Калядны зварот Апостальскага візітатара для беларусаў-католікаў замежжа айца Аляксандра Надсана. 
12 сьнежня 2009 г. у лучайскай рыма-каталіцкай парафіі сьвятога Юды Тадэвуша (Пастаўскі дэканат, Віцебская дыяцэзія) адбудзецца дабрачынны канцэрт-праслаўленьне. Дадзеная акцыя распачнецца пасьля сьвятой Імшы а 14.00 гадз. і стане цудоўным завяршэньнем адвэнтовых рэкалекцыяў у гэтай парафіі. З канцэртнай праграмай выступіць гурт «Маран Ата» з грэка-каталіцкай парафіі сьвятых братоў-апосталаў Пятра і Андрэя ў г. Берасьці. 
У Львове, 25 лістапада 2009 году, у грэка-каталіцкай царкве сьв. Язафата, на патранальнае сьвята мясцовай парафіі, якой апякуюцца манахі Чыну Найсьвяцейшага Адкупіцеля, Данецкі грэка-каталіцкі экзарх біскуп Сьцяпан Мянёк, CSsR рукапаклаў на сьвятара дыякана Антона Нікалаева, які паходзіць з Беларусі, з парафіі сьвятых братоў-апосталаў Пятра і Андрэя ў Берасьці. 
З 24 па 25 кастрычніка 2009 г. парафія Нараджэньня Найсьвяцейшай Панны Марыі ў Браславе запрашае ўсіх, хто хоча праслаўляць Бога малітвай сьпеву. У гэтыя дні тут адбудзецца ІІІ Фэстываль рэлігійнай песьні «Птушкай будзь». 
Як падкрэсьліў па прылёце ў Менск Першарярах РПЦ МП Патрыярх Кірыл, "Беларусь – краіна з абсалютна праваслаўнай большасьцю". Пры гэтым Парыярх Кірыл заўважыў, што "тут ёсьць і іншыя канфэсіі", а "добрыя стасункі з рознымі канфесіямі садзейнічаюць гуманізацыі грамадзтва". 
Навіны за 2009 год
10.12.2009
9 сьнежя 2009 году Боскую Літургію ў віленскай царкве Сьвятой Тройцы айцоў-базыяльнаў і пахаваньне айца Яна ўзначаліў ераманах а. Павел Яхімец, ЧСВВ. У пахаваньні сьвятара-беларуса ўдзельнічалі прадстаўнікі Беларускай Грэка-Каталіцкай Царквы а. Аляксандар Шаўцоў з Полацку і яго жонка Тацяна.
Нарадзіўся Ян Даўкшыс 19 жніўня 1952 году ў вёсцы Куклі Воранаўскага раёну Гарадзенскай вобласьці ў каталіцкай сям’і з беларуска-літоўскага памежжа. Пасьля заканчэньня 8 класаў мясцовай сельскай школы пераехаў у Вільню, дзе скончыў школу і стаў маляром-тынкоўшчыкам. У гэты час прыслугоўваў у касьцёле сьв. апосталаў Пятра і Паўла.
Маючы вялікае жаданьне служыць Богу ў часы, калі ў СССР праводзілася дзяржаўная атэістычная палітыка, быў татальны кантроль і атрымаць дазвол на паступленьне ў каталіцкую семінарыю было ўжо практычна немагчыма, 
у 1972 годзе Ян Дакшыс паступіў у Ленінградзкую духоўную семінарыю, якой апекаваўся тады вялікі прыхільнік экуменізму і супрацоўніцтва з Каталіцкай Царквой мітрапаліт Нікадзім (Ротаў). У 1977 годзе Ян Даўкшыс стаў сьвятаром. У 1989-1995 гг. ён служыў настаяцелем царквы сьвятых Віленскіх мучанікаў Антона, Яна і Яўстаха ў г. Таўраге, што на захадзе Літвы.
Пасьля пераходу ў Каталіцкую Царкву а. Ян служыў у Літве для беларусаў і іншых грэка-католікаў у Вільні ў славутай царкве Сьвятой Тройцы, што ў Базыльянскіх мурах, дзе некалі пачынаў сваё служэньне сьв. Язафат. 
Пахаваны а. Ян Даўкшыс на Кальварыйскіх могілках у Вільні.
Гл. таксама:
Беларускі грэка-каталіцкі сьвятар: Стаўленьне да нас з боку Ватыкана – наш вялікі боль
У Вільні гучалі беларускія царкоўныя сьпевы
«Веру ў Адзіную Царкву»
БГКЦ: Асэнсаваць духовую спадчыну і новыя заданьні
Грамадзянін Вялікага Княства Любові
