскоўскага і ўсяе Русі Кірыла.
«Як сказаў Папа Рымскі, калі Гасподзь адчыніць гэтыя дзьверы, то сустрэча адбудзецца. І ў гэтым выпадку Беларусь прапануе сябе месцам гэтай сустрэчы», — зазначыў прэзідэнт у красавіку 2009 году, пасьля сустрэчы з Бенядыктам XVI у Ватыкане.
Аднак сустрэча можа адбыцца і ў Фаціме. Згодна з паданьнем, Маці Божая Фацімская прадказала крывавую дыктатуру ў СССР, але сказала, што пасьля яе падзеньня сьвятло збаўленьня прыйдзе з усходу. Таму Фаціма таксама можа стаць сымбалічным месцам спатканьня праваслаўя і каталіцтва.
Настасься Шамрэй, «Наша Ніва».
Гл. таксама:
Лукашэнка прапанаваў, каб Папа Рымскі сустрэўся ў Беларусі з Маскоўскім патрыярхам
Сьвяты Пасад падтрымлівае імкненьне да свабоды і справядлівасьці ў Беларусі
Ватыканскі ярарх назваў адраджэньне БГКЦ сапраўдным цудам
Папа пабачыў двух Лукашэнкаў. Але аўдыенцыю даў аднаму
Паведамленьне прэс-службы Сьвятога Пасаду
