25 красавіка 2022 году Прэс-цэнтар Сьвятога Пасаду паведаміў, што Сьвяты Айцец Францішак прыняў адстаўку ад пастырскага кіраваньня грэка-каталіцкай Прэшаўскай архіяпархіяй у Славакіі архібіскупа-мітрапаліта Яна Бабяка, SJ. Адначасова Папа Францішак прызначыў біскупа Пятра Руснака з Браціслаўскай япархіі Апостальскім адміністратарам sede vacante Прэшаўскай архіяпархіі. 
6 красавіка 2022 году, напрыканцы агульнай аўдыенцыі, Папа Рымскі Францішак гаварыў пра вайну ва Ўкраіне і памаліўся з украінскімі дзецьмі, якія знайшлі прытулак у Рыме — паведамляе Vatican News. 
Ваенная агрэсія Расеі супраць Украіны зьяўляецца злачынствам супраць міжнароднага права, правоў чалавека, свабоды і гуманізму — лічаць члены Міжнароднай тэалагічнай камісіі. Пра гэта яны скіравалі адмысловую заяву — паведамляе Vatican News. 
Сьвяты Айцец завяршыў агульную аўдыенцыю, якая 16 сакавіка 2022 года прайшла ў ватыканскай Зале Паўла VI, адмысловай малітвай, якая нарадзілася ў сувязі з вайной ва Ўкраіне, паведамляе Vatican News. 
20 студзеня 2022 г. у грэка-каталіцкай царкве сьв. братоў-апосталаў Пятра і Андрэя адбылася Экуменічная малітоўная сустрэча з нагоды 500-годдзя выданьня “Малой падарожнай кніжкі” Францішка Скарыны, выдадзенай у Вільні ў 1522 г. 
Пасьля малітвы Анёл Гасподні, якая 16 студзеня 2022 году прайшла на плошчы сьвятога Пятра ў Ватыкане, Папа Рымскі Францішак скіраваў заклік у сувязі з набліжэньнем Тыдня малітваў за еднасьціь хрысьціянаў — паведамляе Беларуская рэдакцыя Vatican News. 
Візіт Папы Рымскага на Кіпр і ў Грэцыю стане важным крокам на шляху «дыялогу любові» з Праваслаўнымі Цэрквамі. Такое меркаваньне выказаў старшыня Папскай Рады па спрыяньні еднасьці хрысьціянаў, кардынал Курт Кох. 
Як інфармуе Vatican News, у сёлетнім традыцыйным пасланьні Канстанцінопальскаму патрыярху з нагоды сьвята апостала Андрэя Першапакліканага, брата сьвятога Пятра, Папа Рымскі Францішак адзначыў, што іх супольная адказнасьць перад абліччам сучасных выклікаў вынікае з іх агульнай веры. 
У нядзелю, 28 лістапада 2021 году Апостальскі нунцый у Беларусі архібіскуп Антэ Ёзіч наведаў грэка-каталіцкую парафію сьвятога і праведнага Язэпа ў Менску. 
З 21 лістапада ў грэка-каталіцкіх парафіях Беларусі пачалася душпастырская навэнна перад сьвятам Апостала Андрэя Першапакліканага — асаблівага апекуна і заступніка Ўсходняй (Візантыйскай) Царквы, якога шануюць хрысьціяне як на Ўсходзе, так і на Захадзе. 
Галоўная 
Навіны хрысьціянскага сьвету
Гл. таксама:
Архімандрыт Сяргей (Гаек) пра чаканьні беларусаў ад сустрэчы з Папам у краінах Балтыі
Ці можа ўніяцтва зноў аб’яднаць беларусаў?
Каб стварыць беларускую царкву ў Лондане, кітаец вывучыў нашу гісторыю
Сьвяты Пасад падтрымлівае імкненьне да свабоды і справядлівасьці ў Беларусі
Лукашэнка сустрэнецца з Папам Рымскім
Навіны хрысьціянскага сьвету
04.06.2013
Малітва за Беларусь ў Рыме і блаславеньне Папы Францішка
Апостальскі Візітатар для грэка-католікаў Беларусі Архімандрыт Сяргей (Гаек) наведаў Рым, дзе 29 траўня 2013 году ў базыліцы сьв. Пятра ў Ватыкане маліўся за Беларускую Грэка-Каталіцкую Царкву ля мошчаў сьвятога Вярхоўнага Апостала Пятра, сьвятога Язафата, архібіскупа Полацкага, а таксама блаславёнага Папы Яна Паўла ІІ — паведамляе сайт svjazep.org.
Пасьля малітвы ў базыліцы, Апостальскі Візітатар Архімандрыт Сяргей удзельнічаў у агульнай аўдыенцыі Папы на плошчы сьв. Пятра. Напрыканцы аўдыенцыі, разам з іншымі ярархамі ён меў магчымасьць асабіста прывітаць Папу Францішка. На словы прывітаньня “Слава Ісусу Хрысту” Папа Францішак адказаў: “Слава на векі!”
З нагоды 390-годдзя мучаніцкай сьмерці сьвятамучаніка Язафата, архібіскупа Полацкага, Апостальскі Візітатар для грэка-католікаў у Беларусі папрасіў у Сьвятога Айца асаблівага блаславеньня для сьвятароў і вернікаў Беларускай Грэка-Каталіцкай Царквы. “Ад усяго сэрца бласлаўляю вашую Царкву і вашую Бацькаўшчыну”, — адказаў Папа Францішак.
Малітву за БГКЦ і за Беларусь Апостальскі Візітатар архім. Сяргей Гаек працягваў і ў наступны дзень перад цудатворнай Жыровіцкай іконай Багародзіцы ў Рыме.
Гл. таксама:
Архімандрыт Сяргей (Гаек) пра чаканьні беларусаў ад сустрэчы з Папам у краінах Балтыі
Ці можа ўніяцтва зноў аб’яднаць беларусаў?
Каб стварыць беларускую царкву ў Лондане, кітаец вывучыў нашу гісторыю
Сьвяты Пасад падтрымлівае імкненьне да свабоды і справядлівасьці ў Беларусі
Лукашэнка сустрэнецца з Папам Рымскім
Гэты артыкул чыталі 172 разоў (-ы)
