Палюбі Госпада Бога твайго ўсім сэрцам тваім, і ўсёю душою тваёю, і ўсім разуменьнем тваім...
палюбі блізкага твайго, як самога сябе
на гэтых дзьвюх запаведзях грунтуецца ўвесь закон і прарокі (Паводле Мацьвея Сьвятое Дабравесьце 22:37-40)
Сьвята Еднасьці пад апекай Маці Божай Берасьцейскай З малітвы ля цудатворнай іконы Маці Божай Берасьцейскай 30 чэрвеня 2012 году распачаліся сёлета парафіяльныя ўрачыстасьці грэка-каталіцкай парафіі братоў-апосталаў Пятра і Андрэя ў Берасьці.
03.07.2012
Грамадзянін Вялікага Княства Любові Раніцай, 2 ліпеня 2012 году, у шпіталі ў Вільні заўчасна памёр Сяргей Вітушка — гісіторык, настаўнік і журналіст. Ён быў кіраўніком легендарнай менскай “Талакі” — адной з першых незалежніцкіх арганізацый беларускай моладзі ў 1985-1990 гг.
02.07.2012
Сьвяты Пасад падтрымлівае імкненьне да свабоды і справядлівасьці ў Беларусі 29 чэрвеня 2012 году ў Менску адбыўся прыём з нагоды 7-х угодкаў Пантыфікату і 85-годдзя з дня нараджэньня Сьвятога Айца Бенядыкта XVI. На ім прадстаўнік Сьвятога Пасаду ў Беларусі архібіскуп Клаўдыё Гуджэроцьці запэўніў беларускі народ у падтрымцы беларускай культуры і ў імкненьні да ўмацаваньня прынцыпаў свабоды і справядлівасьці ў нашай краіне.
29.06.2012
Беларускі дыякан у супольнасьці рэдэмптарыстаў візантыйскага абраду
Нядзеля, 24 чэрвеня 2012 году, калі манахі-рэдэмптарысты і ўсе грэка-католікі Ўкраіны разам з сьвятам Хрыста Чалавекалюбцы ўшаноўваюць цудатворны абраз Маці Божай Нястомнай Дапамогі, стала асаблівым днём для беларускага манаха-рэдэмптарыста Зьмітра Чарнеля. У гэты дзень у Львове грэка-католік з Беларусі брат Зьміцер Чарнель атрымаў дыяканскія сьвячаньні.
26.06.2012
Навіны з Ватыкану ў эфіры Беларускага радыё
Навіны з Ватыкану цяпер можна пачуць у эфіры Беларускага радыё — паведамляе прэс-служба Канферэнцыі каталіцкіх біскупаў у Беларусі. Кожную нядзелю ў 8.55 на хвалях Першага нацыянальнага канала цяпер гучыць выпуск навін, падрыхтаваны Беларускай рэдакцыяй Ватыканскага радыё. У ім гаворыцца пра падзеі, што адбываліся на працягу тыдня ў Сьвятым Пасадзе і Царкве ў Беларусі.
26.06.2012
Хто вучыў наваградзкага ўладыку Гурыя?
Вядомы беларускі гісторык і публіцыст Анатоль Сідарэвіч падзяліўся сваімі думкамі і ўражаньнямі ад інтэрв’ю праваслаўнага архіяпіскапа Наваградзкага і Лідзкага Гурыя афіцыйнаму сайту ўласнай япархіі, у якім той крытыкуе прыхільнікаў ювенальнай юстыцыі, што “спрыяе разбурэньню сям’і і дзяржаўнасьці”, абураецца з прычыны беззаконя і маральнага заняпаду сям’і на Захадзе ды плаўна пераходзіць на тэму Уніі ў сучаснай Беларусі. Ніжэй прапануем гэтыя раважаньні Анатоля Сідарэвіча.
23.06.2012
Працоўны дакумент пра спосабы і інструменты новай евангелізацыі
У Ватыкане 19 чэрвеня 2012 году быў апублікаваны працоўны дакумент (Instrumentum Laboris) Сіноду Біскупаў па новай евангелізацыі. Сінод, прысьвечаны новай евангелізацыі, пройдзе ў Ватыкане 7-28 кастрычніка 2012 году, паведамляе Ватыканскае радыё.
05.06.2012
Прэзентацыя кнігі пра ўніяцтва на Лідчыне
У Гарадзенскай абласной бібліятэцы iмя Я.Карскага 30 траўня 2012 году адбылася прэзентацыя кнігі лідзкага краязнаўцы Леаніда Лаўрэша “Грэка-каталіцкая (уніяцкая) Царква на Лідчыне”. У сваёй кнізе краязнаўца знаёміць чытача з унікальнымі фактамі лакальнай гісторыі, прыводзіць невядомыя шырокаму колу цікавыя дакументы і сьведчаньні сучасьнікаў.
01.06.2012
Пад Тайшэтам ушанавалі памяць айцоў Цікоты і Станкевіча 22-23 траўня 2012 году на былых лагерных могілках у Сібіры, дзе знайшлі свой апошні прытулак выдатныя беларускія каталіцкія сьвятары Андрэй Цікота і Адам Станкевіч, паўсталі памятныя крыжы. Як паведаміла Радыё Свабода, у абедзьвюх акцыях узялі ўдзел беларускі гісторык, доктар Юры Гарбінскі і беларускі каталіцкі сьвятар, манах-марыянін Вячаслаў Пялінак, віцэ-пастулятар беатыфікацыйных працэсаў архімандрытаў з Ордэну Марыянаў Андрэя Цікоты і Фабіяна Абрантовіча, якія служылі ва ўсходнім абрадзе.
31.05.2012
Ці існуе ў Беларусі антыхрысьціянскае лобі?
Загадчык катэдры рэлігіязнаўства Інстытуту тэалогіі БДУ прафесар Андрэй Данілаў у інтэрв’ю для Беларускай рэдакцыі Ватыканскага радыё разважае пра грамадзкую сітуацыю, якая склалася пасьля прыняцьця беларускім парламентам шэрагу неадназначных законапраектаў, супраць якіх выступіла як кіраўніцтва Беларускага Экзархату Расейскай Праваслаўнай
Царквы, так і прадстаўнікі Каталіцкай Царквы ў Беларусі. Ніжэй прапануем гэты матэрыял.
Сьвята Еднасьці пад апекай Маці Божай Берасьцейскай
З малітвы ля цудатворнай іконы Маці Божай Берасьцейскай 30 чэрвеня 2012 году распачаліся сёлета парафіяльныя ўрачыстасьці грэка-каталіцкай парафіі братоў-апосталаў Пятра і Андрэя ў Берасьці. У гэты суботні вечар разам з братамі рыма-католікамі вернікі берасьцейскай грэка-каталіцкай парафіі на чале з сваім душпастырам а. Ігарам Кандрацьевым маліліся ў касьцёле Ўзвышэньня Сьвятога Крыжа. У гэты дзень сьвяткуецца ўспамін Маці Божай Берасьцейскай. Пробашч касьцёлу кс. Юры Хіневіч прапанаваў сказаць казаньне для вернікаў з нагоды сьвята а. Ігару Кандрацьеву.
Малітва грэка-католікаў ля цудатворнай іконы Маці Божай Берасьцейскай.У сваім казаньні сьвятар прапанаваў вернікам задумацца і адказаць самім сабе на пытаньне, якой была Марыя, Маці Ісуса, за што мы Яе шануем, да чаго Яна нас заклікае і вучыць сваім жыцьцём.
Пасьля сьв. Імшы, адслужанай каля алтара з цудатворным абразом Усячыстае Дзевы з Немаўляткам Ісусам, усе прысутныя разам з хорам грэка-католікаў маліліся Акафіст да Найсьвяцейшай Багародзіцы. Кожны радок акафісту быў адказам на пытаньне, якое паставіў вернікам у сваім казаньні грэка-каталіцкі сьвятар. Яшчэ і на наступны дзень, у нядзелю, уражаныя прыгажосьцю сьпеву і глыбінёй зьместу Акафісту да Багародзіцы, кабеты з касьцёлу жыва абмяркоўвалі гэтую падзею. А ў нядзелю, 1 ліпеня, берасьцейскія грэка-католікі сустракалі шматлікіх гасьцей у сваім храме і душпастырскім цэнтры. Урачыстую Боскую Літургію з нагоды парафільнага сьвята ўзначальваў Апостальскі Візітатар БГКЦ Архімандрыт Сяргей (Гаек). З гэтага году галоўныя парафіяльныя ўрачыстасьці ў гонар братоў-апосталаў Пятра і Андрэя, апекуноў хрысьціянскага Захаду і Ўсходу, грэка-каталіцкая грамада ў Берасьці вырашыла сьвяткаваць ў апошні ўік-энд чэрвеня (раней сьвята было прымеркавана да дня літургічнага ўспаміну сьв. апостала Андрэя — 30 лістапада). Гэты перанос выкліканы жаданьнем даць магчымасьць як мага большай колькасьці вернікаў прыняць удзел у парафіяльных сьвяткаваньнях у больш зручны для многіх, летні час. Тым больш, што напрыканцы чэрвеня паводле літургічнага календара БГКЦ адзначаецца некалькі сьвятаў, якія, як адзначыў Архімандрыт Сяргей (Гаек) у сваім казаньні падчас Літургіі, надаюць асаблівую сымболіку парафіяльным сьвяткаваньням у Берасьці: 29 чэрвеня — сьвята вярхоўных апосталаў Пятра і Паўла, якое для ўсіх католікаў зьяўляецца яшчэ і сьвятам яднаньня з Біскупам Рыму, Пераемнікам пасаду сьв. апостала Пятра, а 30 чэрвеня сьвяткуецца Сабор слаўных і ўсяхвальных 12-ці апосталаў, сярод якіх ушаноўваюцца і першпакліканыя Ісусам браты-апосталы Пятро і Андрэй. Да таго ж, 30 чэрвеня 1996 году, упершыню ў гісторыі незалежнай Беларусі, была каранавана залатымі папскімі каронамі цудатворная ікона Маці Божай Берасьцейскай — напэўна, адзіная і самая каштоўная рэліквія, што засталася нам ад зруйнаванага ў выніку будаўніцтва крэпасьці сярэднявечнага Берасьця. Сьвята Берасьцейскай іконы Маці Божай, якую, паводле паданьня, прывёз з Рыму пасьля падпісаньня Берасьцейскай царкоўнай Уніі 1596 году ўніяцкі біскуп Уладзімірскі і Берасьцейскі Іпаці Пацей, адзначецца ў апошнюю суботу чэрвеня. На жаль, пакуль яшчэ вельмі мала ладзіцца пілігрымак у дзень сьвята гэтай іконы. Вось жа ў берасьцейскіх грэка-католікаў ёсьць нагода і добрая магчымасьць разам з братамі рыма-католікамі сумесна ўшаноўваць гэтую цудатворную ікону Багародзіцы і ўрачыста праслаўляць Бога ў гэтыя дні. Сьвята ў гонар нябесных апекуноў берасьцейскай парафіі традыцыйна мае характар сьвята Еднасьці. На яго зьбіраюцца ня толькі мясцовыя грэка-католікі але і шматлікія госьці з іншых грэка-каталіцкіх парафіяў Берасьцейшчыны (з Івацэвічаў, Баранавічаў, Пінску), заснаваньне якіх стала плёнам евангельскай і місійнай працы берасьцейцаў. Заўсёды жаданыя на парафіяльным сьвяце таксама сябры і дабрадзеі берасьцейскай парафіі: рыма-католікі, праваслаўныя, вернікі пратэстанцкіх супольнасьцяў. Вось і сёлета, каб павіншаваць берасьцейцаў і зьяднацца ў малітве прыехалі вялікія групы грэка-католікаў з Івацэвічаў і Пінску, сябры з каталіцкай супольнасьці ў Астраўцы, госьці з Менску: з супольнасьці “Каштоўная пярліна”, а таксама католікі-місіянеры з Нігерыі Рафаэль і Кейсі. Маладыя госьці з Афрыкі ў якасьці падарунка выканалі некалькі вядомых хрысьціянскіх песьняў па-ангельску. Яны ўразілі ўсіх сваімі цудоўнымі чыстымі галасамі і шчырай малітвай. Таксама падчас віншаваньняў парафіі падзяліўся з прысутнымі некалькімі сваімі хрысьціянскімі песьнямі-перажываньнямі ў стылі рэп Максім Дыбко з Пінску. Завяршэньнем віншавальнай праграмы сьвята стала падрыхтаваная берасьцейскімі грэка-католікамі 30-хвілінная музычная відэапрэзентацыя “Скажы: “Так!”” на тэму нашага адказу на Божы заклік. Затым для ўсіх была зладжана сьвяточная брацкая агапа-абед, пасьля якой аж да вечару працягваліся сьпевы, малітва і сумеснае праслаўленьне Бога.
З малітвы ля цудатворнай іконы Маці Божай Берасьцейскай 30 чэрвеня 2012 году распачаліся сёлета парафіяльныя ўрачыстасьці грэка-каталіцкай парафіі братоў-апосталаў Пятра і Андрэя ў Берасьці. 
Раніцай, 2 ліпеня 2012 году, у шпіталі ў Вільні заўчасна памёр Сяргей Вітушка — гісіторык, настаўнік і журналіст. Ён быў кіраўніком легендарнай менскай “Талакі” — адной з першых незалежніцкіх арганізацый беларускай моладзі ў 1985-1990 гг. 
29 чэрвеня 2012 году ў Менску адбыўся прыём з нагоды 7-х угодкаў Пантыфікату і 85-годдзя з дня нараджэньня Сьвятога Айца Бенядыкта XVI. На ім прадстаўнік Сьвятога Пасаду ў Беларусі архібіскуп Клаўдыё Гуджэроцьці запэўніў беларускі народ у падтрымцы беларускай культуры і ў імкненьні да ўмацаваньня прынцыпаў свабоды і справядлівасьці ў нашай краіне. 
Нядзеля, 24 чэрвеня 2012 году, калі манахі-рэдэмптарысты і ўсе грэка-католікі Ўкраіны разам з сьвятам Хрыста Чалавекалюбцы ўшаноўваюць цудатворны абраз Маці Божай Нястомнай Дапамогі, стала асаблівым днём для беларускага манаха-рэдэмптарыста Зьмітра Чарнеля. У гэты дзень у Львове грэка-католік з Беларусі брат Зьміцер Чарнель атрымаў дыяканскія сьвячаньні. 
Навіны з Ватыкану цяпер можна пачуць у эфіры Беларускага радыё — паведамляе прэс-служба Канферэнцыі каталіцкіх біскупаў у Беларусі. Кожную нядзелю ў 8.55 на хвалях Першага нацыянальнага канала цяпер гучыць выпуск навін, падрыхтаваны Беларускай рэдакцыяй Ватыканскага радыё. У ім гаворыцца пра падзеі, што адбываліся на працягу тыдня ў Сьвятым Пасадзе і Царкве ў Беларусі. 
Вядомы беларускі гісторык і публіцыст Анатоль Сідарэвіч падзяліўся сваімі думкамі і ўражаньнямі ад інтэрв’ю праваслаўнага архіяпіскапа Наваградзкага і Лідзкага Гурыя афіцыйнаму сайту ўласнай япархіі, у якім той крытыкуе прыхільнікаў ювенальнай юстыцыі, што “спрыяе разбурэньню сям’і і дзяржаўнасьці”, абураецца з прычыны беззаконя і маральнага заняпаду сям’і на Захадзе ды плаўна пераходзіць на тэму Уніі ў сучаснай Беларусі. Ніжэй прапануем гэтыя раважаньні Анатоля Сідарэвіча. 
У Ватыкане 19 чэрвеня 2012 году быў апублікаваны працоўны дакумент (Instrumentum Laboris) Сіноду Біскупаў па новай евангелізацыі. Сінод, прысьвечаны новай евангелізацыі, пройдзе ў Ватыкане 7-28 кастрычніка 2012 году, паведамляе Ватыканскае радыё. 
У Гарадзенскай абласной бібліятэцы iмя Я.Карскага 30 траўня 2012 году адбылася прэзентацыя кнігі лідзкага краязнаўцы Леаніда Лаўрэша “Грэка-каталіцкая (уніяцкая) Царква на Лідчыне”. У сваёй кнізе краязнаўца знаёміць чытача з унікальнымі фактамі лакальнай гісторыі, прыводзіць невядомыя шырокаму колу цікавыя дакументы і сьведчаньні сучасьнікаў. 
22-23 траўня 2012 году на былых лагерных могілках у Сібіры, дзе знайшлі свой апошні прытулак выдатныя беларускія каталіцкія сьвятары Андрэй Цікота і Адам Станкевіч, паўсталі памятныя крыжы. Як паведаміла Радыё Свабода, у абедзьвюх акцыях узялі ўдзел беларускі гісторык, доктар Юры Гарбінскі і беларускі каталіцкі сьвятар, манах-марыянін Вячаслаў Пялінак, віцэ-пастулятар беатыфікацыйных працэсаў архімандрытаў з Ордэну Марыянаў Андрэя Цікоты і Фабіяна Абрантовіча, якія служылі ва ўсходнім абрадзе. 
Загадчык катэдры рэлігіязнаўства Інстытуту тэалогіі БДУ прафесар Андрэй Данілаў у інтэрв’ю для Беларускай рэдакцыі Ватыканскага радыё разважае пра грамадзкую сітуацыю, якая склалася пасьля прыняцьця беларускім парламентам шэрагу неадназначных законапраектаў, супраць якіх выступіла як кіраўніцтва Беларускага Экзархату Расейскай Праваслаўнай
Царквы, так і прадстаўнікі Каталіцкай Царквы ў Беларусі. Ніжэй прапануем гэты матэрыял. 
Навіны за 2012 год
