Мітрапаліт Валакаламскі РПЦ Іларыён (Алфееў) выказаў спадзяваньне, што Папа Рымскі Францішак працягне палітыку зьбліжэньня з праваслаўнымі і ня будзе падтрымліваць экспаньсію грэка-католікаў — піша сайт «Православие и мир». 
Калі хрысьціянін любіць крыж, то ён ня можа быць сумным, і не павінен дазваляць злу пазбаўляць яго надзеі. Пра гэта гаварыў Папа Францішак 24 сакавіка 2013 году на плошчы сьв. Пятра падчас урачыстай сьв. Імшы ў Вербную нядзелю — паведамляе Радыё Ватыкану. 
Прыкладна 300 тысячаў вернікаў з 132 краінаў сьвету, 33 дэлегацыі розных Цэркваў і рэлігіяў прынялі ўдзел у цырымоніі інаўгурацыі Папы Францішка, які 19 сакавіка 2013 году распачаў Пятрова служэньне. 
23 сакавіка 2013 году ў Вільні адбылося ўшанаваньне памяці Кастуся Каліноўскага, пакаранага сьмерцю 22 сакавіка 1864 году. 
“Паколькі сёньняшні Папа мае ўяўленьне пра Ўкраіну і мае такую пэўную сентыментальную прывязанасьць да ўкраінцаў, я думаю, што можна спадзявацца, што ён наведае Ўкраіну”, — сказаў кардынал Любамір. Пра гэта ён заявіў 14 сакавіка 2013 году на прэс-канферэнцыі ў Кіеве, інфармуе УНІАН. 
Вярхоўны Архібіскуп Сьвятаслаў Шаўчук, Зьверхнік Украінскай Грэка-Каталіцкай Царквы, накіраваў віншавальны ліст на імя Папы Францішка з нагоды абраньня Рымскім Архірэем і запрасіў яго наведаць Украіну ў дні сьвяткаваньня 1025-годдзя Хрышчэньня Русі і Ўкраіны — паведамляе Дэпартамент інфармацыі УГКЦ. 
Праз некаторыя факты з біяграфіі аргентынскага кардынала Хорхэ Марыё Бэргольё паспрабуем угледзецца ў вобраз новага Рымскага Архірэя і яго жыцьцёвыя прыярытэты. 
У Санкт-Пецярбургу ў нядзелю, 10 сакавіка 2013 году, у рыма-каталіцкім касьцёле Ўсьпеньня Найсьвяцейшай Дзевы Марыі пачаліся набажэнствы ў візантыйскім абрадзе на беларускай мове — паведамляе сайт “Беларусы Пецярбурга”. 
Новым Рымскім Архірэем 13 сакавіка 2013 году падчас вячэрняй сэсіі канклаву абраны аргентынскі кардынал-езуіт Хорхэ Марыё Бэргольё, які ўзяў сабе імя Францішак I. 
13 сакавіка 2012 году кардыналы, сабраныя на Канклаве ў Ватыкане выбралі новага Папу, паведамляе Беларуская рэдакцыя Ватыканскага радыё. Сьведчаньнем абраньня стаў белы дым, які ўзьняўся з коміну на даху Сікстынскай капліцы а 19.05 гадз. па рымскім часе. 
Галоўная 
Навіны за 2013 год
Прыкладна 300 тысячаў вернікаў з 132 краінаў сьвету, 33 дэлегацыі розных Цэркваў і рэлігіяў прынялі ўдзел у цырымоніі інаўгурацыі Папы Францішка, які 19 сакавіка 2013 году распачаў Пятрова служэньне.
На знак еднасьці Цэркваў Захаду і Ўсходу, новага Рымскага Архірэя суправаджалі 10 Патрыярхаў і Вярхоўных Архібіскупаў з Усходніх Каталіцкіх Цэркваў, сярод якіх быў Першаярарх УГКЦ, Вярхоўны Архібіскуп Кіеўскі і Галіцкі Сьвятаслаў Шаўчук.
Гл. таксама:
Кніга пра ўніяцкіх сьвятароў Беларусі перададзеная Рымскаму Архірэю
Вянгерская Грэка-Каталіцкая Царква падвышана да статусу мітраполіі
Папа: хрысьціянская любоў – гэта не каханьне з тэлесерыялаў
Папа Францішак: Немагчыма прапаведаваць Евангельле з сумнымі тварамі
Папа Францішак: ня будзьце сумныя і не паддавайцеся роспачы, будзьце радасныя
Навіны за 2013 год
24.03.2013
Усходнехрысьціянскі асьпект падчас інаўгурацыі новага Рымскага Архірэя
Прыкладна 300 тысячаў вернікаў з 132 краінаў сьвету, 33 дэлегацыі розных Цэркваў і рэлігіяў прынялі ўдзел у цырымоніі інаўгурацыі Папы Францішка, які 19 сакавіка 2013 году распачаў Пятрова служэньне. На ўрачыстасьцях з нагоды пачатку служэньня Рымскага Архірэя Францішка прысутнічалі Патрыярх Канстанцінопальскі Барталамей I, а таксама прадстаўнік Расейскай Праваслаўнай Царквы мітрапаліт Валакаламскі Іларыён.
Удзел у гэтай урачыстасьці Канстанцінопальскага патрыярха стаў знакавай падзеяй: упершыню з пасьля трагічнага падзелу хрысьціянства ў 54 годзе духоўны зьверхнік праваслаўя прыняў ўдзел у інаўгурацыі Біскупа Рыма, новаабранага Папы Францішка. Разам з Патрыярхам Барталамеем І на інаўгурацыі прысутнічалі мітрапаліт Пергамскі Ян (Зізіулас) — сустаршыня Міжнароднай зьмешанай камісіі па пытаньнях каталіцка-праваслаўнага тэалагічнага дыялогу, а таксама мітрапаліт Аргентыны Тарасіёс і праваслаўны мітрапаліт Італіі Генадыёс. Таксама прысутнічалі дэлегацыі юдэйскіх, мусульманскіх, будысцкіх, сікхскіх і джайнісцкіх рэлігійных супольнасьцяў.
Цырымонія пачалася ўрачыстай працесіяй Сьвятога Айца Францішка з усімі кардыналамі да магілы сьвятога Пятра ў крыпце Ватыканскай базылікі, каб засьведчыць, што яго пасланьніцтва пачынаецца там, дзе скончылася місія сьвятога апостала Пятра.
На знак еднасьці Цэркваў Захаду і Ўсходу, новага Рымскага Архірэя суправаджалі 10 Патрыярхаў і Вярхоўных Архібіскупаў з Усходніх Каталіцкіх Цэркваў, сярод якіх быў Першаярарх УГКЦ, Вярхоўны Архібіскуп Кіеўскі і Галіцкі Сьвятаслаў Шаўчук.Падчас інаўгурацыйнай Боскай Літургіі, якую Папа Францішак адслужыў на плошчы сьвятога Пятра 19 сакавіка 2013 году, Сьвятое Евангельле чыталася на грэцкай мове. Яго зачытаў грэка-каталіцкі дыякан Вальтэр Валошын з Стэмфардзкой япархіі ў ЗША, які навучаецца ў Папскай Грэцкай калегіі сьвятога Апанаса ў Рыме. Народжаны ў Бразіліі, ён належыць да трэцяга пакаленьня ўкраінскіх эмігрантаў.
У сваёй гаміліі Папа Францішак казаў пра сутнасьць служэньня Наступніка Пятра. Сьвяты Айцец адзначыў, што Рымскі Архірэй, каб выконваць сваю ўладу, павінен “з любоўю і чуласьцю прымаць усё чалавецтва, асабліва найбяднейшых, найслабейшых і найменшых”.
Тэгі: Рымскі Архірэй, Папа, Францішак, грэка-католікі, Усходнія Каталіцкія Цэрквы, Патрыярх Канстанцінопальскі, мітрапаліт Валакаламскі Іларыён
Гл. таксама:
Кніга пра ўніяцкіх сьвятароў Беларусі перададзеная Рымскаму Архірэю
Вянгерская Грэка-Каталіцкая Царква падвышана да статусу мітраполіі
Папа: хрысьціянская любоў – гэта не каханьне з тэлесерыялаў
Папа Францішак: Немагчыма прапаведаваць Евангельле з сумнымі тварамі
Папа Францішак: ня будзьце сумныя і не паддавайцеся роспачы, будзьце радасныя
Гэты артыкул чыталі 144 разоў (-ы)
