Мітрапаліт Валакаламскі РПЦ Іларыён (Алфееў) выказаў спадзяваньне, што Папа Рымскі Францішак працягне палітыку зьбліжэньня з праваслаўнымі і ня будзе падтрымліваць экспаньсію грэка-католікаў — піша сайт «Православие и мир». 
Калі хрысьціянін любіць крыж, то ён ня можа быць сумным, і не павінен дазваляць злу пазбаўляць яго надзеі. Пра гэта гаварыў Папа Францішак 24 сакавіка 2013 году на плошчы сьв. Пятра падчас урачыстай сьв. Імшы ў Вербную нядзелю — паведамляе Радыё Ватыкану. 
Прыкладна 300 тысячаў вернікаў з 132 краінаў сьвету, 33 дэлегацыі розных Цэркваў і рэлігіяў прынялі ўдзел у цырымоніі інаўгурацыі Папы Францішка, які 19 сакавіка 2013 году распачаў Пятрова служэньне. 
23 сакавіка 2013 году ў Вільні адбылося ўшанаваньне памяці Кастуся Каліноўскага, пакаранага сьмерцю 22 сакавіка 1864 году. 
“Паколькі сёньняшні Папа мае ўяўленьне пра Ўкраіну і мае такую пэўную сентыментальную прывязанасьць да ўкраінцаў, я думаю, што можна спадзявацца, што ён наведае Ўкраіну”, — сказаў кардынал Любамір. Пра гэта ён заявіў 14 сакавіка 2013 году на прэс-канферэнцыі ў Кіеве, інфармуе УНІАН. 
Вярхоўны Архібіскуп Сьвятаслаў Шаўчук, Зьверхнік Украінскай Грэка-Каталіцкай Царквы, накіраваў віншавальны ліст на імя Папы Францішка з нагоды абраньня Рымскім Архірэем і запрасіў яго наведаць Украіну ў дні сьвяткаваньня 1025-годдзя Хрышчэньня Русі і Ўкраіны — паведамляе Дэпартамент інфармацыі УГКЦ. 
Праз некаторыя факты з біяграфіі аргентынскага кардынала Хорхэ Марыё Бэргольё паспрабуем угледзецца ў вобраз новага Рымскага Архірэя і яго жыцьцёвыя прыярытэты. 
У Санкт-Пецярбургу ў нядзелю, 10 сакавіка 2013 году, у рыма-каталіцкім касьцёле Ўсьпеньня Найсьвяцейшай Дзевы Марыі пачаліся набажэнствы ў візантыйскім абрадзе на беларускай мове — паведамляе сайт “Беларусы Пецярбурга”. 
Новым Рымскім Архірэем 13 сакавіка 2013 году падчас вячэрняй сэсіі канклаву абраны аргентынскі кардынал-езуіт Хорхэ Марыё Бэргольё, які ўзяў сабе імя Францішак I. 
13 сакавіка 2012 году кардыналы, сабраныя на Канклаве ў Ватыкане выбралі новага Папу, паведамляе Беларуская рэдакцыя Ватыканскага радыё. Сьведчаньнем абраньня стаў белы дым, які ўзьняўся з коміну на даху Сікстынскай капліцы а 19.05 гадз. па рымскім часе. 
Галоўная 
Навіны за 2013 год
Рэгулярныя беларускія набажэнствы ў паўночнай расейскай сталіцы аднавіліся пасьля значнага перапынку. Раней па-беларуску ў Санкт-Пецярбургу служылі рыма-каталіцкія сьвятары-беларусы, аднак з цягам часу ўсе яны зьехалі.
Навіны за 2013 год
14.03.2013
У Пецярбургу пачаліся набажэнствы на беларускай мове
У Санкт-Пецярбургу ў нядзелю, 10 сакавіка 2013 году, у рыма-каталіцкім касьцёле Ўсьпеньня Найсьвяцейшай Дзевы Марыі пачаліся набажэнствы ў візантыйскім абрадзе на беларускай мове — паведамляе сайт “Беларусы Пецярбурга”.
Рэгулярныя беларускія набажэнствы ў паўночнай расейскай сталіцы аднавіліся пасьля значнага перапынку. Раней па-беларуску ў Санкт-Пецярбургу служылі рыма-каталіцкія сьвятары-беларусы, аднак з цягам часу ўсе яны зьехалі.
Цяпер зроблена новая спроба згуртаваць пецярбургскіх вернікаў-беларусаў, на гэты раз у малітве паводле візантыйскай традыцыі, якая блізкая таксама і праваслаўным. Гэта стала магчымым, дзякуючы высілкам некалькіх энтузіястаў-беларусаў і пры падтрымцы пецярбургскага грэка-каталіцкага сьвятара айца Кірылы Міронава. Як адзначае сайт “Беларусы Пецярбурга”, на першай грэка-каталіцкай багаслужбе па-беларуску прысутнічала 16 вернікаў, якія палымяна ўзносілі свае сэрцы ўгору да Госпада і з надзеяй прамаўлялі: “Госпадзі, зьмілуйся!”
Службу прыгожа аздобілі беларускія духоўныя гімны “Магутны Божа” і “Дай, добры Божа”, прасьпяваныя грамадой вернікаў на пачатку і напрыканцы Боскай Літургіі. Разам з вернікамі маліўся і сьпяваў беларускія гімны прафесійны оперны сьпявак Лявон Габрусёнак.
Літургічныя нядзельныя чытаньні ў гэты дзень былі пра ўспамін аб Страшным судзе. Менавіта таму падчас казаньня айцец Кірыла акцэнтаваў увагу на апошніх рэчах і апошніх часах, якія чакаюць кожнага чалавека.
Таксама, зьвяртаючыся да прысутных беларусаў, расейскі грэка-каталіцкі сьвятар адзначыў, што Царква павінна арганічна ўпісвацца ў той культурны і нацыянальны кантэкст, у якім знаходзіцца, і больш за тое — спрыяць разьвіцьцю і ўдасканаленьню нацыянальных каштоўнасьцяў народа, напаўняючы іх хрысьціянскім зьместам.
Пасьля сьв. Літургіі вернікі з сваім сьвятаром урачыста прасьпявалі яшчэ Акафіст Багародзіцы, таксама па-беларуску. Наступная беларуская багаслужба ў грэка-каталіцкай парафіі сьв. Кірылы і Мятода, па дамоўленасьці з душпастырам, адбудзецца ў сярэдзіне красавіка, падчас Вялікага посту (грэка-католікі ў Расеі жывуць паводле юльянскага календара).
Паводле словаў а. Кірылы Міронава сьв. Літургію па-беларуску ў грэка-каталіцкай парафіі сьв. Кірылы і Мятода ў Санкт-Пецярбургу ён будзе служыць раз на месяц.
Гл. таксама:
У грэка-католікаў Горадні пабывалі міністранты з Шчучына
У Грэцыі прадстаўнікі Каталіцкай і Праваслаўнай Цэркваў дыскутавалі пра прымат і сінадальнасьць
Япіскап Бенядыкт Алексійчук: Беларусь і Ўсходняя Ўкраіна мелі аднолькавыя стартавыя ўмовы, а вынікі — несувымерныя
Як разьвіваўся беларускі біблійны пераклад?
Рэлігійны канфлікт на Берасьцейшчыне — праваслаўныя патрабуюць зьнесьці каталіцкі крыж
Гэты артыкул чыталі 133 разоў (-ы)
