Старшыня Папскай Рады па спрыяньні хрысьціянскай еднасьці кардынал Вальтар Каспэр у лістападзе 2009 году ўжо ў другі раз наведае Беларусь. Па запрашэньні Мітрапаліта Менскага і Слуцкага Філарэта, Патрыяршага Экзарха ўсяе Беларусі, ватыканскі ярарх прыме ўдзел у міжнароднай канферэнцыі, прысьвечанай хрысьціянска-юдэйскаму дыялогу, якая будзе праходзіць з 9 па 11 лістапада 2009 году ў Менску. 
«Ёсьць старая, старая, спакуса, каб быць блізка да ўлады, а не блізка да людзей. Гэтая спакуса праяўляецца ў розных часьцінах сьвету, у розныя часы і ёсьць сапраўды вялікаю спакусаю. Царква, калі хоча быць сапраўды Царквой, не павінна быць ворагам дзяржавы, абсалютна не, але яна павінна быць самастойнаю. Яна павінна жыць згодна з Божымі прынцыпамі. Яна павінна мець адвагу сказаць, нават дзяржаўным структурам, што тое, што вы робіце, няправільна. Гэта ня лёгка, але гэта частка нашага хрысьціянскага жыцьця, нашага хрысьціянскага заданьня», – сказаў 27 ліпеня 2009 году Першаярарх УГКЦ кардынал Любамір Гузар у прамым эфіры на ўкраінскім тэлеканале ТВi. 
У 2010 годзе спаўняюцца 280-ыя ўгодкі каранацыі іконы Маці Божай Жыровіцкай папскімі каронамі. Гэта была першая каранацыя цудатворнай іконы Маці Божай залатымі папскімі каронамі на тэрыторыі ВКЛ і сучаснай Беларусі. 
У планах Папы Рымскага Бенядыкта XVI на 2010 год пазначаны магчымы прыезд у Беларусь. 
У Менску пры аднаўленьні легендарнага храму XVII ст. знайшлі склеп з пахаваньнем фундатараў царквы. Сам храм зьнішчылі саветы, але да трунаў не дабраліся. Крыпта можа стаць сымбалем незьнішчальнасьці Менску і турыстычнай пярлінай. 
У капліцы грэка-каталіцкага душпастырскага цэнтра сьв. Язэпа (вул. Арджанкідзэ 6) пачынаючы з 2 верасьня 2009 г. кожную сераду будуць праходзіць катэхетычныя сустрэчы для моладзі і студэнтаў Менску. 
Новым парахам грэка-каталіцкай парафіі сьвятога і праведнага Язэпа ў Менску замест а. Андрэя Абламейкі, які накіраваны на вучобу ў Аўстрыю, будзе Апостальскі Візітатар для грэка-католікаў Беларусі архімандрыт Сяргей (Гаек). 
23 жніўня 2009 году ў Полацку ў грэка-каталіцкай царкве сьвятой Параскевы Полацкай быў рукапакладзены на сьвятара дыякан Аляксандр Аўдзяюк. Ён стаў другім каталіцкім сьвятаром візантыйскага абраду, які быў высьвячаны ў Беларусі пасьля скасаваньня Уніі ў 1839 годзе (першым быў а. Яўген Усошын, якога высьвяцілі ў Маладэчна). Іншыя беларускія грэка-каталіцкія сьвятары, у тым ліку і ў міжваенны час, рукапакладаліся па-за межамі Беларусі. 
Навіны за 2009 год
24.09.2009
На плошчы Незалежнасьці ў Менску перад Чырвоным касьцёлам у суботу, 19 верасьня 2009 году, з 21-й да 23-й гадз. адбыўся евангелізацыйны канцэрт-праслаўленьне, у якім бралі ўдзел сябры харызматычнай супольнасьці «Maran atha» з берасьцейскай грэка-каталіцкай парафіі, сябры каталіцкай Супольнасьці «Сьвятло-Жыцьцё» (з суполкі «Каштоўная перліна» у Менску), а таксама вядомая хрысьціянская сьпявачка Алеся Ўнукоўская.
На евангелізацыйным канцэрце прысутнічала каля 200 чалавек, значная частка з якіх — мінакі, якія ўвечары адпачывалі на галоўнай плошчы сталіцы. Сьпяваліся беларускія хрысьціянскія песьні, было некалькі габрэйскіх песьняў (якія сьпяваліся па-беларуску і па-габрэйску), таксама некалькі было па-расейску. Пераважная большасьць моладзі з цікавасьцю слухала гэтыя сьпевы, многія ўдзельнікі танчылі і сьпявалі разам з лідарамі праслаўленьня.
Відэа і каментары да гэтай падзеі можна паглядзець у матэрыяле “Уніяцкі карагод на плошчы Незалежнасьці” на сайце газеты “Наша Ніва”.
Гл. таксама:
Упершыню з часоў скасаваньня Уніі грэка-каталіцкі мітрапаліт Кіеўскі адслужыў сьв. Літургію ў Беларусі
Зьверхнік УГКЦ і каталіцкія ярархі Еўропы пазнаёміліся з жыцьцём грэка-католікаў у Менску
Ватыканскі ярарх разам з грэка-католікамі памаліўся за Менск і за ахвяры вайны
Сустрэць агонь і несьці агонь
διάκονος (Слуга)
