12 траўня 2013 году ў грэка-каталіцкім Цэнтры праведнага Язэпа ў Менску маліліся за разьвіцьцё дабрачыннага служэньня ў Царкве і пакліканьне новых валанцёраў, паведамляе сайт Хрысьціянскага валанцёрскага руху сьв. Мікалая Valancer.by. 
«УГКЦ будзе пашыраць стасункі з Царквой старажытнага Канстанцінопаля», — заявіў Першаярарх УГКЦ пасьля сустрэчы з Патрыярхам Барталамеем I. 
Міжнародны навукова-пастаральны сімпозіюм з цыклу “Вакол хрысьціянскага Ўсходу”, у якім бралі ўдзел прадстаўнікі Беларускай Грэка-Каталіцкай Царквы, адбыўся ў Сандаміры (Польшча) 13 красавіка 2013 году, паведамляе каталіцкае інфарацыйнае агенцтва KAI. 
У Міжнародны дзень вызваленьня вязьняў нацысцкіх лагераў, які штогод адзначаецца 11 красавіка, Апостальскі Візітатар для грэка-католікаў Беларусі Архімандрыт Сяргей (Гаек) адслужыў памінальную паніхіду на тэрыторыі былога нацысцкага канцлагеру “Майданэк” у Любліне (Польшча). 
10 красавіка 2013 году завяршылася паломніцтва на Сьвятую Зямлю дэлегацыі Ўкраінскай Грэка-Каталіцкай Царквы, якую ўзначальваў Зьверхнік УГКЦ Вярхоўны Архібіскуп Сьвятаслаў Шаўчук. Паломніцтва было арганізавана з нагоды Году веры і адбывалася з 4 па 10 красавіка, паведамляе Дэпартамент інфармацыі УГКЦ. 
Папа Рымскі Францішак прызначыў кардынала Жана-Луі Тарана, старшыню Папскай Рады па міжрэлігійным дыялогу, сваім сьпецыяльным пасланьнікам на сьвяткаваньне 400-годдзя прыбыцьця іконы Найсьвяцейшай Дзевы Марыі ў Будслаў, паведамляе Беларуская рэдакцыя Ватыканскага радыё. 
Апостальскі Візітатар для беларусаў-католікаў замежжа айцец Аляксандар Надсан зьвярнуўся з Велікодным пасланьнем да суайчыньнікаў. 
З нагоды сьвята Пасхі Хрыстовай Апостальскі Візітатар для грэка-католікаў Беларусі накіраваў вернікам БГКЦ сваё пастырскае Велікоднае пасланьне, у якім заклікае вернікаў у сьвятле Ўваскрослага Хрыста асэнсаваць пачатак служэньня новага Рымскага Архірэя Папы Францішка, ушанаваць мучаніцкі подзьвіг Экзарха а. Антона Неманцэвіча ў 70-ыя ўгодкія яго сьмерці, падзякаваць Госпаду за два дзесяцігоддзі магчымасьці адкрытай дзейнасьці БГКЦ на Бацькаўшчыне. А ў любові да роднай мовы і духоўнай культуры, сьведчаньні вернасьці Богу і Царкве Архімандрыт Сяргей (Гаек) нагадвае вернікам прыклад ахвярнага служэньня сьв. Кірылы і Мятода, Настаўнікаў славянскіх, і сьв. Язафата, Архібіскупа Полацкага. 
Велікоднае віншаваньне Апостальскага нунцыя ў Беларусі архібіскупа Клаўдыё Гуджэроцьці. 
«Ёсьць канкрэтная надзея на зьяднаньне Царквы Ўсходу і Захаду», — сьцьвярджае Патрыярх Канстанцінопальскі Барталамей I. Паводле словаў праваслаўнага ярарха, «будучыя пакаленьні ўбачаць зьяднаную Царкву», што пакладзе канец трагічнаму падзелу 1054 году. Пра гэта Канстанцінопальскі патрыярх гаварыў у сваім выступе ва ўніверсітэце Кадыр Гас у Стамбуле, паведамяле Ватыканскае радыё. 
Галоўная 
Навіны за 2013 год
Урачыстасьці ў Нацыянальным санктуарыі ў Будславе запланаваныя сёлета на 5 і 6 ліпеня. Сёлетнія ўрачыстасьці пройдуць там пад дэвізам «Марыя — Маці нашай веры».
4 красавіка 2013 году споўнілася 400 гадоў з дня, калі кс. Ісаак Салакай ахвяраваў сьвятыні ў Будславе абраз Маці Божай. Славуты абраз Маці Божай Будслаўскай быў намаляваны ў 1598 годзе ў Рыме і ахвяраваны папам Кліментам VIII менскаму ваяводу Яну Пацу.
Гл. таксама:
Папа блаславіў ініцыятыву беларускіх грэка-католікаў
Папа надаў статус япархіі грэка-каталіцкаму экзархату ў Македоніі
Беларускія ярархі падарылі Папу Рымскаму беларускі пераклад яго кнігі
Папа папрасіў свайго пасланьніка прывітаць ад яго імя беларусаў у Будславе
Кардынал Паралін: дыпламатыя Сьвятога Пасаду служыць шматлікім Абэлям, якіх працягваюць забіваць Каіны гэтага сьвету
Навіны за 2013 год
15.04.2013
На юбілейны фэст у Будслаў прыедзе пасланьнік Папы
Папа Рымскі Францішак прызначыў кардынала Жана-Луі Тарана, старшыню Папскай Рады па міжрэлігійным дыялогу, сваім сьпецыяльным пасланьнікам на сьвяткаваньне 400-годдзя прыбыцьця іконы Найсьвяцейшай Дзевы Марыі ў Будслаў, паведамляе Беларуская рэдакцыя Ватыканскага радыё.
Урачыстасьці ў Нацыянальным санктуарыі ў Будславе запланаваныя сёлета на 5 і 6 ліпеня. Сёлетнія ўрачыстасьці пройдуць там пад дэвізам «Марыя — Маці нашай веры».Кардынал Жан-Луі Таран зьяўляецца вядомым і аўтарытэтным ватыканскім ярархам, які ўжо на працягу некалькіх дзесяцігоддзяў працуе ў Рымскай курыі. Ён зьяўляецца сябрам Кангрэгацыі Ўсходніх Цэркваў і Папаскай Рады па спрыяньні хрысьціянскай еднасьці. Кардынал Таран у свой час займаў пасады сакратара Сьвятога Пасаду па стасунках з дзяржавамі, архіварыюса і бібліятэкара Сьвятой Рымскай Царквы. На цяперашнюю пасаду яго прызначыў яшчэ Бенядыкт XVI у 2007 годзе.
Менавіта ад яго, як ад кардынала-протадыякана, увесь сьвет пачуў славутае “Habemus Papam” 13 сакавіка 2013 году, калі ён абвясьціў пра абраньне на Пасад сьв. Пятра новага папы Францішка.
4 красавіка 2013 году споўнілася 400 гадоў з дня, калі кс. Ісаак Салакай ахвяраваў сьвятыні ў Будславе абраз Маці Божай. Славуты абраз Маці Божай Будслаўскай быў намаляваны ў 1598 годзе ў Рыме і ахвяраваны папам Кліментам VIII менскаму ваяводу Яну Пацу.6 ліпеня 2013 году ў Будславе кардынал Жан-Луі Таран зьдзейсьніць асьвячэньне крыжа і памятнага знака з нагоды 400-годдзя цудатворнага абраза Маці Божай у гэтым мястэчку. Чакаецца, што пасьля гэтага папскі пасланьнік узначаліць урачыстую сьв. Імшу і працэсію з іконай Маці Божай Будслаўскай на плошчы перад санктуарыем. Таксама падчас урачыстасьці ў Будслаў прыбудуць рэліквіі сьв. Тэрэзы з Лізьё.
Па традыцыі ў будслаўскім фэсьце возьмуць удзел і беларускія грэка-каталікі. У праграме ўрачыстасьцяў запланавана сьв. Літургія ў візантыйскім абрадзе і Акафіст Багародзіцы, які будзе сьпяваць грэка-каталіцкі хор.
Тэгі: Жан-Луі Таран, Будслаў, 400-годдзе Будслаўскай іконы Маці Божай, грэка-католікі, сьв. Тэрэза, папа, Сьвяты Пасад
Гл. таксама:
Папа блаславіў ініцыятыву беларускіх грэка-католікаў
Папа надаў статус япархіі грэка-каталіцкаму экзархату ў Македоніі
Беларускія ярархі падарылі Папу Рымскаму беларускі пераклад яго кнігі
Папа папрасіў свайго пасланьніка прывітаць ад яго імя беларусаў у Будславе
Кардынал Паралін: дыпламатыя Сьвятога Пасаду служыць шматлікім Абэлям, якіх працягваюць забіваць Каіны гэтага сьвету
Гэты артыкул чыталі 110 разоў (-ы)
